Bɔ-Koe-Iyipiti 14:13 - ALLALA KUMƐ

¹³ Musa ya a fɔ mɔgɛnu ye ko, “Wo kana kilan. Mari si na wo tanka nya min bi, wo ni wo sɔ ka wo ragbɛ. Wo si ma sereyɛ la wo ye. Wo ara Iyipiti kɛ minnu yen kɛ la, wo ti wonu yen kɛ kɔma tun.

Bɔ-Koe-Iyipiti 14:13 ပူးပေါင်းရင်းမြစ်များ

Ko-Dabirɛnu 15:1

Kɛlɛ kɛnu kanɛ a la, Mari ya a yiraka Burama la. A ya Mari kuman-kan lamɔɛn ko, “Burama, i kana kilan. Nde si i latanka ka i barayi boi!”

Ko-Dabirɛnu 26:24

A ke nyɔ wo suyi rɔ, Mari bɔra a ye gbɛ rɔ. A ko, “I fa Iburayimata Alla le nde la. I kana kilan kamasɔrɔn n bi i fɛ. N si nta duwɛ layigi i kuma ka i bɔnsɔn lasiyaya nta wɔli-kɛlɛ Iburayimala ko la.”

Ko-Dabirɛnu 46:3

Alla ko, “Alla le nde la, i fata Alla, kɔni. I kana kilan ka ta Iyipiti nyamanɛ rɔ kamasɔrɔn n si i bɔnsɔn lasiyaya nyɔ.

Ko-Dabirɛnu 49:18

Yakoba ya madiyali kɛ ko, “E, n Mari, mabɛ nna dannu bi ila kisi-koe makɔnɔna.” Wo kɔma, a ya wɔlɔyiya-kumɛ dabira tun.

2 Mansɛnu 6:16

Nɛbi Ilaisa ya a fɔ a ye ko, “I kana kilan. Mata kɛlɛ-dannu siya anuta kɛlɛ-dannu ko.”

1 Ko-Kɔrɔta-Karan 11:14

Anubɛ Dawuda sɔni tora sɛnɛ wo tɛma ka Filisitinu kɛlɛ. Mari ya a ma, anu ya nɔ-ko sɔrɔn.

2 Ko-Kɔrɔta-Karan 20:15

Yahasayɛli wo ya a fɔ ko, “N tigi Mansa Yɛhosafati, wobɛ ila mɔgɛnu, wo ni wo tole masɔ. Yerusalɛm so-burɔ-mɔgɛnu wo, Yuda nyamanita-mɔgɛnu wo, Mari ko wo yisi ma kana gboya, ado wo kana kilan kɛlɛ-den-siyamɛ kɛnu na. Alla letan kɛlɛ kɛ la, woleta ma.

2 Ko-Kɔrɔta-Karan 20:17

Wole ti anu kɛlɛ. Wo ta wo sɔ-bole rabɛn ka anu makɔni. Wo si a yen, Mari ye nɔlɛ dila wo ma nya min. Wole Yuda nyamanita-mɔgɛnu anubɛ Yerusalɛm so-burɔ-mɔgɛnu, wo kana kilan ka sika. Wo ta kɛlɛ-kɛ-tinɛ. Mari si taran wo fɛ!”

Nihɛmaya 9:9

“Wo kɔma, ma benbanu tɔrɔta nya min Iyipiti, i ya wo yen de! I ya anu kan-nabɔ-kan lamɔɛn Kɔgɔ-Yi-Wulan dafɛ.

Yaburi 3:8

Ile Mari kelen pe le si ke ila mɔgɛnu kisila gbalo ma. Alamɛ ita mɔgɛnu ya ila duwɛ sɔrɔn.

Yaburi 68:21

Fɔ Alla wa a yogenu kunyɛ ratii minnu bara anu to anuna karagbɛlɛyɛ ma, kɔni.

Yaburi 78:53

A sɔra anu yarɔ a kin na! Anu ma kilan fenfen na. Kɔgɔ-yi tugura anu yogenu kun na.

Yaburi 91:8

I si a rayen i nyɛrɛ yɛ la karagbɛlɛnu bi tɔrɔla nya min.

Bɔ-Koe-Iyipiti 14:30

Mari ya Isirɛla mɔgɛnu kisi wo nya na le ka anu bɔ Iyipiti kɛnu bolo. Isirɛla mɔgɛnu ya Iyipiti kɛnu furi yen yi kɔnkɔn la belenna.

Bɔ-Koe-Iyipiti 20:20

Musa ya a fɔ mɔgɛnu ye ko, “Wo kana kilan. Alla ara na ka wola dɛnkɛninyɛ kɔrɔbɔ. Alla ye a fɛ, wo ni a gbiliya alako wo kana kilɛ boloka ka hakɛ kɛ.”

