Isirɛla mɔgɛnu ya a yen tumɛ min, anu ya a fɔ anu nyɔgɔn ye ko, “Nfen bi kɛ la?” kamasɔrɔn anu ma a lɔn ni min bi. Musa ya a fɔ anu ye ko, “Nba, Mari ya dɔn-fan min di wo ma, wo le kɛ la.
Musa ya Mari kuman-kan latenbi Isirɛla mɔgɛnu ma ko, “Mari ko ma ni dɔn-fan kɛ pani-kunbɛ-nya kelen namara mala dannu anubɛ ma kegeyɛnu yarɔ. Mari ko a ya ma labɔ Iyipiti nyamanɛ rɔ tumɛ min, a ya ma de-nyini dɔn-fan min na wulɛ rɔ, anu ni wo yen anu yɛ la.”
Wo ye wula-da-rakolɔn tumɛ min, a ya ata biredi di wo ma nyɔ, hali wo benbanu ma min dɔn fɔlɔ nun. Mari ya gbɛlɛyɛ lana wo kuma ka wo kɔrɔbɔ. Wo dama wa tenbi wo kuma tumɛ min, a si ata duwɛ layigi wo kuma worɔ ka wo makoenu nyinya.
A ya a yira wo la ko wo makoe ye ale la woletɔ a ya wo lakɔnkɔ. Wo kɔma, a ya biredi-su do di wo ma hali wo benbanu ma min dɔn nun. A ya wo ma alako wo kana wo to dɔntɛ dɔrɔn ma, fɔ ale Allata kumɛ, wo ni ma wola dɔn-fan la.