Bɔ-Koe-Iyipiti 14:14 - ALLALA KUMƐ

¹⁴ Wo ni a makɔnɔ. Mari si wola kɛlɛ kɛ.”

Bɔ-Koe-Iyipiti 14:14 ပူးပေါင်းရင်းမြစ်များ

2 Ko-Kɔrɔta-Karan 20:15

Yahasayɛli wo ya a fɔ ko, “N tigi Mansa Yɛhosafati, wobɛ ila mɔgɛnu, wo ni wo tole masɔ. Yerusalɛm so-burɔ-mɔgɛnu wo, Yuda nyamanita-mɔgɛnu wo, Mari ko wo yisi ma kana gboya, ado wo kana kilan kɛlɛ-den-siyamɛ kɛnu na. Alla letan kɛlɛ kɛ la, woleta ma.

2 Ko-Kɔrɔta-Karan 20:17

Wole ti anu kɛlɛ. Wo ta wo sɔ-bole rabɛn ka anu makɔni. Wo si a yen, Mari ye nɔlɛ dila wo ma nya min. Wole Yuda nyamanita-mɔgɛnu anubɛ Yerusalɛm so-burɔ-mɔgɛnu, wo kana kilan ka sika. Wo ta kɛlɛ-kɛ-tinɛ. Mari si taran wo fɛ!”

2 Ko-Kɔrɔta-Karan 20:29

Mari ara Isirɛla yogenu nɔ nya min, sibolo-gbɛrɛnu ya wo lamɔɛn min kɛ, anu kilanta.

Nihɛmaya 4:14

N ya a yen min kɛ ko kilan ye anu tɔ, n ya a fɔ kun-tiginu anubɛ a mɔgɔ-ba-toenu ye ko, “Ma kana kilan ma yogenu na wona. Wo ni wo miri Mari makawa-nya ma. Ma sibolenu wo, mala dannu wo, mala musinu wo, mala bɔnnu wo, wo ni kɛlɛ kɛ wonuna ko la.”

Nihɛmaya 4:20

ni wo ya buru-kan lamɔɛn tumɛ min, wo damasi si na ka kofu n ma. Mata Alla si kɛlɛ kɛ ma ye.”

Nihɛmaya 9:11

I ya Kɔgɔ-Yi-Wulan fara fila la ila mɔgɛnu ye alako anu ni tenbi dugu-gbalanɛ kuma ka anu yogenu nabui yi rɔ iko kuri. I ya yi keri anu kun na.

Yaburi 35:1

Mari, minnu sɔnɛ n na, i ni wuli wonu kan ma. Minnu bi n kɛlɛla, wonu kɛlɛ.

Yaburi 50:3

Mata Alla ye nala. A madeni sa nala de! Ta-belebele le ye a yarɔ. A ye banda-fin-fɔn-belebele tɛma.

Yaburi 83:1

E, Alla, i radenɛ kana to. I mayiginɛ kana to dɔi! I sɛbɛ don.

Bɔ-Koe-Iyipiti 14:15

Mari ya a fɔ Musa ye ko, “Anu bi dila nfen na? A fɔ Isirɛla mɔgɛnu ye ko anu ni ta.

Bɔ-Koe-Iyipiti 14:25

Mari le ya a ma, anuna kirindinu kian gbaranta nyɔ gbaku! Anu ta-koe mara kɔndɔfili la anu bolo. Woletɔ Iyipiti kɛnu ya a fɔ ko, “Ma ni ma bɔ yan kamasɔrɔn anuta Mari ye kɛlɛ kɛla anu ye.”

Bɔ-Koe-Iyipiti 15:3

Mata kɛlɛ-kurugbɛ le ale la. A tɔgɛ le Mari.

Aiseya 30:15

Ma Tigi Mari, Isirɛlata Alla-sɛnimɛ, kɔni, wo ye a fɔla mɔgɛnu ye ko wo ni wo gbɛrɛn ale ma ka la a la. A ko wo kɔma, wo si sɛnbɛ sɔrɔn ka sigi lafɛrɛ rɔ. Kɔnɔ wo ma sɔn lala a la.

Nimisa Koe 3:26

Min fisa, fɔ ka i munyu alako Mari si na ma lakisi nya min.

Tɔn-Fɔɛ-Fila-Nyɔgɛ 1:30

N ko mata Mari Alla si sɔ ma yarɔ. A si kɛlɛ kɛ ma ye iko a ya a ma ma yala nya min Iyipiti nyamanɛ rɔ.

Tɔn-Fɔɛ-Fila-Nyɔgɛ 20:4

Wota Mari ye wo fɛ. A si wo sɛnbɛ don, wo ni anu nɔ feu!’

Tɔn-Fɔɛ-Fila-Nyɔgɛ 3:22

Wo kana kilan anu na. Wota Mari Alla nyɛrɛ si kɛlɛ kɛ wo ye.’

Yasowa 10:10

Mari ya a ma, Amora mɔgɛnu kilanta bɛrɛkɛ ha anu kumakɔra. Woletɔ Isirɛla mɔgɛnu ya Amora mɔgɛ wonu siyaman faga Kibiyon soe rɔ. Isirɛla mɔgɛnu ya anu gben kilɛ la kɔnkɛnu tɔ Bɛti-Hɔrɔn soe dafɛ ha ka ke Asika soe ha Makida soe ma.

Yasowa 10:14

Ka a bi duninya-dan-wati ma, ha kaka, tele ma wo nyɔgɔn wati bɔ wɛ san ma ka a tɛgɛ mɔgɔ kelen wota madiyalɛ ma. Kɛ wati rɔ, Mari ya Isirɛla mɔgɛnu dɛnbɛ bɛrɛkɛ!”

Yasowa 10:42

Yasowa anubɛ ala kɛlɛ-dannu ya sɛnbɛ sɔrɔn kɛlɛ-wa-kelan wo rɔ bawo Isirɛlata Mari Alla ya kɛlɛ wo kɛ anu ye.

Yasowa 23:10

Hali wole mɔgɔ kelen si ke ka mɔgɔ waga kelen gben bawo wota Mari Alla ye kɛlɛ kɛla wo ye iko a ya lanyiri kiri nya min.

Yasowa 23:3

“Kaka, n bara kɔrɔya. Wo ara koe bɛɛ yen Mari ya min ma sibolo-gbɛrɛ kɛ bɛɛsi la wolela ko la. Wota Mari le ya anu kɛlɛ wo ye.

Kɛlɛ-Kurugbɛnu 5:20

Hali san-kole ya ma dɛnbɛ Sisara kɛlɛla bawo wan-takɛ ya ma dɛnbɛ.

1 Samuwɛli 4:7

anu kilanta dɔgɔma-ma-de! Anu ko, “Alla do ara na anuna dagɛ rɔ serr! Ma kunyɛ ara to-a-rɔ. Ko sufa kɛ ma ma wɛ ma warɛ mumɛ!