Bɔ-Koe-Iyipiti 16:3 - ALLALA KUMƐ

³ ka a fɔ anu ma ko, “Yanni ma ni kɛ nyɔgɔn sufa tɔrɔyɛ sɔrɔn yan, a fisa nun Mari ni ma faga Iyipiti nyamanɛ rɔ. Ma ye Iyipiti nyamanɛ rɔ tumɛ min, ma ye mɛya-fannu anubɛ dɔn-fannu dɔnna nun ka wasa. Kɔnɔ wo ara na ma la wulɛ kɛ rɔ alako wo ni a ma, nyama kɛ bɛɛsi ni faga kɔnkɛ bolo.”

Bɔ-Koe-Iyipiti 16:3 ပူးပေါင်းရင်းမြစ်များ

2 Samuwɛli 18:33

Kumɛ wo ya a ma, mansɛ yisi tinyanta dɔgɔma-ma-de! Mansa Dawuda yɛlɛta tarɛ dɛ kuma ka ta san-bɔn la. A ye tala dila a bolo fɛ. A ye a fɔla ko, “E, nna dan! Nna den Abasalɔm. E, nna den Abasalɔm. Ni nde le fagara i gbɛ rɔ nun, nna den Abasalɔm, ile ni to, wo le di n ye.”

Yobu 3:1

Tele wɔrɔnfilɛ wo banta tumɛ min, kumɛ bɔra Yobu dɛ rɔ. A ya a sɔrɔn-tele danka.

Yobu 3:10

I ni wulɔn-suyi danka bawo a ma n na buyi dan lakiri n ma alako n kana kɛ sufa tɔrɔyɛ rayen.

Yobu 3:20

Minnu bi tɔrɔyɛ rɔ, nfenna wo si to tɔrɔyɛ kun na? Nfenna yisi-lafin-tiginu si to anu niyi la?

Yaburi 107:5

Yigi-wo-yigi ma taran anu bolo nun ka a tɛgɛ kɔnkɛ anubɛ yi-ko-sɔgɛ ma.

Yaburi 78:19

Anu kumara Alla ma, anu ko, “Alla si ke ma de-nyinina wula-da-rakolɔn kɛ rɔ yan, ba?

Yaburi 78:25

Nba, anu ya melikanuna dɔn-fan wo dɔn, ado anu nyinita min bɛɛ ma, Alla ya wo bɛɛ di anu ma le.

Bɔ-Koe-Iyipiti 14:11

Anu ya a fɔ Musa ye ko, “Nfen ya a ma, i nara ma la yan alako ma ni faga wulɛ kɛ rɔ yan? Kaburu-so sa ma bolo Iyipiti nyamanɛ rɔ, wa? I wara ma bɔ Iyipiti nyamanɛ rɔ nfenna ka koe kɛ ma ma la?

Bɔ-Koe-Iyipiti 17:3

Kan-nagbalɛ ya a ma, anu ya gbunya-kuma-fɔɛ dabira Musa ma. Anu ko, “Nfenna i ya ma labɔ Iyipiti ka na male la yan, ba? A di i ye mabɛ mala denbayɛnu anubɛ mala kolo-fannu ni faga kan-nagbalɛ bolo yan, wa?”

Bɔ-Koe-Iyipiti 2:23

San siyaman tenbinɛ wo kɔma, Iyipiti mansɛ wo fagara. Isirɛla mɔgɛnu gbunyara yɔɔnyɛ kɔrɔ ka anu kan nabɔ Alla ma.

Bɔ-Koe-Iyipiti 5:21

Anu ya a fɔ Musa anubɛ Aruna ye ko, “Wo ara min ma, Mari ara wo yen. A si wo tɔrɔ kamasɔrɔn wo ara ma magboya mansɛ anubɛ ala mɔgɔ-banu bara la. Wo ara ma faga-kilɛ yira anu na.”

Yɛrɛmaya 2:6

Hali a ya anu kunyɛ bɔ gbaran rɔ Iyipiti nyamanɛ rɔ ka wulɛ ratɛgɛ kasan, wo benbanu ma ale Mari tɔgɛ rakele mumɛ! A bɔra anu na kuru-gbɔgɔsa-gbagasa-nyamanɛ rɔ min tagbalanɛ todo! A bɔra anu na setani-nyamanɛ rɔ min tapinpinɛ. A tenbira anu na kan do mɔgɔ ti tagama kan min, ado mɔgɔ ti sigi nyɔ. Kɔnɔ wo bɛɛ rɔ, anu ma ale Mari tɔgɔ rakele muk!

Yɛrɛmaya 44:17

Ma wa ma dato min na, ma ye wo le mala. Ma benbanu anubɛ mala mansɛnu, anubɛ mala kun-tiginu bi isɛnti mintanna ka minni-sarakɛnu nabon mala bɛsɛ ye min tɔgɛ Arinyɛnɛ Musu-Mansɛ Yerusalɛm soe anubɛ Yuda nyamanɛ toe rɔ. Wonu ya a ma nya min, male fanan bi a mala wo nya na le. Dɔn-fen-siyaman taranta ma bolo nun. Ma ara ma-a-la nun, ado nanparan sa ma ma nun.

