Bɔ-Koe-Iyipiti 14:29 - ALLALA KUMƐ

²⁹ Kɔnɔ wo ya a taran, Isirɛla mɔgɛnu bara ban tenbila kɛn-gbalanɛ wo kuma Kɔgɔ-Yi-Wulan tɛma nun. Yi labɛnta anu bolo-nyimɛ rɔ anubɛ anu maran rɔ.

Bɔ-Koe-Iyipiti 14:29 ပူးပေါင်းရင်းမြစ်များ

2 Mansɛnu 2:8

Nɛbi Ilaya ya ala duruki bɔ a kan na ka a mini ka a gbesi yi la. Tiriyante wo rɔ, yi farata filɛ la. Anu mɔgɔ filɛ tenbira dugu-gbalanɛ ma.

Nihɛmaya 9:11

I ya Kɔgɔ-Yi-Wulan fara fila la ila mɔgɛnu ye alako anu ni tenbi dugu-gbalanɛ kuma ka anu yogenu nabui yi rɔ iko kuri. I ya yi keri anu kun na.

Yaburi 106:9

A kumara Kɔgɔ-Yi-Wulan ma, wo gbalata a worɔn la todo! A sɔra ala mɔgɛnu yarɔ ka dugu-gbalanɛ wo ratɛgɛ.

Yaburi 136:13

A ya Kɔgɔ-Yi-Wulan fara fila la. Ala keninteyɛ dan sa.

Yaburi 78:13

A ya kɔgɔ-yi fara fila la ka anu natenbi nyɔ rɔ. A ya a ma, yi wonu sɔra anu gbɛ rɔ iko dandan.

Bɔ-Koe-Iyipiti 14:22

Isirɛla mɔgɛnu tenbira yi-farani filɛ wo tɛma kɛn-gbalanɛ wo kuma. Yi wo sankasankɛ layɛlɛta iko tarɛ, anu bolo-nyimɛ anubɛ anu maran rɔ.

Bɔ-Koe-Iyipiti 15:19

Isirɛla mɔgɛnu tagamanta kɛn-gbalanɛ kuma Kɔgɔ-Yi-Wulan tɛma nun. Kɔnɔ ale mansɛla kɛlɛ-dannu bi tenbila anuna kirindinu na anu bolo tumɛ min kɛn wo ma, Mari ya Kɔgɔ-Yi-Wulan keri anu kuma.

Bɔ-Koe-Iyipiti 15:8

I ya fɔnyɔ min nabɔ i karɛ rɔ, wo ya yi kɛ fara fila la ka anu nadɛn anu nyɔgɔn kuma tala iko dandan. Yi-ladɛnnɛ wo gbɛlɛyara gbon, iko dandan!

Aiseya 11:15

Mari si a ma, Kɔgɔ-Yi-Wulen bolɔn doi ni gbala todo! A si fɔn-kalamɛ lana min si Yufereti bɛ gbala todo! Fɔ yi-ni wɔrɔnfila, wonu denu dɔrɔn bi tola anu worɔn la. Mɔgɛ si a kian latenbi anu kuma.

Aiseya 43:2

A ko ma tenbi dumɛ tɛma, a ye ma fɛ nyɔ rɔ. Ma kunyɛ ti to tɔrɔyɛ wo rɔ. Hali ma tenbi tɛ tɛma, a ko ma ti mintan. Ma kunyɛ ti to gbɛlɛyɛ wo rɔ.

Aiseya 51:10

Ile le ya kɔgɔ-yi-bolɔn do gbala a worɔn la wulɔn ka kilɛ sa a tɛma gbonkan! Wo ya a ma, ila mɔgɔ-kisinɛnu tɛgɛra nyɔ. Ila mɔgɛnu kunkara nyɔ.

Aiseya 51:13

Wo ma nyina ale Mari ko min ya wo dan? Ale le ya san-kole rafulen ka dugu-kole kurukɛ. Nfenna wo kumakɔnɛ tonɛ kilan bolo? Anu bi wo niyi ragbɛrɛnna. Anu tabɛnnɛ wo kasara-koe ma. Kɔnɔ anuna kɔnkɔn ti ko-wo-ko ma wo la.

1 Kɔrɛnti 10:1

N na-kelen-nyɔgɛnu, ma benba minnu bilara Musa fɛ, n bi a fɛ, wo ni wo yili to wonu ko. Banda-fin-gbɛ le ya anu yamatogon ha anu dama kɛndɛ tenbira Kɔgɔ-Yi-Wulan rɔ.

Yasowa 3:16

Anu ya wo ma wati min, yi gbalata. Yi ladɛnta anu nyɔgɔn kuma ha ka ke Adam soe ma min bi Saraten soe dafɛ kan tɔ. Yi min bi dugula wara la, wo gbalata ha ka ke yi do ma min tɔgɛ le Dalɛ Faganɛ.