Bɔ-Koe-Iyipiti 18:21 - ALLALA KUMƐ

²¹ Wo kɔma, i ni hɛnkilimɛnu nyini mɔgɛ wonu tɛma, minnu kilannɛ Alla la, ado anu si tonyɛ fɔ, kensunyɛ ma di anu ye. I ni mɔgɔ-sufa wonu sigi anu kuma. I ni donu sigi mɔgɔ waga kelen-kelannu kun na. I ni donu sigi mɔgɔ kɛmɛ-kɛmɛnu kun na. I ni donu fanan sigi mɔgɔ bi-loli bi-lolɛnu kun na ka donu sigi mɔgɔ tan-tannu kun na.

Bɔ-Koe-Iyipiti 18:21 ပူးပေါင်းရင်းမြစ်များ

Ko-Dabirɛnu 22:12

Mari ya a fɔ a ye ko, “I kana ko-wo-ko ma ila dan kɛ la kamasɔrɔn n bara a lɔn kaka ko nde, Alla, gbiliyanɛ i bolo. I ma sɔn ka ila dan kelan dogon fɔ ka a di nde, Alla, ma.”

Ko-Dabirɛnu 42:18

A tele sawa nyɔgɛ ma, Yusufu ya a fɔ anu ye ko, “Nde kilannɛ Alla la min kɛ, wo ni ko kelen ma min si a ma, wo ni kisi.

Ko-Dabirɛnu 47:6

wo warɛ le Iyipiti nyamanɛ kɛ la. Wo ta wo sigi Kosɛn sigisɔn rɔ. Dugu-nyimɛ le nyɔ la. Ni mɔgɛ do ye wo tɛma min kusan kolo-fannu fɛ-birala, n ni nta kolo-fannu kerifa wo tigi la.”

2 Samuwɛli 18:1

Mansa Dawuda ya ala kɛlɛ-dannu kundɛn kan-tina-kelen. A ya anu tatala waga kelen-kelenyɛ anubɛ kɛmɛ-kɛmɛyɛ ma ka bɛɛta kun-tigi sigi a kun na.

2 Samuwɛli 23:3

Mata farɛ le Alla la min bi Isirɛla mɔgɛnu natankala. Wo le ya a fɔ ko mansɛ min bi mansayɛ kɛla telenbagayɛ la ka Alla sako kɛ,

1 Mansɛnu 18:12

N ba ta a fɔ a ye ko i ye yan tɔ, ni Allata Sɛnbɛ tara i la kan tinɛ do rɔ don? Ni a nara don, a ma i taran yan tɔ, a ti n faga? I miri de, kebi n dennɛ, n bi Mari batola a kila-bɛrɛbɛrɛ fɛ.

1 Mansɛnu 18:3

Ale Mansa Ehabu ya Hɔbadaya kele min bi ala bolɔn kun na. (Hɔbadaya lara Mari la dɔgɔma-ma-de!

Ɛsira 7:25

“Alla ara hɛnkili min di ile Ɛsira ma, i si wo lawɔli. Minnu bi ita Allata tɔn birala Yufereti bɛ tele-yigi wara la, ile Ɛsira si kun-tiginu anubɛ kiti-tɛgɛlɛnu yabɔ wonu tɔ, ado ni minnu ma Allata tɔn lɔn, i si wonu karan a la.

Nihɛmaya 5:9

Wo kɔma, n ya a fɔ anu ye ko, “Wo ye min kun na, wo ma telen. Wo ni Alla sako kɛ ka ko-telennɛ ma. Wo si a ma, sibolo-gbɛrɛnu ti ma mayɛlɛn-kunya sɔrɔn.

Nihɛmaya 7:2

N na-kelen-nyɔgɛ Hanani wo, anubɛ Kɛlɛ-Den-Kunya Hananaya min bi kan-tina-latankanɛ kuma, nde le wara wonu to Yerusalɛm soe kun na gbɛ! Hananaya kɛ, lanaya-mɔgɛ le, ado a si Alla gbiliya ka tenbi mɔgɛ bɛɛ la.

