Bɔ-Koe-Iyipiti 14:25 - ALLALA KUMƐ

²⁵ Mari le ya a ma, anuna kirindinu kian gbaranta nyɔ gbaku! Anu ta-koe mara kɔndɔfili la anu bolo. Woletɔ Iyipiti kɛnu ya a fɔ ko, “Ma ni ma bɔ yan kamasɔrɔn anuta Mari ye kɛlɛ kɛla anu ye.”

Bɔ-Koe-Iyipiti 14:25 ပူးပေါင်းရင်းမြစ်များ

2 Ko-Kɔrɔta-Karan 20:29

Mari ara Isirɛla yogenu nɔ nya min, sibolo-gbɛrɛnu ya wo lamɔɛn min kɛ, anu kilanta.

Nihɛmaya 4:14

N ya a yen min kɛ ko kilan ye anu tɔ, n ya a fɔ kun-tiginu anubɛ a mɔgɔ-ba-toenu ye ko, “Ma kana kilan ma yogenu na wona. Wo ni wo miri Mari makawa-nya ma. Ma sibolenu wo, mala dannu wo, mala musinu wo, mala bɔnnu wo, wo ni kɛlɛ kɛ wonuna ko la.”

Nihɛmaya 6:16

Ma yoge min bɛɛsi ye mala foolɛ rɔ, wonu ya a lamɔɛn min kɛ ko ma ara wɔlɛ kundon, anu miliyara bawo anu bara a lɔn ko mata Alla ara ma dɛnbɛ wɔlɛ kɛ rɔ.

Nihɛmaya 9:11

I ya Kɔgɔ-Yi-Wulan fara fila la ila mɔgɛnu ye alako anu ni tenbi dugu-gbalanɛ kuma ka anu yogenu nabui yi rɔ iko kuri. I ya yi keri anu kun na.

Yobu 11:20

Karagbɛlɛnu si anu taya ka anu bɔ-tinɛ nyini tɔrɔyɛ kɔrɔ kɔnɔ anu ti anu bɔ-tina fenfen sɔrɔn. Yigi-wo-yigi sa anu bolo fɔ sayɛ.

Yobu 20:24

A tenbi a burila nɛgɛ-faan kɔrɔ, sila-kalabɛn si a bon.

Yobu 27:22

Fɔnyɔ ti kinikini anu ma, a si to tugula anu kun na. Hali anu ya anu taya nya-wo-nya, anu kunyɛ ti bɔ a rɔ.

Yaburi 35:1

Mari, minnu sɔnɛ n na, i ni wuli wonu kan ma. Minnu bi n kɛlɛla, wonu kɛlɛ.

Yaburi 46:9

A ye tɔn sigila kɛlɛ la duninya bɛɛ rɔ. A si kalabɛnnu takerikeri ka tanbɛnu tinya ka kɛlɛ-dan-matanka-fannu fanan mintan.

Yaburi 68:12

Anu bi tala a fɔla ko, “Mansɛnu anubɛ anuna kɛlɛ-dannu bi anu burila.” Mɔgɔ-burinɛ wonu ya miran minnu to, musinu bi wonu farala anu nyɔgɔn na.

Yaburi 76:6

Ile Yakobata Alla ya anu makilan nya min wo, anuna kirindi-laburilɛnu anubɛ anuna soeenu fagara anu gbɛ wo le tɔ.

Bɔ-Koe-Iyipiti 14:14

Wo ni a makɔnɔ. Mari si wola kɛlɛ kɛ.”

Bɔ-Koe-Iyipiti 14:4

N si ale mansɛ yisi gbɛlɛya tun gbon! A si wo sagaran. N ba a nɔ tumɛ min, nde, Mari si gbiliyɛ sɔrɔn mansɛ anubɛ ala kɛlɛ-dannuna ko la woletɔ Iyipiti kɛnu si a lɔn ko nde le Mari la.” Isirɛla mɔgɛnu ya a ma iko Alla ya a fɔ anu ye nya min.

Bɔ-Koe-Iyipiti 15:3

Mata kɛlɛ-kurugbɛ le ale la. A tɔgɛ le Mari.

Aiseya 31:4

Mari ya a fɔ nde, Aiseya ye ko hali saga-fɛ-biralɛnu gbele-gbelenta nya-wo-nya, anu ti ke yarɛ gbenna saga-faganɛ wo ma. A ko a ye wo nya na le fanani, ko anu ti ke tɔn sigila Mari Sɛnbɛ-Bɛɛ-Tigi ma ata kɔnkɔ-sɛnimɛ kandan-koe rɔ.

Yɛrɛmaya 51:21

A so wo, a laburila wo, a kirindi wo, a laburila wo, a kei wo, a musu wo, a denni wo, a kina wo, a dunmusu wo, a den-kei wo, a saga wo, a fɛ-birala wo, a sara-ninki wo, a lawɔlila wo, a kun-tigi wo, a mɔgɔ-ba wo, a ko a si wonu damasi lato tɛrr!”

Emɔsi 1:14

Wo sɔn, wonu denu bi a mala, a ye tɛ layigila wola soe kuma, Raba, kɔni, ka anubɛ a tarɛ mintan gburr! Wo wati rɔ, sɔnkɔ-sɔnkɔ anubɛ kɛlɛ si taran nyɔ rɔ. Kɛlɛ si gbɛlɛya wo kuma iko banda-fin-fɔnyɔ.

Emɔsi 5:19

Wo si ma iko kei min bi a burila yarɛ kɔrɔ ka ta bɛn suluki la. A wa a buri wo fanan kɔrɔ tumɛ min ka ta ala bɔn la alako a ni kisi, a wa a gbɔnkun ala bɔn rɔ, gbanwore fanan si a kin.

Emɔsi 9:1

N ya Mari yen, a ya a lakɔɛnma saraka-bɔ-tinɛ dafɛ. A ko, “I ni Bato-Bɔn sɛnbɛrɛn-kɔn-kumɛnu gbesi alako dandan-kɔrɛ ra ni maga. Anu kumɛ ni bui mɔgɛnu kunyɛ ma.” A ko a mɔgɛ toe si faga kɛlɛ rɔ. Mɔgɔ-wo-mɔgɔ ti ke a burila. Bɛɛ si faga tɛrr!

Tɔn-Fɔɛ-Fila-Nyɔgɛ 1:30

N ko mata Mari Alla si sɔ ma yarɔ. A si kɛlɛ kɛ ma ye iko a ya a ma ma yala nya min Iyipiti nyamanɛ rɔ.

Tɔn-Fɔɛ-Fila-Nyɔgɛ 3:22

Wo kana kilan anu na. Wota Mari Alla nyɛrɛ si kɛlɛ kɛ wo ye.’

Tɔn-Fɔɛ-Fila-Nyɔgɛ 32:31

Wo yogenu ya a lɔn ko fanka sa anuta bɛsɛnu na. Anuta farɛnu mani ma iko wota Fara-Kole Mari ye nya min.

Yasowa 10:14

Ka a bi duninya-dan-wati ma, ha kaka, tele ma wo nyɔgɔn wati bɔ wɛ san ma ka a tɛgɛ mɔgɔ kelen wota madiyalɛ ma. Kɛ wati rɔ, Mari ya Isirɛla mɔgɛnu dɛnbɛ bɛrɛkɛ!”

Kɛlɛ-Kurugbɛnu 4:15

Bɛraki anubɛ ala kɛlɛ-dannu ya anu yogenu tagbɛrɛn wati min, Sisara anubɛ ala kɛlɛ-dannu kumakɔra. Sisara bɔra ala kirindi rɔ. A yigira ka buru-kɛ bi.