Bɔ-Koe-Iyipiti 16:28 - ALLALA KUMƐ

²⁸ Mari ya a fɔ Musa ye ko, “Wo si n kan to a gbɛ rɔ wati nyamintan gbɛ?

Bɔ-Koe-Iyipiti 16:28 ပူးပေါင်းရင်းမြစ်များ

2 Mansɛnu 17:14

Kɔnɔ hali wo, Isirɛla mɔgɛnu ma sɔn Marita kumɛ tola a gbɛ rɔ. Anu tole gberenɛ iko anu benbanu bawo wonu ma la anuta Mari Alla la.

2 Mansɛnu 17:15

Mari ko anu ma sɔn ata sereyanu birala. Anubɛ anu benbanu sarata min na, anu ma sɔn wo birala. A ko a ya anu makawandi minnu ma, anu ma sɔn anu tole masɔla wonu na. Anu ya bɛsi-fufafuyinu kɔ ka anu nyɛrɛ ma mɔgɔ-fufafuyinu na. Mari ya a fɔ anu ye nun ko anu kana anu dan-masa-nyɔgɛnuna namunu bi kɔnɔ anu ya wonuna namunyɛnu bi.

Yaburi 106:13

Kɔnɔ a ara min bɛɛ kɛ anu ye, anu nyinara wonu ko tiriya! Anu gbaranta anu nyɛrɛ la. Anu ma Allata makawandilɛ makɔni.

Yaburi 78:10

Sarama-kan min bi anubɛ Alla tɛma, anu denu ma anutɛ latɔnbagaya. Anu ya anu ban ata tɔn-bira-koe ma.

Yaburi 78:22

bawo anu ma la a la. Anu ma la a la ko a si ke anu kisila le.

Bɔ-Koe-Iyipiti 10:3

Musa anubɛ Aruna tara mansɛ wara ka a fɔ a ye ko, “Hiburunuta Mari Alla ya a fɔ ko ile si i nyɛrɛ famayigi ale ye wati mintan? I ni ata mɔgɛ kɛnu boloka alako anu ni ta a bato tinɛ.

Bɔ-Koe-Iyipiti 16:27

Hali wo, mɔgɛ donu ya anu tui ka ta dɔn-fan wo makɔ tinɛ a tele wɔrɔnfila nyɔgɛ wo ma kɔnɔ anu ma fenfen taran nyɔ.

Bɔ-Koe-Iyipiti 16:29

Wo ni wo hɛnkili to kɛ ko, ko nde, Mari le ya Sulen-Tele kɛ di wo ma serr! Woletɔ n bi tele fila dɔn-fan dila wo ma a tele wɔrɔ nyɔgɛ ma. Mɔgɔ-wo-mɔgɔ kana a maga a tele wɔrɔnfila nyɔgɛ ma. Bɛɛ ni to a warɛ.”

Aiseya 7:13

Nba, nde, Aiseya ko, “Wole Mansa Dawuda kegeyɛnu, wo ni wo tole masɔ a kin na! Nde ma n munyu wo sɔn ma. Wo kana a ma, Alla ni a munyu wo sɔn ma.

Aiseya 7:9

A ko Isirɛla mɔgɛnu ta ma gbɛlɛ ka ke anuna so-karantan Samariya kɛnu tɔ. Samariya kɛnu fanan ta ma gbɛlɛ ka ke anuna Mansa Peka rɔ. Mari ko ni wo ya a kuman-kan to a gbɛ rɔ, wo si simayɛ sɔrɔn.

Yɛrɛmaya 4:14

Wole Yerusalɛm kɛnu, wo ni ko-yogomɛ bɔ wo yisi rɔ alako wo si na kisi nya min. Wo ni wo fara miriya-yogoma-rabɛn la.

Yɛrɛmaya 9:6

Mari ko nde, Yɛrɛmaya siginɛ yanfanteyɛ tɛma. Foninyɛ tugunnɛ ye tala anu nyɔgɔn na. Mari ko wo ara wo ban a lɔn-koe ma.

Isikiyɛli 20:13

Kɔnɔ hali n ke anu na wulɛ wo rɔ, anu ya n bɔrɔbɔ. Anu ya anu ban nna sereyanu birala ka anu kan-kɔ sɔ nna tɔnnu na, ado ni min ya wonu bira, wo tigi si siyimayɛ sɔrɔn. Anu ya Sulen-Tele lafɛya pɔ! Woletɔ n tabɛnnɛ nun ka nna diminyɛ mumɛ yira anu na wulɛ wo rɔ nyɔ alako anu wara-koe ni ka-a-la.

Isikiyɛli 20:16

N ya lanyiri wo kiri bawo anu ya anu ban nna tɔnnu na ka Sulen-Tele lafɛya pɔ! Anuna bɛsi-kɔ-koe di anu ye nde batoe ko.

Isikiyɛli 5:6

Kɔnɔ Yerusalɛm mɔgɛnu bara murutiya nna tɔnnu ma. Wo ara a yira n na ko anu wunduyogo sibole doinu ko. Tɔn-tinya di anu ye ka tenbi sibolo-gbɛrɛ doinu na minnu bi anuna foolɛ rɔ. Yerusalɛm mɔgɛnu bara anu kan-kɔ sɔ nna tɔnnu na. Anu ma sɔn nna tɔnnu birala mumɛ!’

Yilan-Yilan Koe 14:11

Mari ya a fɔ Musa ye ko, “Mɔgɛ kɛnu si anu ban n na ha wati nyamintan? Hali n bara kabana-ko-siyaman min kɛ anu yala kɔnɔ ha bi, mɔgɛ kɛnu ma la n na.

Yilan-Yilan Koe 20:12

Kɔnɔ Mari kumara Musa anubɛ Aruna ma. A ya a fɔ anu ye ko, “Bawo wo ma la n na ka nta kumɛ bira ka nta gbiliyɛ anubɛ nta fanka yira mɔgɛnu na min kɛ, woletɔ wo ti sɔ mɔgɛ kɛnu yarɔ ka ta anu na lanyiri-nyamanɛ rɔ n bara min di wo ma.”

Maraka 9:19

Yisa ya a fɔ anu ye ko, “Wole fanan. Dɛnkɛninya sa wo bolo! N ni to wo fɛ ha tumɛ nyamintan tɔ tun? N si n munyu wo kɔrɔ ha tumɛ nyamintan? Wo ni a lana n ma!”