Bɔ-Koe-Iyipiti 15:25 - ALLALA KUMƐ

²⁵ Musa dira Mari dala, woletɔ Mari ya kɔn-kundi do yira a la. Musa ya kɔlɔma wo bi ka a lakɛ yi wo rɔ. Yi wo diyara kɔikɔi! Anu bi nyɔ wati min, Alla ya tɔn di anu ma, anu si minnu bira. Wo kɔma, a ya anu kɔrɔbɔ nyɔ.

Bɔ-Koe-Iyipiti 15:25 ပူးပေါင်းရင်းမြစ်များ

2 Mansɛnu 2:21

Wo kɔma, a ya kɔgɛ wo bi ka ta a lakɛ tenke wo rɔ. A ko, “Mari kuman-kan le kɛ la. Mari ko a si yi-kɔsɔnɛ kɛ ma a bɛrɛ la. A si a ma, wola ki-fannu ni nanfa, saya ti don wo kun na.”

2 Mansɛnu 4:41

Nɛbi Ilaisa ya dɛgɛ-munke makele ka a kɛ dagɛ wo rɔ. A ya pɔrɛ wo do di karan-dan wonu ma. Anu ya a dɔn. Pɔrɛ wo mara dɔn-fen-bɛrɛ la tun.

2 Mansɛnu 6:6

Nɛbi Ilaisa ya a fɔ a ye ko, “A buira mintɔ?” Keminɛ wo ya nyɔ yira a la. Ale nɛbi ya kɔlɔma-bolɔn do tɛgɛ a la ka a lakɛ yi rɔ. Tɛgɛran-mɛlan wo yɛlɛta yi kuma.

Yaburi 50:15

Tɔrɔyɛ wa na wo ma, ni wo ya n kele, n si wo dɛnbɛ, ado wo si n gbiliya.”

Yaburi 66:10

E, Alla, iko wodi-gbɛ si sɛninya tɛ la nya min, i wara ma rafɛ wo nya na le.

Yaburi 81:7

Wo ye kɔndɔfili rɔ tumɛ min, wo ya n takele. N ya wo lakisi.” Alla ko, “N dogonnɛ ya a labira banda-fin-gbɛ rɔ. N ya wo kɔrɔbɔ wulɔn kan tinɛ do rɔ anu bi min kelela Sɔnkɔ-Sɔnkɔ tenke.”

Yaburi 91:15

A ko anu ba a rakele, a si a labira. Anu tenbi yakɔrɔ-mamɔɛ rɔ, a ye anu fɛ. A ko a si anu nakisi ka a ma, anu ni gbiliyɛ sɔrɔn.

Yaburi 99:6

Musa anubɛ Aruna taranta saraka-masɔ-wɔlɛ kɛla Mari ye. Samuwɛli fanan si Mari madiya nun. Anu ya anu kan nabɔ Mari ma, ado a ya a labira.

Bɔ-Koe-Iyipiti 14:10

Mansɛ anubɛ ala kɛlɛ-dannu gbɛrɛnta anu ma tumɛ min, Isirɛla mɔgɛnu ya anu yɛ lata ka anu yen nala wula-yan la. Anu kumakɔra kilan bolo ha anu ya anu kan nabɔ Mari ma.

Bɔ-Koe-Iyipiti 16:4

Mari ya a fɔ Musa ye ko, “N si dɔn-fan do layigi wo ma ka bɔ san-kole rɔ. Mɔgɛnu si dɔn-fan min ban tele kelan kɔrɔ, anu ni wo le dɔrɔn bi tele-wo-tele. N si anu kɔrɔbɔ kɛ rɔ ni anu si n kuman-kan latɔnbagaya, ka, ni anu ti a latɔnbagaya.

Bɔ-Koe-Iyipiti 17:4

Musa ya a kan nabɔ Mari ma ko, “N si nfen ma ita mɔgɛ kɛnu ye? A ara to doni, anu ni n mabon kuri la.”

Bɔ-Koe-Iyipiti 20:20

Musa ya a fɔ mɔgɛnu ye ko, “Wo kana kilan. Alla ara na ka wola dɛnkɛninyɛ kɔrɔbɔ. Alla ye a fɛ, wo ni a gbiliya alako wo kana kilɛ boloka ka hakɛ kɛ.”

