Bɔ-Koe-Iyipiti 16:15 - ALLALA KUMƐ

¹⁵ Isirɛla mɔgɛnu ya a yen tumɛ min, anu ya a fɔ anu nyɔgɔn ye ko, “Nfen bi kɛ la?” kamasɔrɔn anu ma a lɔn ni min bi. Musa ya a fɔ anu ye ko, “Nba, Mari ya dɔn-fan min di wo ma, wo le kɛ la.

Bɔ-Koe-Iyipiti 16:15 ပူးပေါင်းရင်းမြစ်များ

Nihɛmaya 9:15

“Kɔnkɛ ya anu bira wati min, i ya biredi layigi anu ma ka bɔ san-kole rɔ. Anu kan lagbalata wati min, i ya yi labɔ anu ye farɛ rɔ. I ya anu yili-madiya nyamanɛ minna ko la, i ya a fɔ anu ye ko anu ni nyɔ bi.

Nihɛmaya 9:20

I ya i nyɛrɛta ni-bɛrɛ di anu ma alako wo ni anu karan. I ya anu de-nyini ita biredi la ka yi fanan di anu ma.

Yaburi 105:40

Anu ya mataralɛ kɛ tumɛ min, Alla ya wonderenu di anu ma. A ya dɔn-fan layigi ka bɔ san-kole rɔ min si anu tabɔ.

Yaburi 78:24

A ya Arinyɛnɛta biredi labɔ san-kole rɔ iko bandɛ. Ale dɔn-fan wo min tɔgɛ mana, a ya wo le ma anuna dɔn-fan la.

Bɔ-Koe-Iyipiti 16:31

Isirɛla mɔgɛnu ya dɔn-fan wo tɔgɔ sa “Allata biredi.” A gbɛnɛ iko kende-kole. A di iko bagadalɛ.

Bɔ-Koe-Iyipiti 16:33

Musa ya a fɔ Aruna ye ko, “I ni dɔn-fan kɛ pani-kunbɛ-nya kelen namara kan-tina-sɛnimɛ rɔ Marita Fani-Bɔn la alako ma kegeyɛnu si a yen nya min.”

Bɔ-Koe-Iyipiti 16:4

Mari ya a fɔ Musa ye ko, “N si dɔn-fan do layigi wo ma ka bɔ san-kole rɔ. Mɔgɛnu si dɔn-fan min ban tele kelan kɔrɔ, anu ni wo le dɔrɔn bi tele-wo-tele. N si anu kɔrɔbɔ kɛ rɔ ni anu si n kuman-kan latɔnbagaya, ka, ni anu ti a latɔnbagaya.

Hɛnkilimaya-Kumɛnu 9:5

Wo na fen-dɔn-tinɛ ka wo min.

Yilan-Yilan Koe 21:5

anu donta gbunya-kuma-fɔɛ rɔ Musa anubɛ Mari ma ko, “Nfen ya a to, wole nara male la ka bɔ Iyipiti nyamanɛ rɔ ka na ma la wula-da-rakolɔn kɛ rɔ yan. Dɔnta anubɛ min-kɛ-yi sa yan fɔ Allata biredi kɛ, ma si to min dɔnna tuma-wo-tuma, fen-fufafuyi kɛ!”

Luka 12:30

Hali Alla-lɔnbɛlɛnu bi nyinina fan kɛnu ma tuma-wo-tuma kɔnɔ wo Fa Alla ya a lɔn ko wo makoe ye fan kɛ bɛɛ la.

Yɔni 6:49

Wo benbanu ya biredi dɔn min bɔra Arinyɛni tɔ kɔnɔ hali wo, anu bɛɛ fagara.

Yɔni 6:58

Nde le wo biredi la min yigira ka bɔ Arinyɛni tɔ. Wo benbanu ya biredi min dɔn, anuta sa wo nya bawo anu ban wo dɔnna, anu fagara. Kɔnɔ min ba biredi kɛ dɔn, wo si to habadan!”

1 Kɔrɛnti 10:3

Anu dama ya dɔn-fen kelan wo dɔn min bɔra Alla bolo.

Tɔn-Fɔɛ-Fila-Nyɔgɛ 8:16

Wo ye wula-da-rakolɔn tumɛ min, a ya ata biredi di wo ma nyɔ, hali wo benbanu ma min dɔn fɔlɔ nun. Mari ya gbɛlɛyɛ lana wo kuma ka wo kɔrɔbɔ. Wo dama wa tenbi wo kuma tumɛ min, a si ata duwɛ layigi wo kuma worɔ ka wo makoenu nyinya.

Tɔn-Fɔɛ-Fila-Nyɔgɛ 8:3

A ya a yira wo la ko wo makoe ye ale la woletɔ a ya wo lakɔnkɔ. Wo kɔma, a ya biredi-su do di wo ma hali wo benbanu ma min dɔn nun. A ya wo ma alako wo kana wo to dɔntɛ dɔrɔn ma, fɔ ale Allata kumɛ, wo ni ma wola dɔn-fan la.

Hiburunu 9:4

Isɛnti mintan tinɛ min nadannɛ sɛnɛ la, anubɛ tɔn-kenkirɛ siginɛ nyɔ burɔ. Sɛnɛ nɔrɔnnɛ kenkirɛ wo bɛɛ ma. Dɔn-fan min tɔgɛ “Allata biredi,” wo ye sɛnɛ-dagɛ rɔ. Sɛnɛ-dagɛ wo ye kenkirɛ wo burɔ anubɛ Arunata sewuri min ya a matii anubɛ kuru-walan filɛ sarama-kan sɛbɛnɛ minnu ma.

Yasowa 5:12

Wo kɔma, Allata biredi wo ma yigi anu ma tun bawo wo san la anu ya Kenan dɔn-fen-dɔn dabira.

Lankɛnimayɛ 2:17

“ ‘Nba, ni min si ko nya-yen, Allata Ni-Sɛnimɛ ye min fɔla chɔchinu ye, wo ni wo tole masɔ wo la! “ ‘Minnu bara nɔlɛ kɛ, n si Allata biredi dogonnɛ do di wonu ma. N si kuru-gbɛ fanan di anu kelen-kelennamɛ-bɛɛ ma, tɔgɔ-kurɛ sɛbɛnɛ minnu ma, kɔni, ado mɔgɔ-wo-mɔgɔ ma tɔgɛ wo lɔn fɔ min bi a sɔrɔnna.’