Bɔ-Koe-Iyipiti 2:24 - ALLALA KUMƐ

²⁴ Alla ya anu di-kɛ-kan lamɔɛn. A ya lanyiri min kiri Iburayima anubɛ Isiyaka anubɛ Yakoba ye, a ya a fonde to wo ko

Bɔ-Koe-Iyipiti 2:24 ပူးပေါင်းရင်းမြစ်များ

Ko-Dabirɛnu 15:13

Mari ya a fɔ Burama ye kiyo rɔ ko, “I ni a lɔn serr ko i bɔnsɔnnu si ma sundan la nyamani-gbɛrɛ rɔ. Anu si ma yɔɔnnu na ka wɔli nyamanita-mɔgɛ wonu ye. Mɔgɛ wonu si anu tɔrɔ san kɛmɛ nani kɔrɔ.

Ko-Dabirɛnu 16:11

I si den-kei sɔrɔn. I si a tɔgɔ sa Sumanyila kamasɔrɔn nde, Mari ara ila tɔrɔyɛ di-kɛ-kan namɔɛn. Sumanyila wo kɔrɛ le ko, ‘Alla si ko lamɔɛn.’

Ko-Dabirɛnu 17:7

N si nta lanyiri latɔnbagaya mabɛ ile anubɛ i bɔnsɔn anubɛ wonu fanan bɔnsɔnnu tɛma. A si ma habadan-lanyiri la alako n ni ma woleta Alla la.

Ko-Dabirɛnu 18:18

kamasɔrɔn Iburayima bɔnsɔn si sɛnbɛ sɔrɔn. Duninya-mɔgɛ bɛɛ si duwɛ sɔrɔn ale fɛ.

Ko-Dabirɛnu 22:16

Mari ya a fɔ a ye ko, “Bawo i ma ila den kelen pe dogon n ma min kɛ, n bara n keli n nyɛrɛ rɔ

Ko-Dabirɛnu 26:2

Kɔnɔ Mari bɔra gbɛ rɔ Isiyaka ye ka a fɔ a ye ko, “I kana ta Iyipiti nyamanɛ rɔ. N si kan tinɛ do yira i la nyamanɛ kɛ rɔ, i si ta i sigi kan min.

Ko-Dabirɛnu 26:24

A ke nyɔ wo suyi rɔ, Mari bɔra a ye gbɛ rɔ. A ko, “I fa Iburayimata Alla le nde la. I kana kilan kamasɔrɔn n bi i fɛ. N si nta duwɛ layigi i kuma ka i bɔnsɔn lasiyaya nta wɔli-kɛlɛ Iburayimala ko la.”

Ko-Dabirɛnu 26:3

To nyamanɛ kɛ rɔ bɛ min na fɔlɔn. N si to i fɛ ka nta duwɛ layigi i kuma. N si nyamanɛ kɛ bɛɛsi di wobɛ i bɔnsɔn ma. N si i bɔnsɔn lasiyaya iko san-kole lolenu ka nyamanɛ kɛ di anu ma. Duninya-mɔgɛ bɛɛ si duwɛ sɔrɔn i bɔnsɔn kɛnu fɛ kamasɔrɔn Iburayima ya n kuman-kan kɛnu namɔɛn ka nta tɔnnu bira. N ya lanyiri minnu kiri mabɛ i fa Iburayima tɛma nun, n si wonu ma.”

Ko-Dabirɛnu 32:28

Kei wo ya a fɔ a ye ko, “I tɔgɔ ma tun Yakoba. I tɔgɛ le gbɛ Isirɛla bawo wo kɔrɛ le iko mɔgɔ wa a fɔ ko ‘Minnubɛ Alla ya turunɛ kɛ.’ Wobɛ Alla ya turunɛ kɛ anubɛ mɔgɛnu, ado i wara anu nɔ.”

Ko-Dabirɛnu 35:11

Alla ya a fɔ a ye tun ko, “Alla Sɛnbɛ-Bɛɛ-Tigi le nde la. I ni yiri ka siyaya. Bɔnsɔn siyaman si bɔ ile rɔ. Mansɛnu si bɔ i bɔnsɔn wonu tɔ.

Ko-Dabirɛnu 35:12

N ya lanyiri kiri nyamanɛ minna ko la i benba Iburayima anubɛ i fa Isiyaka ye, n si wo di ile anubɛ i kegeyɛnu ma.”

Ko-Dabirɛnu 8:1

Alla ma nyina Nowa anubɛ soge wonu ko minnu bi kulɔn wo rɔ nun. Alla ya fɔnyɔ latugu ka yi masagan.

2 Mansɛnu 13:23

Kɔnɔ hinɛ anubɛ kinikinɛ ye Mari rɔ. A ma sɔn Isirɛla mɔgɛnu nato-koe ma. A ya anu dɛnbɛ bawo a ara sarama-kan kiri Iburayima anubɛ ala den Isiyaka anubɛ wola den Yakoba ye nun, ado ha kaka, a ma nyina ala mɔgɛnu ko.

Yaburi 102:2

N ba tɔrɔyɛ sɔrɔn wati min, i kana i kan-kɔ sɔ n na. I wɔlɔ matɔlɔ n na alako n ba i rakele, i ni a labira tiriya!

Yaburi 102:20

A ye wo mafɛlan kun na tumɛ min, a ya mɔgɔ-biranɛnu kurun-kan lamɔɛn. Minnu faga-ko-lɔgɔ la ara ban tɛgɛla, a ya wonu kunyɛ bɔ fagalɛ kɔrɔ.

Yaburi 105:42

Alla ya sarama-kan-sɛnimɛ min kiri ala wɔli-kɛla Iburayima ye, a ma nyina wonu ko.

Yaburi 106:45

Ka a tɛgɛ wo ma, a ya a miri anu tɛma-sarama-kan ma. A ya a miriya yɛlɛman ala keninteya-belebele-wɛla ko la anu bara la.

Yaburi 138:3

I rakele n bolo, i ya a labira. I ya n sɛnbɛ makofu ita sɛnbɛ-wɛ la.

Yaburi 22:24

A ti nyina ata mɔgɔ-tɔrɔnɛ ko ka a kan-kɔ sɔ wo la. A wa nyinikalɛ kɛ dɛnbɛn-koe rɔ wati min, Mari si a yabi.”

Yaburi 22:5

Anu ya i rakele, i ya anu natanka. Anu lanɛ i la min kɛ, woletɔ i ma anu baya.

Yaburi 79:11

I wɔlɔ matɔlɔ mɔgɔ-biranɛnu kurun-kan la. Minnu faga-koe la ara tɛgɛ, wonu kunyɛ bɔ lakira bonda-dɛ la i sɛnbɛ-makawanɛ la.

Bɔ-Koe-Iyipiti 6:5

Iyipiti mɔgɛnu ya Isirɛla mɔgɛ minnu bira yɔɔnyɛ la, n bara wonu di-kɛ-kan lamɔɛn. N bi n hɛnkili lamirila nta sarama-kan ma n ya min kiri anu benbanu ye.

Yilan-Yilan Koe 20:16

Ma dira ko Mari ni ma dɛnbɛ min kɛ, Mari ya ma di-kɛ-kan wo lamɔɛn. A ya melika lana ka ma labɔ Iyipiti nyamanɛ rɔ. Kɔnɔ kaka, ma ye Kɛdɛsi dagɛ rɔ ila nyamanɛ dala.

Kɛwɔlɛnu 7:34

A ko a ara ata mɔgɛnuna tɔrɔya-wɛ yen Iyipiti nyamanɛ rɔ. A ara anu kurun-kan lamɔɛn. A ko a ara yigi anu nakisi tinɛ ko a ye nala ale Musa sɔla Iyipiti nyamanɛ rɔ.

Kɛlɛ-Kurugbɛnu 2:18

Mari wa kun-tigiyɛ di Isirɛla mɔgɛ do ma tumɛ min, fananta kɛlɛ-kurugbɛ wo ye a niyi la, Mari si to a dɛnbɛna alako a ni ala mɔgɛnu nakisi. Wo kɔma, Mari si kinikini ata mɔgɛnu ma bawo anu yogenu bara anu tɔrɔ.

1 Samuwɛli 9:16

“Kɛ-nyɔgɔn-tumɛ sina, n si kei do lana i ma min bɔnɛ Bɛnyamɛ bɔnsɔn rɔ. I ni dantɛgɛ-tuli kɛ a kunyɛ rɔ ka ale dantɛgɛ n ma. A si ma Isirɛla mɔgɛnuna mansɛ la. N bara nta mɔgɛnuta tɔrɔyɛ yen, ado anu bi dila n dala anu dɛnbɛn-koe rɔ. Ale kei wo si anu natanka Filisitinuna masibɛ ma.”