Bɔ-Koe-Iyipiti 14:24 - ALLALA KUMƐ

²⁴ Banda-ka-da-pinpi ma, Mari ya a kolan bɛn Iyipiti kɛlɛ-dannu ma ka bɔ banda-fin-gbɛ anubɛ ta-mɛlan rɔ. A ya Iyipiti kɛlɛ-dannu kɔndɔfili pirikali!

Bɔ-Koe-Iyipiti 14:24 ပူးပေါင်းရင်းမြစ်များ

Yobu 22:13

Kɔnɔ hali wo, ile Yobu ye a fɔla ko, “Alla ya nfen lɔn? Banda-finyɛ ye mabɛ Alla tɛma. A si ke ma kitila kama?”

Yobu 34:20

Mɔgɛ si tɛrɛna sayɛ la kinɔgɔ rɔ suyi rɔ. Alla si mɔgɛnu gbesi a rɔ ka anu wara-koe ka-a-la. Kun-tigi-makawanɛ-faga ma gbo Alla bolo.

Yobu 34:29

Ni ko-wo-ko ma-sɔgɔ sa Alla la, yon si ke a manyinikala ko, “I ma kɛ ma kama?” Ni a ya a kolonkɛ dogon ma ma, yigi ti taran ma ma tun!

Yobu 40:12

Ni minnu ya anu nyɛrɛ lɔn fen na, i ni anu nayarabi. Karagbɛlɛnu sɔnɛ kan min, i ni anu gbesi a rɔ nyɔ.

Yaburi 104:32

A wa duninya mafɛlɛn, dugi ni yɛrɛyɛrɛn. A wa a kɔɛn tugu kɔnkɛnu na, ta-sisi ni bɔ.

Yaburi 48:5

Anu ya soe wo yen wati min, anu kawara. Anu ya anu buri kilan bolo.

Yaburi 78:14

Wo kɔma, a ya banda-fin-gbɛ sɔ anu yarɔ tele rɔ. Suyi rɔ, a ya ta-waan sɔ anu yarɔ.

Yaburi 90:4

San waga kelan mani de ile yala iko tele kelan. A manɛ iko kunu min bara belen, ado a mani de fanan i yala iko kinɔgɔ-kun-kelan.

Bɔ-Koe-Iyipiti 13:21

Tele rɔ, Mari ye anu yarɔ banda-fin-gbɛ rɔ ka kilɛ yira anu na. Suyi rɔ, Mari ye anu yarɔ iko ta-mɛlan alako anu ni anu kin kɔrɛ yen.

Bɔ-Koe-Iyipiti 14:25

Mari le ya a ma, anuna kirindinu kian gbaranta nyɔ gbaku! Anu ta-koe mara kɔndɔfili la anu bolo. Woletɔ Iyipiti kɛnu ya a fɔ ko, “Ma ni ma bɔ yan kamasɔrɔn anuta Mari ye kɛlɛ kɛla anu ye.”

Emɔsi 9:4

Wo yogenu ba ta wo la biralɛ rɔ, a ko a si a ma, wo yogenu ni wo faga. A ko a ye wo kasara-koe le tɔ, wo kisi-ko ma de!

1 Samuwɛli 11:11

Wo wulɔn suyi rɔ, Mansa Sɔli ya kɛlɛ-dannu tafara sigi tina sawa la. Banda-ka-da-pinpi ma, anu tara kɛ Amonnu ma anuna dagɛ rɔ. Anu tora anu kɛlɛla ka anu siyaman faga ha tele-latelan. Kɔnɔ Amon toe minnu tora, wonu ma ta anu nyɔgɔnna kila fɛ. Anu tanyɛnsɛnta.