Bɔ-Koe-Iyipiti 19:19 - ALLALA KUMƐ

¹⁹ Buru-fɛ-kan koloyara tumɛ min, Musa kumara. Alla ya a yabi san-sɛran rɔ.

Bɔ-Koe-Iyipiti 19:19 ပူးပေါင်းရင်းမြစ်များ

Nihɛmaya 9:13

I bɔra san ma wulɔn Sinayi kɔnkɛ kuma. I kumara ila mɔgɛnu ye nyɔ. I ya tɔnnu di anu ma nyɔ min kin, ado tonyɛ le anu na.

Yaburi 81:7

Wo ye kɔndɔfili rɔ tumɛ min, wo ya n takele. N ya wo lakisi.” Alla ko, “N dogonnɛ ya a labira banda-fin-gbɛ rɔ. N ya wo kɔrɔbɔ wulɔn kan tinɛ do rɔ anu bi min kelela Sɔnkɔ-Sɔnkɔ tenke.”

Bɔ-Koe-Iyipiti 19:13

Mɔgɔ-wo-mɔgɔ kana a bole tugu tɔn-tinyalɛ wo la fɔ ka a faga kalabɛn la. Ni wo ma, anu ni a mabon kuri la. Mɔgɔ wo, kolo-fen wo, ni min ya tɔn wo tinya, anu kana wo kɛndɛ to. Anu ba buru-fɛ-kan lamɔɛn tumɛ min, anu ni anu madon kɔnkɛ kɛ la.”

Bɔ-Koe-Iyipiti 19:16

A tele sawa nyɔgɛ wo sɔgɔma, anu ya banda-nyin-masɔgɛ yen ka sangbalamɛ anubɛ buru-fɛ-kan-belebele-wɛ lamɔɛn banda-fin-digidigi-wɛ rɔ kɔnkɛ wo kuma. Minnu bi dagɛ wo rɔ, wonu yɛrɛyɛrɛnta kilan bolo.

Yilan-Yilan Koe 12:8

Mabɛ Musa si kuma ma nyɔgɔn na kɔnɔ n sa tamayi-kumɛ fɔla a ye. Ka tenbi wo bɛɛ la, a ya n nyɛrɛta tamasere yen, yɔ! Nfen ya a to gbɛ, wo sa kilanna ka murutiya-kumɛ kɛ fɔ a ma.”

Tɔn-Fɔɛ-Fila-Nyɔgɛ 4:36

A ya a ma, wo ya a kuman-kan lamɔɛn san-kole rɔ alako a si wo karan. A ya a ma, wo ya ata ta-sɛnimɛ yen. A kumara wo rɔ wo ye.

Tɔn-Fɔɛ-Fila-Nyɔgɛ 5:22

“Tɔn le kɛnu na Mari ya minnu di wo ma wo tumɛ wo ladɛnnɛ Sinayi kɔnkɛ kɔrɔ. Mari ya tɔn tan kɛnu denu dɔrɔn di wo ma a kulu-mayɛlɛnɛ la banda-fin-digidigi-wɛ anubɛ ta-mɛlan ta-sisi-fin-bɛ rɔ. Wo kɔma, a ya a sɛbɛ kuru-walan fila ma ka anu don nde, Musa bolo.”

Hiburunu 12:19

Anu ya buru-fɛ-kan anubɛ kuman-kan min namɔɛn, wole ma wonu namɔɛn. Isirɛla mɔgɛnu ya Allata kuman-kan wo lamɔɛn tumɛ min, anu kilanta ha anu ya a madiya alako anu kana wo su lamɔɛn tun

Hiburunu 12:21

Anu ya min tayen kɔnkɛ wo kuma, wo ya a ma, anu kilanta kati! Hali Musa nyɛrɛ ko, “N fɛrɛ bɛɛ ye yɛrɛyɛrɛnna kilan bolo!”