Bɔ-Koe-Iyipiti 14:12 - ALLALA KUMƐ

¹² Wo tumɛ ma ye Iyipiti nyamanɛ rɔ, ma ma a fɔ i ye nun ko i ni ma to nyɔ ka wɔlɛ kɛ Iyipiti kɛnu ye? Yanni ma ni faga wulɛ kɛ rɔ, a fisa worɔ, ma ni to tɔrɔla Iyipiti kɛnu ye.”

Bɔ-Koe-Iyipiti 14:12 ပူးပေါင်းရင်းမြစ်များ

Yaburi 106:7

Ma benbanu ma Allata kabana-koenu nya-yen Iyipiti nyamanɛ rɔ. Alla ara ala keninteya-su-siyamɛ minnu yira anu na nun, anu nyinara wonu ko. Anu murutiyara Alla Sɛnbɛ-Bɛɛ-Tigi ma Kɔgɔ-Yi-Wulan dafɛ.

Bɔ-Koe-Iyipiti 13:17

Nba, ale mansɛ ya Isirɛla mɔgɛnu boloka tumɛ min, Alla ma sɔn anu ni bɔ Filisitinuna kilɛ fɛ. Hali Filisitinuna kilɛ fɛ-wuru, Alla ma sɔn anu ni bɔ nyɔ kilɛ la alako ni kɛlɛ wulita tumɛ min, anu kana na anu nasɛgi Iyipiti nyamanɛ rɔ.

Bɔ-Koe-Iyipiti 3:9

Isirɛla mɔgɛnu di-kɛ-kan ara ke n ma nkɛkuna, ado Iyipiti kɛnu bi anu tɔrɔla nya min, n bara wo bɛɛsi yen.

Bɔ-Koe-Iyipiti 5:21

Anu ya a fɔ Musa anubɛ Aruna ye ko, “Wo ara min ma, Mari ara wo yen. A si wo tɔrɔ kamasɔrɔn wo ara ma magboya mansɛ anubɛ ala mