Bɔ-Koe-Iyipiti 14:21 - ALLALA KUMƐ

²¹ Musa ya a bole rasagan Kɔgɔ-Yi-Wulan wo kuma. Mari ya fɔn-belebele-wɛ do lana ka bɔ tele-bɔɛ wara la suyi wo nyɛrɛ rɔ ka Kɔgɔ-Yi-Wulan wo tɛ tɛgɛ fila la ka nyɔ gbala todo!

Bɔ-Koe-Iyipiti 14:21 ပူးပေါင်းရင်းမြစ်များ

Ko-Dabirɛnu 8:1

Alla ma nyina Nowa anubɛ soge wonu ko minnu bi kulɔn wo rɔ nun. Alla ya fɔnyɔ latugu ka yi masagan.

2 Mansɛnu 2:8

Nɛbi Ilaya ya ala duruki bɔ a kan na ka a mini ka a gbesi yi la. Tiriyante wo rɔ, yi farata filɛ la. Anu mɔgɔ filɛ tenbira dugu-gbalanɛ ma.

Nihɛmaya 9:11

I ya Kɔgɔ-Yi-Wulan fara fila la ila mɔgɛnu ye alako anu ni tenbi dugu-gbalanɛ kuma ka anu yogenu nabui yi rɔ iko kuri. I ya yi keri anu kun na.

Yobu 26:12

Ata sɛnbɛ ye kɔgɔ-yi kuma. Hali ninkinankɛ min bi kɔgɔ-yi rɔ, a ya wo lato dogbe!

Yobu 38:24

Tele ye wulila kan min, i wara ke nyɔ nun? Fɔn-dagɛ siginɛ tele-bɔɛ wara la kan min, i wara ke nyɔ nun?

Yaburi 136:13

A ya Kɔgɔ-Yi-Wulan fara fila la. Ala keninteyɛ dan sa.

Yaburi 148:8

A banda-nyin-masɔgɔ wo, a banda-kolo wo, a banda wo, a duru wo, a fɔn-digidigi-wa wo, wo bɛɛ ye Mari kuman-kan birala ka a tanto.

Yaburi 66:6

A ya kɔgɔ-yi gbala a worɔn la ha ma benbanu banta tenbila. Anu ke yi kɔgɔma, anu sewara dɔgɔma-ma-de bawo Mari ara min kɛ anu ye.

Yaburi 74:13

I ya yi fara fila la i sɛnbɛ-makawanɛ la. Ninkinankɛ min tɔgɛ Lifayatan, i wara wo kunyɛnu tatii pɔ!

Yaburi 78:13

A ya kɔgɔ-yi fara fila la ka anu natenbi nyɔ rɔ. A ya a ma, yi wonu sɔra anu gbɛ rɔ iko dandan.

Bɔ-Koe-Iyipiti 14:16

Ila sewuri layɛlɛ ka i bole rasagan Kɔgɔ-Yi-Wulan kuma alako yi tɛ ni tɛgɛ. Isirɛla mɔgɛnu si tenbi nyɔ kɛn-gbalanɛ kuma Kɔgɔ-Yi-Wulan wo worɔn la.

Bɔ-Koe-Iyipiti 14:20

Banda-fin-gbɛ wo tora Iyipiti kɛnu anubɛ Isirɛla mɔgɛnu tɛma. A tɔnkɔn doi ya pinpi burun Iyipiti kɛnu kuma bɛff! A tɔnkɔn doi ya waan raka Isirɛla mɔgɛnu ma waran! Iyipiti kɛnu anubɛ Isirɛla mɔgɛnu ma ke anu nyɔgɔn yenna suyi wo nyɛrɛ rɔ hali ka gbɛrɛn anu nyɔgɔn ma lefan!

Bɔ-Koe-Iyipiti 15:8

I ya fɔnyɔ min nabɔ i karɛ rɔ, wo ya yi kɛ fara fila la ka anu nadɛn anu nyɔgɔn kuma tala iko dandan. Yi-ladɛnnɛ wo gbɛlɛyara gbon, iko dandan!

Bɔ-Koe-Iyipiti 7:19

Mari ya a fɔ Musa ye tun ko, “A fɔ Aruna ye ko a ni ala sewuri wo bi ka a rasagan Iyipiti yinu kuma, anuta bɛnu wo, yi-bolɔnnu wo, anuta dalɛnu wo, anubɛ yi minnu bi yi-dagɛnu tɔ, wonu si ma yele la. Yi siginɛ kan-bo-kan, hali a taranta yi-dagɛ le tɔ, wo bɛɛ si yɛlɛma yele la.”

Aiseya 23:11

Mari ara a kɔɛn kɔrɔbi kɔgɔ-yi dafɛ-nyamanɛnu kasara-koe la. A ara a latɛgɛ ko fɔ a wa Kenan kɛnuna so-gbɛlɛmɛnu kasara.

Aiseya 43:16

Bi ko ma, Mari ya kilɛ laka kɔgɔ-yi rɔ. A ya kinna-kilɛ sa yi-makawanɛ tɛma.

Aiseya 44:27

A ko a wa a karɛ laka ka a fɔ ko a ni gbala kɔgɔ-yi ma, wo si gbala todo!

Aiseya 50:2

A ko a tara i lakisi tinɛ lunyɛ min, nfenna i ma i tole masɔ a la? Nfenna i ma ala keleli labira? A ko ile miri ko i kisi-sɛnbɛ sa a bolo? A ko hali a kumara dɔrɔn, kɔgɔ-yi mumɛ si gbala todo! Bɛnu si yɛlɛma gbangban la. Yɛgɛ minnu bi yi wonu tɔ, wonu si faga.

Aiseya 51:10

Ile le ya kɔgɔ-yi-bolɔn do gbala a worɔn la wulɔn ka kilɛ sa a tɛma gbonkan! Wo ya a ma, ila mɔgɔ-kisinɛnu tɛgɛra nyɔ. Ila mɔgɛnu kunkara nyɔ.

Aiseya 51:15

Mari ko ale le wota Mari Alla la. Ale le ya kɔgɔ-yi ramaga a worɔn la ka a ma, a la ni sɔnkɔ. A tɔgɛ le Mari Sɛnbɛ-Bɛɛ-Tigi.

Aiseya 63:12

Mari min ya ata fanka mayira Musa rɔ ka kɔgɔ-yi fara fila la ha ala mɔgɛnu banta tenbila, wo ye mintɔ? Nba Mari ara a nyɛrɛ tɔgɔ lawanka kabana-koe wo fɛ.

Aiseya 63:13

Mari nyɛrɛ ya ala mɔgɛnu natɛgɛ dugu-gbalanɛ ma yi tɛma. Anu tenbira iko bintɔ-soee min ti a kian latugu ka bui wula-da-rakolɔn rɔ.

Habakuku 3:8

Mari, ila fondo-bɔɛ le ya a ma, i ya yinu gbesi a rɔ ka kɔgɔ-yi fara? I kɔrɔtɔnɛ anu ma, wa? Ade, i nara i mayiginɛ banda-finyɛnu kuma ka nɔlɛ di ila mɔgɛnu ma.

Kɛwɔlɛnu 7:36

A ya mɔgɛnu nabɔ Iyipiti nyamanɛ rɔ ka tamaserenu anubɛ kabana-koenu kɛ Iyipiti anubɛ Kɔgɔ-Yi-Wulan dafɛ. San bi-nani kɔrɔ, a ya ko-makawanɛ kɛ anu ye wula-da-rakolɔn rɔ.

Yasowa 2:10

Ma ya a lamɔɛn fanan ko Isirɛla mɔgɛ bɛɛ bɔra Iyipiti tumɛ min, Mari ya kabana-koe do kɛ ka Kɔgɔ-Yi-Wulan gbala anu yarɔ, ado ma ya a lamɔɛn fanan ko Amora mansa filɛ minnu tɔgɛ Saihɔn anubɛ Ɔku, wo ya wonu faga Yorodan bɛ kɔma.

Yasowa 3:17

Saraka-masɔlɛnu tara tun tɔn-kenkirɛ la anu bolo ka sɔ Yorodan tɛma ha mɔgɛ bɛɛ tenbira dugu-gbalanɛ kuma.

Yasowa 4:23

Wo ni a fɔ anu ye fanan ko mata Mari Alla ya yi gbala ma benbanu yarɔ iko a ya Kɔgɔ-Yi-Wulan gbala nya min nun.