Yobu 1:1

Kei do ye nyɔ nun min tɔgɔ Yobu. A siginɛ Yusi nyamanɛ rɔ. Mɔgɔ-nyimɛ le ale la min bi Alla gbiliyala, ado a telennɛ a ye. A ye a mala a fɛrɛma bawo a ma di a ye a ni ko-yogo wo ko-yogo ma.

Yobu 29:16

Bolo-kolɔnnu fa le nde la. Sundannu ba bila nanparan rɔ, n bi anu dɛnbɛna.

Yobu 31:13

Nna wɔli-kɛlɛ do wa a yasere-masa n ye nun, n si n tole masɔ a la ka ko-latelennɛ kɛ a ye.

Yaburi 15:1

Mari, a bɛnnɛ, yon ni don i Bato-Bɔn la? Yon si ke i batola Yerusalɛm kɔnkɔ-sɛnimɛ kuma?

Yaburi 15:5

A si mɔgɔ dɔndɔ, a ti tɔnɔ sa a kuma. Ni mɔgɛ min yilikinɛ kumɛ rɔ, a ti sɔn dogonta-fan birala wo bolo. Min bi a mala a fɛrɛma ko sufa kɛ dama ma, mɔgɛ wo ra ti maga muk!

Bɔ-Koe-Iyipiti 17:9

Woletɔ Musa ya a fɔ Yasowa ye ko, “Mɔgɛ donu yabɔ ma ye minnu si ta Amalɛkinu kɛlɛ tinɛ. Alla ya a fɔ sewuri min ma ko n ni a bi, sina n si ta wo la n bolo kɔnkɛ kun tɛma ka n sɔ nyɔ.”

Bɔ-Koe-Iyipiti 18:25

A ya hɛnkilimɛnu yabɔ Isirɛla mɔgɛnu tɛma ka anu ma kun-tiginu na mɔgɛnu kun na.

Hɛnkilimaya-Kumɛnu 28:2

Ni nyamanita-mɔgɛnu murutiyanɛ, anu si to anuna kun-tiginu mayɛlɛmana. Kɔnɔ ni hɛnkilimɛ ye nyamanɛ kun na, ala mansayɛ si sɛnbɛ sɔrɔn ka mɛ.

Makawandili Kumɛnu 12:13

N bara ban kɛ bɛɛ fɔla nkɛkuna, kuma kelen de tonɛ n bolo gbɛ! I ni kilan Alla la ka to ala tɔnnu birala bawo Alla ya ma ladan wo lela ko la.

Aiseya 16:5

Wo wati rɔ, Dawuda bɔnsɔn-mɔgɛ do si ma mansɛ la. A si ala mɔgɛnu mara keninteyɛ anubɛ lanayɛ la. A la si tiriya ko-latelennɛ ladanna. A si mɔgɛnu sɔ telenbagayɛ kilɛ rɔ.

Aiseya 33:15

Kɔnɔ ni wole tora ko-telennɛ mala ka tonyɛ fɔ, wo si to wo niyi la wo rɔ. Wo kana wo raya ka bolo-kolɔnnu bolo labira, ni wo ma, ka dogonta-fan bira mɔgɛnu bolo. A karagbɛlɛ wo, a mɔgɔ-fagala wo, wo kana kofu wonu ma.

Aiseya 59:4

Wo wa ta kiti-bɔn la hali min yo, wo si yiliki sɔrɔn. Tonya-fɔla fenfen sa kiti-bɔn la. Wo ye karamɛ layɛlɛla wo nyɔgɔn ma. Wo ye nanparan ratɛgɛla donu kan ma ka ko-yogomɛ dan-natenbi.

Yɛrɛmaya 5:1

Mari ko nde, Yɛrɛmaya ni to yigi-ni-yɛlɛ kɛla Yerusalɛm soe burɔ. N ni n ya-lakalan nyɔla foolɛ rɔ ka n miri a ma ka mɔgɛnu kundɛn-tinɛ bɛɛ mafɛlɛn. N ni a mafɛlɛn ni mɔgɔ-latelenni kelen bi anu tɔ. N ni mɔgɔ kelen nyini anu tɔ tonyɛ di min ye. Ni n ya wo mɔgɛ yen anu tɔ, Mari ko a si soe kɛ makoto.

Isikiyɛli 18:8

A wa mɔgɔ dɔndɔ, a ti tɔnɔ sa a kuma. A ye a banna ko-yogoma-kɛ ma. A ti kumɛ ladon binyɛ la mɔgɔ-wo-mɔgɔ ye.

Isikiyɛli 22:12

Anu bi donu sarala mɔgɛnu faga-koe la. Donu bi tɔnɛ sala anuna yili-donnɛnu kuma anu ta-nyɔgɔn Isirɛla mɔgɛnu bolo, ado donu bi mala-a-la wo le tɔ. Anu bara nyina nde, Mari ko. Nde, anu Tigi Mari kan le kɛ la.

Sakaraya 8:16

A ko wo ye min mala, wo le kɛ la. Wo ni tonyɛ fɔ wo nyɔgɔn ye. A ko wo ni telenbagaya-bɛrɛbɛrɛ lana kiti-sa-tinɛ alako yisi-kimɛ ni to wo tɛma.

Yilan-Yilan Koe 1:16

Mɔgɔ-ba le kɛnu na ka bɔ Isirɛla bɔnsɔn tan-ni-filɛ bɛɛ rɔ.

Yilan-Yilan Koe 1:4

Wo ni mɔgɔ-ba kelen-kelennamɛ-bɛɛ kele ka bɔ bɔnsɔn tan-ni-filɛ bɛɛ rɔ alako anu ni wobɛ Aruna dɛnbɛ mɔgɛnu danna.

Yilan-Yilan Koe 10:4

Ni a sɔgɛ ye i la ka kun-tigi wonu nadɛn, anu ni buru kelen de dɔrɔn fɛ.

Luka 18:2

A ko, “Kiti-tɛgɛlɛ do taranta soe do rɔ nun. Ale ma kilan Allatala la, ado mɔgɛ fanan bɔrɔ sa a ye.

Luka 18:4

A mɛra, kiti-tɛgɛlɛ ma sɔn kɔnɔ tɔ-a-la, a ya a fɔ a nyɛrɛ ma ko, ‘Hali n kilanni ma Allatala la, ado mɔgɔ bɔrɔ sa n ye

Kɛwɔlɛnu 20:33

N ma n niyi sa mɔgɔ-wo-mɔgɔla wodi-gbɛ anubɛ ala sɛnɛ kuma, hali ala kurɛ.

Kɛwɔlɛnu 6:3

Woletɔ n diyana-mɔgɛnu, wo ni kei wɔrɔnfila yabɔ wo tɛma, mɔgɛnu bi minnu matɔgɔla ko anu fanɛ Allala Ni-Sɛnimɛ anubɛ hɛnkili la. Ma ni wonu sigi koe kɛ kun na.

Tɔn-Fɔɛ-Fila-Nyɔgɛ 22:18

Soe mɔgɔ-banu si keminɛ wo bira ka a tii kɔrr!

1 Timoti 3:3

A kana ma baan-minnɛ la anubɛ kɛlɛ-tɛgɛlɛ. A ni ma sabari-mɔgɛ anubɛ yisi-kima-mɔgɛ la. A kana wodi keni.

1 Samuwɛli 8:12

A si donu sigi mɔgɔ waga kelen-kelannu kun na. Donu si sigi mɔgɔ bi-loli bi-lolɛnu kun na. A si wola dan donu ma ala sɛnita keminɛnu na. A si donu ma ala kɛlɛ-kɛ-fen nadannɛnu na. A si donu fanan ma ala kirindi-miran nadannɛnu na.

1 Samuwɛli 8:3

Kɔnɔ anu ma anu fa gbɛ bi. Anu sa ko-wo-ko kɛla fɔ ka wodi nyini anu nyɛrɛ ye. Anu kɛnɛna dogonta-fan birala, ado anu sa kiti tɛgɛla a kilɛ fɛ.