Bɔ-Koe-Iyipiti 17:12 - ALLALA KUMƐ

¹² Kɔnɔ Musa kɔɛn rakunta tumɛ min, anu ya kuri madon a la. A ya a mayigi wo kuma. A kɔɛn tora birani san ma Aruna anubɛ Huri bolo ha tele buira.

Bɔ-Koe-Iyipiti 17:12 ပူးပေါင်းရင်းမြစ်များ

Yaburi 35:3

Minnu bi n sagaranna, ila tanbɛ anubɛ ila tɛgɛran bi wonu tɔgɔ rɔ. I ni n yili-madiya ko i si n nakisi le.

Bɔ-Koe-Iyipiti 17:11

Fananta Musa kɔɛn layɛlɛnɛ san ma, Isirɛla kɛlɛ-dannu bi nɔ-ko sɔrɔnna. A wa a kɔɛn layigi tumɛ min, Amalɛkinu bi anu denu fanan nɔla.

Bɔ-Koe-Iyipiti 17:13

Wo le ya a ma, Yasowa ya Amalɛkinu nɔ.

Bɔ-Koe-Iyipiti 24:14

Kɔnɔ yanni anu ni wuli, Musa ya a fɔ kun-tigi wonu ye ko, “Wo ni ma makɔni yan. Ma si na wo wara tun. Ni sɔsɔli fenfen donta wo tɛma, wo si a fɔ Aruna anubɛ Huri ye.”

Aiseya 35:3

Bole anubɛ kunbelan minnu takunnɛ, i ni wonu tagbɛlɛya tun.

Ɛfɛsa 6:18

Wo ni to madiyali kɛla tuma-wo-tuma koe bɛɛla ko la iko ata Ni-Sɛnimɛ ye wo labilala nya min. Wo yɛ bɛnnɛ ni to. Wo kana bandan madiyali kɛla Allata mɔgɛnu ye.

Filipai 1:19

bawo n ya a lɔn ko wola madiyalɛ anubɛ Yisa Kirasitita Ni-Sɛnimɛta dɛnbɛnɛ fɛ, n kunyɛ si bɔ kɛ rɔ, yɔ!

Kɔlɔsi 4:2

Wo ni to madiyali kɛla dɛɛ! Wo hɛnkili-lakanɛ ni to baraka-birɛ la madiyalɛ rɔ Alla ye.

1 Tɛsalonaika 5:25

Ma na-kelen-nyɔgɛnu, wo ni Alla matara male fanan ye.

Hiburunu 12:12

Wo bole anubɛ wo kunbelan minnu takunnɛ, wo ni wonu tagbɛlɛya tun.

Yemesi 1:6

Kɔnɔ wo wa Alla matara tumɛ min, wo ni wola lanayɛ sa a kuma feu! Wo kana sika hali, ado ni min bara sika, wo tigi mani de iko kɔgɔ-yi ye ta-ni-sɛgi kɛla fɔnyɔ bolo nya min.