Bɔ-Koe-Iyipiti 14:17 - ALLALA KUMƐ

^17-18 N si Iyipiti kɛnu yisi gbɛlɛya. Anu si wo sagaran kirindi la yi-worɔn wo la. N si gbiliyɛ sɔrɔn ale mansɛ anubɛ ala kɛlɛ-dannuta halakiyi fɛ. Iyipiti kɛnu si a lɔn yati ko nde le Mari la.”

Bɔ-Koe-Iyipiti 14:17 ပူးပေါင်းရင်းမြစ်များ

Ko-Dabirɛnu 50:9

Mɔgɛnu tara kirindinu anubɛ soeenu na anu bolo. A mara sɛrɛ-kɔngbɛ la.

Ko-Dabirɛnu 6:17

Alla ya a fɔ tun ko, “Nde, Alla si yi keri duninya kun na alako n si nima-fan bɛɛsi halaki nya min ka anu firan dugu-kole kuma. Nima-fan min bɛɛsi ye dugu-kole kuma, wo bɛɛ si faga.

Ko-Dabirɛnu 9:9

“N bara nta lanyiri kɛ kiri wobɛ wo bɔnsɔnnu ye

Bɔ-Koe-Iyipiti 14:23

Iyipiti kɛnu ya anu sagaran kɛn-gbalanɛ wo kuma Kɔgɔ-Yi-Wulan wo tɛma. Ale mansɛ anubɛ ala kɛlɛ-dannu tara anuna kirindinu na anubɛ anuna soeenu na anu bolo yi tɛ tɛgɛnɛ wo tɛma.

Bɔ-Koe-Iyipiti 14:4

N si ale mansɛ yisi gbɛlɛya tun gbon! A si wo sagaran. N ba a nɔ tumɛ min, nde, Mari si gbiliyɛ sɔrɔn mansɛ anubɛ ala kɛlɛ-dannuna ko la woletɔ Iyipiti kɛnu si a lɔn ko nde le Mari la.” Isirɛla mɔgɛnu ya a ma iko Alla ya a fɔ anu ye nya min.

Bɔ-Koe-Iyipiti 14:8

Isirɛla mɔgɛnu bɔra Iyipiti nyamanɛ rɔ yisi-latɛgɛ rɔ Alla baraka rɔ kɔnɔ Mari ya ale Iyipiti mansɛ yisi gbɛlɛya tun ha anu ya Isirɛla mɔgɛnu sagaran.

Bɔ-Koe-Iyipiti 4:21

Mari ya a fɔ Musa ye ko, “I wa sɛgi Iyipiti nyamanɛ rɔ tumɛ min, n bara i labila ko-makawanɛ minnu na kɛ la, i ni wonu nadan mansɛ yala. Hali wo, n si ale mansɛ yisi gbɛlɛya. A ti sɔn ka nta mɔgɛnu boloka.

Bɔ-Koe-Iyipiti 4:23

Ale mansɛ ni anu boloka alako anu ni n bato kɔnɔ a wa a ban anu boloka-koe ma tumɛ min, n si ala den-kei fɔlɔtɛ faga.”

Bɔ-Koe-Iyipiti 7:3

N si ale mansɛ yisi gbɛlɛya alako n ni nta kabana-ko-siyamɛ yira a la Iyipiti nyamanɛ rɔ.

Aiseya 48:15

Mari ko a kelen pe le ya wo kele ka kuma a la. A ko ale le ya a lata. A si a munanfaga.

Aiseya 51:12

Mari ko ale le si wo sɛnbɛ don. Hadama-dan min siyi-fɛ wuru iko binyɛ, wole kilannɛ wo la nfenna gbɛ?

Yɛrɛmaya 23:39

Mari si wo bi ka wo lafili a rɔ pirr! A ya soe min di wobɛ wo benbanu ma, a ya a ban wo la.

Isikiyɛli 28:22

Nde, i Tigi Marita kumɛ latenbi Saidon kɛnu ma. Saidon yoge le nde la. N bi nala min sigila Saidon soe ma, mɔgɛnu si n matɔgɔ wola ko la. N ba ban Saidon kɛnu tɔrɔla ka nta sɛninyɛ yira mɔgɛ bɛɛ la, mɔgɛnu bi a lɔnna wo le ma ko Mari le nde la.