Aiseya 26:3

Mari biranɛ minnu bolo gben, ka a ma anu yigi la, a ye yisi-kima-bɛrɛbɛrɛ dila wonu ma.

Aiseya 30:15

Ma Tigi Mari, Isirɛlata Alla-sɛnimɛ, kɔni, wo ye a fɔla mɔgɛnu ye ko wo ni wo gbɛrɛn ale ma ka la a la. A ko wo kɔma, wo si sɛnbɛ sɔrɔn ka sigi lafɛrɛ rɔ. Kɔnɔ wo ma sɔn lala a la.

Aiseya 35:4

Min bɛɛ yisi tinyanɛ, a fɔ wonu ye ko anu ni anu sɛnbɛ don ka anu kerinteya. Alla ye nala anu nakananna. A ye nala anu yogenu tɔrɔla.

Aiseya 43:11

A ko a kelen pe le nyɔ Mariyɛ la, ado a kelen pe si ke ma lakisila.

Aiseya 7:4

A ko n ni a fɔ mansɛ ye ko a kana kilan. A yisi ni kimɛ poi! A ni a yɛ bɛn Alla ma. Mansa Risen anubɛ ala Siriya kɛlɛ-dannu wo, anubɛ Mansa Peka wo, a ko wonuta yisi-bɔ-masibɛ ma yogo ka ke sɔgɔ-kundu fila sisi rɔ.

Yɛrɛmaya 3:23

“Ma ara kun-takolonya-belebele ma bɛsi-kɔ-tinɛ kɔnkɔ-kolo-wɛnu kuma. Ma ye sɔnkɔ-sɔnkɛ min kun na kɔnkɛnu kuma nun, tonya sa wo do-wo-do rɔ, ado tonyɛ le, kisi-koe ye bɔla ile mata Mari Alla le bolo.

Nimisa Koe 3:26

Min fisa, fɔ ka i munyu alako Mari si na ma lakisi nya min.

Hoseya 1:7

Kɔnɔ n si keninteyɛ yira Yuda mɔgɛnu na. Nde min bi anuta Mari Alla la, n si anu kisi. N ti anu nakisi kɛlɛ-kɛ-fannu ma iko faan wo, kalabɛn wo, anubɛ kɛlɛ-kɛ-soee ani anu naburilɛnu.”

Hoseya 13:4

Mari ya a fɔ Isirɛla mɔgɛnu ye ko, “Wota Mari Alla le nde la min nara wo la ka bɔ Iyipiti nyamanɛ rɔ. Alla-gbɛrɛkɛ fenfen sa wo bolo nde kɔma, ado wola kisilɛ le nde kelan la.

Hoseya 13:9

“N si wole, Isirɛla mɔgɛnu kasara pɔ! Wo wa ma, yon si wo dɛnbɛ gbɛ?

Habakuku 3:13

I tara ila mɔgɛnu nakanan-tinɛ ka ta ila mansa-yabɔnɛ kisi. Mɔgɛ minnu karagbɛlɛ, i wara wonuna kun-tigi kasara ka a gba-fɛ-bilalɛnu halaki pɔ!

Habakuku 3:8

Mari, ila fondo-bɔɛ le ya a ma, i ya yinu gbesi a rɔ ka kɔgɔ-yi fara? I kɔrɔtɔnɛ anu ma, wa? Ade, i nara i mayiginɛ banda-finyɛnu kuma ka nɔlɛ di ila mɔgɛnu ma.

Yilan-Yilan Koe 14:9

Wo kana murutiya Mari ma. Wo kana kilan nyɔ-mɔgɛnu na. Ma si mɔgɛ wonu nɔ le yɛlefɛ! Mari ye ma fɛ. Anu lanɛ anuna bɛsɛ minnu na ko wonu si anu kandan. Fanka ye mata Mari la ka tenbi wonu na. Wo kana kilan hali doni bɛrɛni!”

Matiyu 28:5

Melika wo kumara musi wonu ye. A ko, “Wo kana kilan. N ya a lɔn ko wo ye Yisa le nyinina min gbangbanta kɔlɔma ma nun.

Tɔn-Fɔɛ-Fila-Nyɔgɛ 20:3

‘Wole Isirɛla mɔgɛnu, wo ni wo tole masɔ n kuman-kan la. Wo ni wo yisi gbɛlɛya. Wo kana kilan wo yogenu na ka wo buri anu kɔrɔ.

1 Samuwɛli 11:13

Kɔnɔ Mansa Sɔli ya a fɔ anu ye ko, “Wo kana mɔgɛ faga bi bawo Mari ara Isirɛla mɔgɛnu natanka bi.”

1 Samuwɛli 12:16

“Mari ye kabana-koe min mala wo yala, wo si wo yen wo nyɛrɛ yɛ la kaka.