Bɔ-Koe-Iyipiti 16:23 - ALLALA KUMƐ

²³ Musa ya a fɔ anu ye ko, “Ni a ma-sɔgɛ ye wo la nya-wo-nya, wo si a ma wo nya, ni ka a mintan de, ni wo ma, ka a te le, wo si a ma wo nya. Kɔnɔ ni mintɛ toe tora, wo si ma sina dɔn-fan la. Wo ni wo lamara ha sɔgɔma bawo sina tele si ma tele-sɛnimɛ la Mari ye.”

Bɔ-Koe-Iyipiti 16:23 ပူးပေါင်းရင်းမြစ်များ

Nihɛmaya 9:13

I bɔra san ma wulɔn Sinayi kɔnkɛ kuma. I kumara ila mɔgɛnu ye nyɔ. I ya tɔnnu di anu ma nyɔ min kin, ado tonyɛ le anu na.

Nihɛmaya 9:14

Anu si ila Sulen-Tele bira nya min ka a gbiliya, i ya anu karan wo la. I ya ila tɔnnu don ila wɔli-kɛla Nɛbi Musa bolo ka anu karan wo la.

Bɔ-Koe-Iyipiti 16:19

Musa ko, “Mɔgɔ-wo-mɔgɔ kana dɔn-fen kɛ fenfen namara ha sɔgɔma.”

Bɔ-Koe-Iyipiti 23:12

“Wo si wola wɔlɛnu kɛ tele wɔrɔ kɔrɔ ka wo sulen a tele wɔrɔnfila nyɔgɛ ma. Wola yɔɔnnu wo, wola sundan minnu bi wo dɛnbɛna wo, anubɛ wola kolo-fan minnu bi wɔlila wo ye wo, wo bɛɛsi ni wo sulen a tele wɔrɔnfila nyɔgɛ wo ma.

Bɔ-Koe-Iyipiti 31:15

Wo ni wola wɔlɛ kɛ tele wɔrɔ kɔrɔ. A tele wɔrɔnfila nyɔgɔn ma, wo ni wo sulen wo ma bawo tele le wo la min dantɛgɛnɛ nde, Mari ma. Ni min ya wo tele tinya, wo tigi ni faga yati!

Yɛrɛmaya 17:22

Wo kana dunu-wo-dunu labɔ wola bɔn la wulɔn-tele ma. Wo kana wɔli-wo-wɔli kɛ wo wulɔn. Wo ni tele wo to sɛninyɛ rɔ, ado tɔn le wo la a ya min sa wo benbanu kuma.

Saraka-Masɔlɛnuta Tɔnnu 23:3

Mari ko a ya tele wɔrɔ di ma ma ka mala wɔlɛnu kɛ kɔnɔ a tele wɔrɔnfila nyɔgɛ, a ko ma ni ma sulen wo rɔ. Mari ko a tele wɔrɔnfila nyɔgɛ wo ma, ma kana wɔlɛ kɛ kɔnɔ ma si ma ladɛn ka Mari Alla bato. Ma tara kan-bo-kan, a tele wɔrɔnfila nyɔgɛ wo, Maritɛ le wo la.

Yilan-Yilan Koe 11:7

(Marita biredi kɛ dɔgɔyanɛ le iko kende-kole, ado a gbɛnɛ fanan iko kende-kole.

Yilan-Yilan Koe 11:8

Anubɛ duri si yigi dugi ma anuna dagɛ rɔ suyi rɔ. A wa yigi suyi rɔ, sɔgɔma, Isirɛla mɔgɛnu si a makɔ. Donu si a sii, donu si a bunden ka a ma munke la. Wo kɔma, anu si a mate iko dɛgɛ-lamondonɛ hali ka a ma dɛgɛ-yilannɛ la. Ala diyɛ manɛ le iko dɛgɛ, tuli ye min tɔ.)

Luka 23:56

Anu sɛgira anu barɛ ka sɛnti anubɛ mun-kɛ-tuli rabɛn a furi ye. Sulen-Tele ma, anu ya anu sulen iko tɔn ya a fɔ nya min.

Tɔn-Fɔɛ-Fila-Nyɔgɛ 5:12

“A ko wo ni wo hɛnkili to Sulen-Tele ko ka tele-sɛnimɛ wo bira gben iko ale wota Mari Alla ya wo nyamari nya min.

Lankɛnimayɛ 1:10

Sulen-Tele ma, Allata Ni-Sɛnimɛ ya n bi ata sɛnbɛ la. N ya kuman-kan-wɛ lamɔɛn. Wo kuli manɛ de iko buru-fɛ-kan. A ye kumala n kɔma kilɛ la.