Isikiyɛli 34:11

“Nde, i Tigi Mari ya a fɔ ko iko saga-fɛ-biralɛ si ala saga-tanyɛnsɛnnɛnu nadɛn nya min, nde nyɛrɛ si nna sagɛnu nyini ka anu fɛ-bira wo nya na le. Anu ta ara nyɛnsɛn kan tinɛ min bɛɛ rɔ kasara-tele ma, n si anu kundɛn ka bɔ nyɔnu tɔ.

Isikiyɛli 34:20

“Woletɔ nde, anu Tigi Mari ye a fɔla anu ye ko n si kiti sa saga-tɔlɔnɛnu anubɛ saga-baranɛnu tɛma.

Isikiyɛli 5:8

Woletɔ nde, wo Tigi Mari Alla ye a fɔla wo ye ko wo yoge le nde la gbɛ! N bi wo kitila duninya tɛma le.

Isikiyɛli 6:3

A fɔ anu ye ko anu ni anu tole masɔ nde, Mari kuman-kan la. A kɔnkɔ-layan-ba wo, a gburukulu wo, a folo wo, a lɛɛ wo, anu ni anu tole masɔ nde, anu Tigi Mari Alla kan la. Mɔgɛnu bi bɛsɛnu kɔla kan minnu tɔ anu tɛma, n bi kɛlɛ lanala ka nyɔnu halaki.

Hoseya 5:14

Mari ko a si kɛ Yuda anubɛ Isirɛla mɔgɛnu ma iko yarɛ ye kɛla soge ma nya min. Ale nyɛrɛ nyɛrɛ si wo rafarafara ka wo boloka. A wa ban wo saganna dugi la ka ta wo la, wo lakananna fenfen ti taran.

Saraka-Masɔlɛnuta Tɔnnu 10:3

Wo kɔma, Mari ya min fɔ nun, Musa fanan ya Aruna hɛnkili labila wo la ko, “Ni mɔgɔ-wo-mɔgɔ ye wɔlila Alla ye, fɔ wo tigi ni Marita sɛninya-koe mara bawo Mari ya a fɔ ko a si ata fanka yira ata mɔgɛnu na.” Kɔnɔ Aruna ma fenfen fɔ.

Saraka-Masɔlɛnuta Tɔnnu 26:28

n fonde si bɔ wo kuma ka tenbi a nani nyɔgɛ wo la.

Romu 9:18

Woletɔ Alla ye a fɛ ka kinikini min ma, a si kinikini wo ma. A ye a fɛ ka min yisi ragbɛlɛya, a si wo yisi ragbɛlɛya.

Tɔn-Fɔɛ-Fila-Nyɔgɛ 32:39

Mari ko ale kelen pe le wota Mari Alla la. Fufafuyi le wola bɛsɛnu na. Ale le si mɔgɛ faga, ale le si mɔgɛ lakɛndɛya. Ale le ye mɔgɛ tanbanna, ale le ye mɔgɛ dandanna. Mɔgɔ ti ke ale rasɛla.

Yasowa 11:20

Mari ya Isirɛla yogenu yisi gbɛlɛya alako anu ni Isirɛla mɔgɛnu kɛlɛ. Wo le ya a ma, Isirɛla mɔgɛnu si anu bira ka anu nato dogbe! Anu ma anu buri anu kɔrɔ. Mari ya a fɔ Musa ye nun ko anu kana kinikini anu fenfen ma.

Kɛlɛ-Kurugbɛnu 4:7

A ko a si Mansa Yebinta kɛlɛ-den-kun-tigi Sisara anubɛ ala kɛlɛ-dannu nana wo kan ma. Anu si wo kɛlɛ Kisɔn bɛ dala. Anu si na kirindinu na kɔnɔ hali wo, Mari ko a si a ma, wo ni anu nɔ.”

1 Samuwɛli 6:6

Nfenna wo ye wo yisi gbɛlɛyala iko Iyipiti kɛnu anubɛ anuna mansɛ ya a ma nya min fɔlɔ nun? Iko wo ya a lɔn nya min, Alla ya anu bolo labira ha Isirɛla mɔgɛnu ya anu sɔrɔn anu na.