Bɔ-Koe-Iyipiti 15:17 - ALLALA KUMƐ

¹⁷ Mari, i wara kan tinɛ min yabɔ ka a ma i nyɛrɛ mayigi tinɛ la, i nyɛrɛ si ita bato-bɔn sɔ ma ye nyɔ. I si ta ma sigi ita kɔnkɔ-sɛnimɛ wo kuma nyɔ.

Bɔ-Koe-Iyipiti 15:17 ပူးပေါင်းရင်းမြစ်များ

2 Samuwɛli 7:10

Nde le ya kan-tinɛ nyini nta Isirɛla mɔgɛnu ye anu si anu sigi kan min, ado n bara ban anu sigi-bole rabɛnna nyɔ, anu yogenu ti ko ma anu na kan min iko a dabirɛ. Kebi anu nara nyamanɛ kɛ rɔ, karagbɛlɛnu bi anu kɛlɛla kɔnɔ wo ti ma tun bawo n bara lanyiri kiri ko n si ale Dawuda latanka a yogenu masibɛ ma ka mamanɛnu di a ma.

1 Mansɛnu 8:13

Kɔnɔ n bara bon-nyimɛ sɔ i ye, i si to kan min habadan!”

Yaburi 114:2

Yuda kebilɛnu mara Marita mɔgɔ-sɛnimɛnu na. Isirɛla mɔgɛnu mara ale Mari-halalɛ la.

Yaburi 2:6

A ko ale ara ata mansɛ yabɔ. A ya a sigi ata kɔnkɔ-sɛnimɛ kuma Yerusalɛm soe burɔ.

Yaburi 44:2

I ya Alla-lɔnbɛlɛnu gben anu yarɔ nya min, anu bara wonu fɔ ma ye. I ya nyamanɛ wo ma ila mɔgɛnu halalɛ la. I ya sibolo-gbɛrɛ doinu fanan tɔrɔ nya min, anu ya wo fanan fɔ ma ye. I ya a ma, ita mɔgɛnu sabatira.

Yaburi 68:16

Wole min bi bɛsi-kɔɛ kun na Basan kɔnkɛ ma, nfenna wo ye Allata mɔgɛnu makeliyala minnu bi a bato tinɛ a nyɛrɛta kɔnkɔ-yabɔnɛ ma? Ado nfan, Mari mayiginɛ nyɔ le habadan!

Yaburi 76:2

Bɔn ye a bolo Yerusalɛm soe burɔ. A si a mayigi ala kɔnkɔ-sɛnimɛ kuma nyɔ le.

Yaburi 80:15

Na ita nɔnbɔ-kinɛ kɛ fɛ-bira. I wara a ma, a ara sabati.

Yaburi 80:8

I nara nɔnbɛ do la ka bɔ Iyipiti nyamanɛ rɔ. I ya sibolo-gbɛrɛnu gben ka nɔnbɛ wo ki wonuna nyamanɛ rɔ.

Bɔ-Koe-Iyipiti 15:13

I ya male min kunka, i si ta ma yarɔ ita keninteya-banbɛlɛ la ka sɔ ma yarɔ ita sɛnbɛ la ha ma si ke nyamanɛ wo rɔ i ye i mayigila kan min.

Bɔ-Koe-Iyipiti 23:20

“N si melika sɔ wo yarɔ ka wo kandan kilɛ la ha wo si don kan tinɛ wo rɔ n bara min tabɛn wo ye.

Bɔ-Koe-Iyipiti 25:8

“Wo kɔma, wo si Fani-Bon-sɛnimɛ do ladan n ye n si sigi wo tɛma kan min.

Bɔ-Koe-Iyipiti 32:34

Woletɔ n bara kan tinɛ minna ko fɔ i ye nun, i ni ta nyɔ kaka. I ni sɔ mɔgɛnu yarɔ ka ta nyɔ. Nta melika dɔrɔn si sɔ i yarɔ. Hali wo, wo wati si na, n si anu tɔrɔ anu hakɛla ko la.”

Yɛrɛmaya 2:21

Mari ko a ya wo ki le iko ki-fen-natankanɛ. Wo mani de iko sugu-bɛrɛ. A ko nfenna wo ara yɛlɛman nɔnbɛ la min gbɔɛ kunayanɛ kelele?

Yɛrɛmaya 31:23

Mari Sɛnbɛ-Bɛɛ-Tigi, Isirɛlata Alla ko a wa mɔgɛnu nasɛgi anuna nyamanɛ rɔ tumɛ min, anu si to a fɔla nyɔ ko, “Alamɛ Marita duwɛ yigira ata kɔnkɔ-sɛnimɛ kuma, a mayiginɛ kan min, kɔni.”

Yɛrɛmaya 32:41

A ko ko-nyima-kɛ si a diya don a rɔ anu ye. A si anu banban nyamanɛ wo rɔ gben!

Isikiyɛli 37:26

Ma si sara koe do ma ma nyɔgɔn tɛma ka a tɛgɛ anuna habadan-sigi lafɛrɛ ma. N si anu ma dugurɛn bɛrɛbɛrɛ la ka anu nasiyaya. N si nta Bato-Bɔn sɔ nyamanɛ wo rɔ, a si to kan min tolon!

Isikiyɛli 37:28

Nta Bato-Bɔn wa banda laban nyɔ, sibolenu bi a lɔnna wo le ma ko nde le wara Isirɛla mɔgɛnu yabɔ ka anu ma nde, Mari halalɛ la.”

Tɔn-Fɔɛ-Fila-Nyɔgɛ 33:19

Anu si sibolo-gbɛrɛnu kele Mari bato tinɛ kɔnkɛ kuma ka anu karan saraka-bɔ-nya la min si Alla hɛnɛ. Anu si anuna nɔnfulinu bɔ kɔgɔ-yi rɔ anubɛ kɔnkɛnu tɔ.”

Yasowa 22:19

Kɔnɔ ni wola nyamanɛ tinyanɛ, wo ni bɛ tɛgɛ ka na ma warɛ kelenna bawo mata Mari Allala saraka-mintan-tina-bɛrɛ ye ma warɛ. Yanni wo ni saraka-mintan-tinɛ sɔ wo nyɛrɛ ma min si ma dama ma hakɛ-tiginu na, wo ni na mata nyamanɛ rɔ. Ma si kan tinɛ do di wo ma wo si sigi kan min.