Bɔ-Koe-Iyipiti 19:15 - ALLALA KUMƐ

¹⁵ Wo kɔma, Musa ya a fɔ mɔgɛnu ye ko, “Wo ni wo rabɛn tele sawa kɛnu kɔrɔ. Wo kana wo gbɛrɛn musu ma wulɔn.”

Bɔ-Koe-Iyipiti 19:15 ပူးပေါင်းရင်းမြစ်များ

1 Ko-Kɔrɔta-Karan 15:12

A ya a fɔ Lifayi mɔgɔ wɔrɛ wonu ye ko, “Lifayi bɔnsɔn-mɔgɛnuna kun-tigi le wole la. Wole Lifayi bɔnsɔnnu, wo ni wo nyɛrɛ sɛninya, woletɔ wo si ke nala Isirɛlata Marita tɔn-kenkirɛ la ka a sigi kan tinɛ wo rɔ, n bara min tabɛn ala ko la.

Bɔ-Koe-Iyipiti 19:11

A tele sawa nyɔgɛ ma, n si a taran, anu bara anu tabɛn kamasɔrɔn a tele sawa nyɔgɛ wo ma, n si yigi Sinayi kɔnkɛ kuma banda-finyɛ rɔ mɔgɛ bɛɛ yala.

Bɔ-Koe-Iyipiti 19:14

Musa yigira mɔgɛnu wara tumɛ min ka bɔ kɔnkɛ kuma, a ya a fɔ anu ye ko anu ni anu sɛninya Mari bato-koe la ka anuna kurɛnu ku.

Bɔ-Koe-Iyipiti 19:16

A tele sawa nyɔgɛ wo sɔgɔma, anu ya banda-nyin-masɔgɛ yen ka sangbalamɛ anubɛ buru-fɛ-kan-belebele-wɛ lamɔɛn banda-fin-digidigi-wɛ rɔ kɔnkɛ wo kuma. Minnu bi dagɛ wo rɔ, wonu yɛrɛyɛrɛnta kilan bolo.

Yowɛli 2:16

Wo wa ban mɔgɛnu nakundɛnna, wo ni anu sɛninya iko tɔn ya a fɔ nya min. Wo ni kinanu kele. Wao ni dennɛnu fanan kele. Hali minnu dɛ ye kinyɛ la, wonu fanan ni bɛn a rɔ. Hali kei min ban-san musi furula, wonubɛ ala musi ni anuna bɔn boloka ka na.

Saraka-Masɔlɛnuta Tɔnnu 15:18

“Ni kei anubɛ ala musi ya anu sa, anu ni forɔn gbesi, anu mɔgɔ filɛ si anu ku worɔ. Anu sɛninyabɛlɛ le Mari yala ha wurɛ la.

Emɔsi 4:12

Woletɔ Mari ko a si wole, Isirɛla mɔgɛnu tɔrɔ. Bawo a ye nala wo tɔrɔla, nba, wo ni wo rabɛn Mari yarɔ min bi wo kitila.

Sakaraya 6:3

A sawa nyɔgɛ, so gbɛnu denu bi wo saganna. Kirindi nani nyɔgɛ, so-mapusannu denu bi wo saganna.

Malakayi 3:2

Mari kɛ wa na wati min, yon si ke tola a niyi la a kɔrɔ? Ale wa bɔ gbɛ rɔ, yon si kanan? A wa bɔ gbɛ rɔ wati min, a si ma iko sefini-diyamɛ min si nɔgɛ bɛɛ toronde kura-nɔgɔnɛ la. A si ma fanan iko numɛnuna tɛ min si nɛgɛ lalee bandin, ka a kɛndɛ bɔ a boe yala.

Matiyu 24:44

Wo le ya a to, wo rabɛnnɛ ni to tuma-wo-tuma bawo wo hɛnkili sa a ko tumɛ min, nde, Hadama-dan si na wati wo le tɔ.

1 Kɔrɛnti 7:5

Wo kana wo ban wo nyɔgɔn bolo fɔ ni wo sɔnta wo ma alako wo si fɛrɛ sɔrɔn ka Alla matara wati-ni kɔrɔ nya min. Wo kɔma, wo si taran wo nyɔgɔn fɛ tun alako Setanɛ kana wo kɔrɔbɔ wo nyɛrɛ birabɛlitayɛla ko la.