Bɔ-Koe-Iyipiti 15:21 - ALLALA KUMƐ

²¹ Miriyam ya bɛti bɔ Isirɛla mɔgɛnu ye ko, “Ma ni bɛti bɔ Mari ye kamasɔrɔn a ara nɔ-ko sɔrɔn a nyɛrɛta sɛnbɛ la. A ara kɛlɛ-dannu anubɛ anuna soeenu nato kɔgɔ-yi rɔ.”

Bɔ-Koe-Iyipiti 15:21 ပူးပေါင်းရင်းမြစ်များ

2 Samuwɛli 1:20

Ma kana wo fɔ Filisitinu ye minnu siginɛ Kati anubɛ Asikalɔn soenu tɔ. Ma kana sɔn, anuna musinu ni nyagalen. Ma kana sɔn, kemininyabɛlɛ wonuna dunmusinu ni sewa.

2 Samuwɛli 6:14

Kila-birɛ anu bolo tun, Mansa Dawuda ya a dɔn a sɛbɛ-kuna-wɛ la ka Mari gbiliya. A ya a gbu makolonya fɔ linɛn-kura-hakikɛ do, a ya wo le ma kufama la.

Yaburi 76:6

Ile Yakobata Alla ya anu makilan nya min wo, anuna kirindi-laburilɛnu anubɛ anuna soeenu fagara anu gbɛ wo le tɔ.

Bɔ-Koe-Iyipiti 15:1

Nba, Musa anubɛ Isirɛla mɔgɛnu ya bɛti kɛ bɔ Mari ye ko, “Ma si bɛti bɔ Mari ye kamasɔrɔn a ara nɔ-ko sɔrɔn a nyɛrɛta sɛnbɛ la. A ara kɛlɛ-dannu anubɛ anuna soeenu natuntun Kɔgɔ-Yi-Wulan wo rɔ.

Bɔ-Koe-Iyipiti 15:4

“Mansɛ wola kɛlɛ-nyananu, Mari ara wonubɛ anuna kirindinu nafili yi wo rɔ.

Lankɛnimayɛ 14:3

Nyama-siyaman-wɛ wonu sɔra mansaya-sigi-fan anubɛ dali-fen nani anubɛ kɛmɔgɛnu yakɔrɔ. Anu ya bɛti-kurɛ do bɔ, mɔgɔ-wo-mɔgɔ ti ke min bɔla fɔ mɔgɔ waga kɛmɛ, waga bi-nani ani waga nanɛ wonu (144,000), ado wonu denu dɔrɔn kunkara ka bɔ dugu-kole kuma.

Lankɛnimayɛ 15:3

Anu bi Allala wɔli-kɛlɛ, Nɛbi Musa, anubɛ saga-danta bɛti bɔla ko, “Mari Alla Sɛnbɛ Bɛɛ Tigi, ila kɛwɔlɛnu kolo. Anu makilanta! Sibole bɛɛta Mansɛ, i kɛ-nyanu telennɛ. Tonya-kilɛ le anu na.

Lankɛnimayɛ 5:9

Anu ya bɛti-kurɛ do bɔ. Anu ko, “I si ke ka gbolo-lamininɛ wo bi ka li-kɛɛn wonu bɔ a ma bawo anu bara i faga nun. I ya mɔgɛnu san Alla ye ila sayɛ fɛ ka bɔ bɔnsɔn bɛɛ rɔ anubɛ mɔgɛ bɛɛ rɔ anubɛ sibole bɛɛ rɔ iko anu kan faranɛ nya min.

Kɛlɛ-Kurugbɛnu 5:3

Wole mansɛnu anubɛ wole mɔgɔ-banu, n bi bɛti min bɔla Isirɛla mɔgɛnuta Mari Alla ye, wo ni wo wɔlɔ matɔlɔ bɛti-diyamɛ wo la.

1 Samuwɛli 18:6

Dawuda ban Kolati fagala, kɛlɛ-dannu bi tala soe burɔ, anu kera so-wo-so ma, nyɔ-musinu si bɔ ka Mansa Sɔli labɛn. Anu si dundunnɛnu anubɛ sɔrɔnnu kɛ a rɔ ka anu dɔn. Anu si sigi sa ka a fɔ ko,

1 Samuwɛli 18:7

“Sɔli ara mɔgɔ waga siyaman faga kɔnɔ Dawuda ara mɔgɔ waga tan siyamɛ faga.”