Hɛnkilimaya-Kumɛnu 17:3

Sɛnɛ anubɛ wodi-gbɛ kɔrɔ si bɔ tɛ rɔ kɔnɔ Mari le si mɔgɔ yisi kɔrɔbɔ.

Yɛrɛmaya 15:1

Wo kɔma, Mari ya a fɔ nde, Yɛrɛmaya ye ko hali Nɛbi Musa anubɛ Samuwɛli ya madiyali-kɛ wole, Yuda mɔgɛnu ye, a ko a ti kinikini wo ma. A ko wole ni wo masɛgi a la fasi! Wo ni wo mata pon!

Yɛrɛmaya 9:7

Woletɔ Mari Sɛnbɛ-Bɛɛ-Tigi ko a si wole, Yuda kɛnu nakɔrɔsi iko mɔgɛ si nɛgɛ lakɔrɔsi tɛ la nya min. A ko wole, ata mɔgɛnu bara ko-yogomɛ ma min kɛ, a si nfen ma wo la?

Isikiyɛli 47:7

N ke nyɔ, n ya kɔlɔma-siyaman taran bɛ wo tɔnkɔn filɛ rɔ.

Isikiyɛli 47:8

A ya a fɔ n ye ko, “Bɛ kɛ ye tala le ka nyamanɛ ratɛgɛ kasan, ka ke Yorodan-ba-lɛɛ ma ha ka ke Dalɛ Faganɛ ma. A wa ke Dalɛ Faganɛ wo ma, a si kɔgɔ-yi wo yɛlɛma yi-nyimɛ la.”

1 Kɔrɛnti 1:18

Minnu bi nala halakila, yuwaya-kumɛ le Kirasiti faga-koe la kɔlɔma ma wonu yala. Kɔnɔ male minnu bi nala kisila, Allata sɛnbɛ mayiranɛ le wo la male yala,

Tɔn-Fɔɛ-Fila-Nyɔgɛ 13:3

wo kana wo tole masɔ a la. Ko-sufa wonu si ma wo kɔrɔbɔ-koe le la wota Mari Alla bolo ka a lɔn ni wo ya ale Alla keni wo yisi bɛɛ la.

Tɔn-Fɔɛ-Fila-Nyɔgɛ 8:16

Wo ye wula-da-rakolɔn tumɛ min, a ya ata biredi di wo ma nyɔ, hali wo benbanu ma min dɔn fɔlɔ nun. Mari ya gbɛlɛyɛ lana wo kuma ka wo kɔrɔbɔ. Wo dama wa tenbi wo kuma tumɛ min, a si ata duwɛ layigi wo kuma worɔ ka wo makoenu nyinya.

Tɔn-Fɔɛ-Fila-Nyɔgɛ 8:2

Wo ni wo miri de Mari sɔra wo yarɔ wula-da-rakolɔn kɛ rɔ san bi-nanɛ kɔrɔ. Mari ya yakɔrɔ-mamɔɛ lana wo kuma ka wo mafɛlɛn ka a lɔn ni wo ye nya min, ni wo si ala tɔnnu bira le.

Kɛlɛ-Kurugbɛnu 2:22

Mari ko tun, “N si anuna kuma-birɛ mafɛlɛn sibolo-gbɛrɛnu fɛ ni wole Isirɛla mɔgɛnu bi n fɛ iko wo benbanu bi n fɛ nya min nun.”

Kɛlɛ-Kurugbɛnu 3:1

Mari ya sibolo-gbɛrɛ donu to nyɔ alako ka Isirɛla mɔgɛnu kɔrɔbɔ minnuta wati ma bɛn Kenan nyamani-kuma-kɛlɛ ma, alako ka wonu fanan karan kɛlɛ-kɛ-nya ma.

Kɛlɛ-Kurugbɛnu 3:4

Mari ya a ma, sibolo-gbɛrɛ kɛnu denu si ma Isirɛla mɔgɛnu kɔrɔbɔlɛnu na ka a lɔn ni anu si ata kumɛ bira le iko Musa ya a latenbi anu benbanu ma nya min.