Bɔ-Koe-Iyipiti 14:27 - ALLALA KUMƐ

²⁷ Musa ya a bole rasagan Kɔgɔ-Yi-Wulan wo kuma. Banda-ka-dɛ ma, Iyipiti kɛnu ya a yen ko yi wo ye kerila anu kuma ka sɛgi a gbɛ rɔ. A sɔgɛ ye anu na nun ka anu buri yi wo kɔrɔ kɔnɔ Mari ya yi keri anu kuma.

Bɔ-Koe-Iyipiti 14:27 ပူးပေါင်းရင်းမြစ်များ

Nihɛmaya 9:11

I ya Kɔgɔ-Yi-Wulan fara fila la ila mɔgɛnu ye alako anu ni tenbi dugu-gbalanɛ kuma ka anu yogenu nabui yi rɔ iko kuri. I ya yi keri anu kun na.

Yaburi 106:11

Wo kɔma, yi kerita anu yogenu kun na ka anu yamatogon mɛmɛ! Hali mɔgɔ-den-kelen ma to a niyi la anu tɔ.

Yaburi 136:15

A ya Iyipiti mansɛ anubɛ ala kɛlɛ-dannu nato yi rɔ. Ala keninteyɛ dan sa.

Yaburi 78:53

A sɔra anu yarɔ a kin na! Anu ma kilan fenfen na. Kɔgɔ-yi tugura anu yogenu kun na.

Aiseya 10:26

A ko a si anu natɛn gbɛn la iko a ya Midiyannu natɛn gbɛn la nya min Ɔrɛbu kuri dafɛ. A si anu tɔrɔ iko a ya Iyipiti kɛnu tɔrɔ nya min nun Kɔgɔ-Yi-Wulan dala.

Tɔn-Fɔɛ-Fila-Nyɔgɛ 11:4

Iyipiti mansɛ anubɛ a kɛlɛ-dannu bi wo sagaranna tumɛ min, wo ya a yen wo nyɛrɛ yɛ la wota Mari Alla ya Kɔgɔ-Yi-Wulan latugu anubɛ anuna kirindinu anubɛ anuna soeenu kuma nya min.

Hiburunu 11:29

Dɛnkɛninyɛ le fɛ, Isirɛla mɔgɛnu ya Kɔgɔ-Yi-Wulan tɛgɛ iko anu bi tagamana dugu-gbalanɛ kuma nya min. Iyipiti kɛnu ya anu taya tumɛ min ko anu denu ni wo ma, anu tora yi rɔ.

Yasowa 24:7

Isirɛla mɔgɛnu wɔrɔndɔra ko ale Mari ni anu dɛnbɛ. A ya anu dɛnbɛ ka pinpi-belebele-wɛ don anubɛ Iyipiti mɔgɛnu tɛma. A ya yi-belebele-wɛ keri Iyipiti mɔgɛnu kuma ka anu faga. Wo ya a lɔn a ya min ma Iyipiti mɔgɛnu na. Wo kɔma, wo ya san-siyaman bɔ wula-da-rakolɔn rɔ.

Yasowa 4:18

Woletɔ saraka-masɔlɛnu bɔra Yorodan bɛ tɛma Marila tɔn-kenkirɛ la anu bolo. Anu kera gbole ma tumɛ min, yi sɛgira a gbɛ rɔ anu kɔma wo wati nyɛrɛ rɔ iko a ye nya min nun.