Nimisa Koe 4:9

Minnu kunyɛ tora kɛlɛ rɔ, wonu fisa kɔnkɛla mɔgɔ-faganɛ kɛnu ko. Minnu niyi ma bɔ yona, a gbɛlɛyara wonu kuma.

Yilan-Yilan Koe 11:15

Ni i si na a ma n na ka le, kinikini n ma. I yandi, n faga kelenna! N kana to tɔrɔyɛ kɛ rɔ tuma-wo-tuma.”

Yilan-Yilan Koe 11:20

kɔnɔ wo si to a dɔnna ha karɛ kelen. A ko wo si a dɔn ha a ni bɔ wo sunyɛ rɔ. A ko wo si to a dɔnna ha a wuyɛ ni sigi wo ma. Min ya a to a ye kɛ mala, a ko bawo mɔgɔ-fisiri-fasarɛ le wole la. A ko wo ara da-magboya-kumɛ fɔ, hali wo ye a fɔla ko a fisa nun hali wo tora Iyipiti.”

Yilan-Yilan Koe 14:2

Anu bara gbunya Musa anubɛ Aruna kɔrɔ. Anu ko, “A fisa nun, hali ma tora fagala Iyipiti. Hali ma fagara wula-da-rakolɔn kɛ rɔ yan.

Yilan-Yilan Koe 14:3

Nfen ya a to, Mari ye ma kunyɛ telenna nyamanɛ wo la? Ma si ban fagala kɛlɛ rɔ. Anu si mala musinu anubɛ mala dannu bi ma bolo. A fisa, ma ni sɛgi ma kɔma Iyipiti.”

Yilan-Yilan Koe 16:13

Ile Musa ara male labɔ Iyipiti nyamani-hakikɛ wo rɔ ka na male la wula-da-rakolɔn kɛ rɔ yan ma faga-koe le la, nyɛ? Wo ma a bɔ, wa? Kun-tigiyɛ di ile ye, nyɛ?

Yilan-Yilan Koe 16:41

Wo wulun sɔgɔma, Isirɛla mɔgɛ bɛɛsi ya gbunya-kumɛ dabira Musa anubɛ Aruna ma ka a fɔ ko, “Wole ya Marita mɔgɛ donu faga le, yɔ!”

Yilan-Yilan Koe 21:5

anu donta gbunya-kuma-fɔɛ rɔ Musa anubɛ Mari ma ko, “Nfen ya a to, wole nara male la ka bɔ Iyipiti nyamanɛ rɔ ka na ma la wula-da-rakolɔn kɛ rɔ yan. Dɔnta anubɛ min-kɛ-yi sa yan fɔ Allata biredi kɛ, ma si to min dɔnna tuma-wo-tuma, fen-fufafuyi kɛ!”

Kɛwɔlɛnu 26:29

Pɔli ya a yabi ko, “Ni a mara wati-kundu-nɛ la wo, ni a mɛra wo, n bi Alla matarala ko wobɛ min bɛɛ wɔlɔ matɔlɔnɛ n na bi, wo ni ma iko nde ye nya min kɔnɔ anu kana yɔlɔkɛ kɛ wo ma!”

1 Kɔrɛnti 4:8

Wole miri ko wo makoe ye fan min bɛɛ la, wo ara ban wonu sɔrɔnna? Wo ara ban mala nɔnfulu-tiginu na, wa? Ma sa wo dafɛ tumɛ min, wo ara wo nyɛrɛ ma iko mansɛnu. Kɔnɔ alamɛ wo mara mansɛnu na nun alako male fanan ni mansayɛ kɛ wo fɛ,

2 Kɔrɛnti 11:1

Wo yandi! Hali n kuntanyanɛ doni, wo ni wo munyu n kɔrɔ.

Tɔn-Fɔɛ-Fila-Nyɔgɛ 28:67

Wo ya fenfen yen, wo si a ma, wo yisi ni to tugula gbi-gbi! Banda wa ka, a sɔgɛ si wo bira iko wurɛ ni ke tiriya! Wurɛ wa ke, a sɔgɛ si wo bira iko banda ni ka tiriya!

Tɔn-Fɔɛ-Fila-Nyɔgɛ 8:3

A ya a yira wo la ko wo makoe ye ale la woletɔ a ya wo lakɔnkɔ. Wo kɔma, a ya biredi-su do di wo ma hali wo benbanu ma min dɔn nun. A ya wo ma alako wo kana wo to dɔntɛ dɔrɔn ma, fɔ ale Allata kumɛ, wo ni ma wola dɔn-fan la.

Yasowa 7:7

Yasowa ya a fɔ ko, “Mari, nfenna i ya Yorodan bɛ gbala ka na ma la nyamanɛ kɛ rɔ yan ma faga-koe la Amora mɔgɛnu bolo? Nfenna ma ma to Yorodan bɛ kɔma nun?”