Bɔ-Koe-Iyipiti 17:6 - ALLALA KUMƐ

⁶ N si sɔ i yarɔ farɛ kuma Sinayi kɔnkɛ kɔrɔ. I wa farɛ wo gbesi tumɛ min, yi si tugu a rɔ alako mɔgɛnu ni anu min.” Musa ya a ma wo nya Isirɛla mɔgɔ-banu yala. (Mɔgɛ bɛɛsi nara wo kɔma ka anu min.)

Bɔ-Koe-Iyipiti 17:6 ပူးပေါင်းရင်းမြစ်များ

Nihɛmaya 9:15

“Kɔnkɛ ya anu bira wati min, i ya biredi layigi anu ma ka bɔ san-kole rɔ. Anu kan lagbalata wati min, i ya yi labɔ anu ye farɛ rɔ. I ya anu yili-madiya nyamanɛ minna ko la, i ya a fɔ anu ye ko anu ni nyɔ bi.

Yaburi 105:41

A ya farɛ dɛ laka, yi bɔra anu ye. Yi wo tugura a rɔ ka yigi wula-da-rakolɔn rɔ iko bɛ.

Yaburi 114:8

Mari kɛ le ye farɛ yɛlɛmana yi-denkɛ la ka fara-gbaran yɛlɛma tenke la.

Yaburi 46:4

Mɔgɛnu bi Alla batola soe min tɔ, bɛ do ye nyɔ, wo ye nala sewala mɔgɛnu na nyɔ rɔ. Alla Min Bi Fan Bɛɛ Kun Na, wo mayiginɛ ata bon-sɛnimɛ la.

Yaburi 74:15

I ya a ma, yi-nɛnu anubɛ tenkenu tugura a rɔ. I ya bɛnu gbala anu worɔn la todo!

Yaburi 78:18

Anu ya a lawuli a ma ka Alla kɔrɔbɔ alako anu si anu nyɛrɛ diyana-dɔn-fan sɔrɔn nya min.

Yaburi 78:20

A ya yi labɔ farɛ rɔ, yi tugura-a-rɔ, tonyɛ le wo la kɔnɔ a si ke dɔn-fan anubɛ soge fanan dila ma ma, wa?”

Yaburi 81:7

Wo ye kɔndɔfili rɔ tumɛ min, wo ya n takele. N ya wo lakisi.” Alla ko, “N dogonnɛ ya a labira banda-fin-gbɛ rɔ. N ya wo kɔrɔbɔ wulɔn kan tinɛ do rɔ anu bi min kelela Sɔnkɔ-Sɔnkɔ tenke.”

Bɔ-Koe-Iyipiti 14:16

Ila sewuri layɛlɛ ka i bole rasagan Kɔgɔ-Yi-Wulan kuma alako yi tɛ ni tɛgɛ. Isirɛla mɔgɛnu si tenbi nyɔ kɛn-gbalanɛ kuma Kɔgɔ-Yi-Wulan wo worɔn la.

Bɔ-Koe-Iyipiti 16:10

Aruna ya kumɛ dabira anu ye tumɛ min, anu ya anu yɛ lata wula-yan la. Tiriyante wo rɔ, anu ya Marita wan-belebele yen banda-finyɛ rɔ.

Aiseya 48:21

Mari ye wole, ala mɔgɛnu natenbila wula-da-rakolɔn rɔ tumɛ min, anu kan na ma gbala mumɛ! A ya yi latugu farɛ rɔ wo ye. A ya farɛ ratii nya min wo, yi tugura a rɔ le.

Yilan-Yilan Koe 20:8

“Ta Arunata sewuri wo bi min bi tɔn-kenkirɛ kɔrɔ. Wo kɔma, wo ni Isirɛla mɔgɛ bɛɛsi kele. Wo ni kuma farɛ wo ye mɔgɛ bɛɛsi yakɔrɔ. Wo kɔma, yi si bɔ farɛ wo rɔ ka tugu a rɔ ka wo damasi wasa anubɛ wola kolo-fannu.”

Yɔni 4:10

Yisa ya a yabi ko, “Ni i ya Allata kɔ-fan lɔn nun anubɛ min bi i tarala yi ma, ile fɔlɔn si wo tara yi ma nun. A ni ni-bila-yi di i ma.”

Yɔni 4:14

Kɔnɔ nde si yi min di mɔgɛ ma, ni wo ya wo min, a kan la ti gbala tun mumɛ! A ye wo nya le bawo n si yi min di a ma, wo si ma a burɔ iko tenke ka ma nimaya-yi la a ye. N si habadan-nimayɛ di a ma.”

1 Kɔrɛnti 10:4

Anu dama ya yi kelan min, Alla ya min nabɔ farɛ rɔ, ado Kirasiti nyɛrɛ le farɛ wo la min bilara anu fɛ.

Tɔn-Fɔɛ-Fila-Nyɔgɛ 1:2

Ma bɔra Sinayi kɔnkɔ-belebele-wɛ kɔrɔ ka belen Idɔm kɔnkɔ-nyamanɛ rɔ ka ta ke Kɛdɛsi-Baniya soe ma. Ka bɔ Sinayi kɔnkɛ dafɛ ka ta ke Kɛdɛsi-Baniya, ma ya tele tan-ni-kelen de bɔ kilɛ la. Ma tara ha Amoranuna nyamanɛ rɔ kɔnkɛnu siya kan min.

Tɔn-Fɔɛ-Fila-Nyɔgɛ 8:15

A sɔra wo yarɔ wula-da-rakolɔn rɔ min makilannɛ, duguma-fen-yogomɛnu anubɛ bondalɛnu bi kan min. Wo tumɛ wo ye tagamana wulɛ wo rɔ yi sa kan min, Mari ya yi labɔ farɛ rɔ nyɔ wo ye.

Lankɛnimayɛ 22:17

Allala Ni-Sɛnimɛ anubɛ kɔnyɔ-kurɛ wo ye a fɔla ko, “Na!” Ni mɔgɔ-wo-mɔgɔ ya kɛ lamɔɛn, wo fanan ni a fɔ ko, “Na!” Ni min kan lagbalanɛ, na de! Ni min bi nimaya-yi fɛ, wo ni na a min, a sɔnkɔ sa.