Bɔ-Koe-Iyipiti 14:30 - ALLALA KUMƐ

³⁰ Mari ya Isirɛla mɔgɛnu kisi wo nya na le ka anu bɔ Iyipiti kɛnu bolo. Isirɛla mɔgɛnu ya Iyipiti kɛnu furi yen yi kɔnkɔn la belenna.

Bɔ-Koe-Iyipiti 14:30 ပူးပေါင်းရင်းမြစ်များ

2 Ko-Kɔrɔta-Karan 32:22

Mari ya Mansa Hɛsakaya anubɛ Yerusalɛm kɛnu kisi Asiriya Mansa Sɛnakaribu masibɛ ma wo nya na le. A ya anu kisi anu yogo-gbɛrɛ donu fanan ma. Mari ya a ma, anu sigira yisi-kimɛ rɔ anu dafɛ mɔgɛnu bolo.

Yaburi 106:10

A ya anu nakanan anu gboyana-mɔgɛnu masibɛ ma. A ya anu kisi anu yogenu ma.

Yaburi 106:8

Kɔnɔ hali wo, a ya anu nakanan iko a ya anu yili-madiya nya min, alako a ni ata sɛnbɛ-wɛ yira anu na.

Yaburi 58:10

Hakɛ-tiginu ba anuta tɔrɔyɛ sɔrɔn, telenbagɛnu si sewa. Anu kiannu ma si ku karagbɛlɛ wonu yele la.

Yaburi 59:10

N di nta Alla ye tɛban! A si n nabɛn. Lunyɛ do, i si n yogenu nɔ nya min, n ni wo yen n yɛ la.

Yaburi 91:8

I si a rayen i nyɛrɛ yɛ la karagbɛlɛnu bi tɔrɔla nya min.

Bɔ-Koe-Iyipiti 14:13

Musa ya a fɔ mɔgɛnu ye ko, “Wo kana kilan. Mari si na wo tanka nya min bi, wo ni wo sɔ ka wo ragbɛ. Wo si ma sereyɛ la wo ye. Wo ara Iyipiti kɛ minnu yen kɛ la, wo ti wonu yen kɛ kɔma tun.

Aiseya 63:11

Wo kɔma, ala mɔgɛnu hɛnkili na ara to bilala ko-tenbini-kɔrɛnu ko. Anu hɛnkili tugura Musa la. Anu ko, “Mari min ya mabɛ mala kun-tiginu natɛgɛ kɔgɔ-yi la, wo ye mintɔ? Min ya ata Ni-Sɛnimɛ layigi mala mɔgɔ-banu kuma, wo ye mintɔ?”

Aiseya 63:8

Mari ko ata mɔgɛ le Isirɛla mɔgɛ kɛnu na. A ko anu ti foninyɛ fɔ a ye ka a yanfa. Woletɔ a ya anu kisi.

Aiseya 63:9

A ko ala mɔgɛnu ba tɔrɔyɛ sɔrɔn, ale fanan bara tɔrɔ. A ara a nyɛrɛta melika sɔ anu kisi tinɛ. Mari le ya anu kisi ka a tɛgɛ ata nyimayɛ anubɛ ata keninteyɛ ma. A ko kebi fɔlɔ a ya anu banba.

Hoseya 1:7

Kɔnɔ n si keninteyɛ yira Yuda mɔgɛnu na. Nde min bi anuta Mari Alla la, n si anu kisi. N ti anu nakisi kɛlɛ-kɛ-fannu ma iko faan wo, kalabɛn wo, anubɛ kɛlɛ-kɛ-soee ani anu naburilɛnu.”

Tɔn-Fɔɛ-Fila-Nyɔgɛ 4:34

Ka a bi fɔlɔfɔlɔ ma ha ka a sigi kaka la, ha bi, wo ara a yen bɛsɛ ara sibole do kunka iko Alla ya wo kunka Iyipiti nyamanɛ rɔ wati min sibolo-gbɛrɛkɛ bolo wa, ka anu ma ata mɔgɛnu na a nyɛrɛ ye? Wo nyɛrɛ yala serr, Mari ya ata kabana-koenu mayira ka kɛlɛ kɛ wo ye ka ko-makawanɛnu kɛ anubɛ ka ko-makilannɛnu kɛ.

Yude 1:5

Hali wo ya koe kɛ bɛɛ lɔn, n bi a fɛ ka wo hɛnkili bila wola ko la. Alla ya Isirɛla mɔgɛnu kisi ka anu bɔ Iyipiti nyamanɛ rɔ kɔnɔ wo kɔma, a ya wonu halaki minnu dɛnkɛninyani ma a ma.

Kɛlɛ-Kurugbɛnu 10:11

Mari ya anu manyinika ko, “Nde le ma wo lakisi Iyipiti kɛnu anubɛ Amoranu ma, wa? Nde le ma wo lakisi Amonnu anubɛ Filisitinu ma nun, ba?

1 Samuwɛli 11:13

Kɔnɔ Mansa Sɔli ya a fɔ anu ye ko, “Wo kana mɔgɛ faga bi bawo Mari ara Isirɛla mɔgɛnu natanka bi.”

1 Samuwɛli 14:23

Anu tara kɛlɛ kɛla furr, fɔɔ Bɛti-Efɛn soe kɔma. Mari ya Isirɛla mɔgɛnu natanka wulɔn de!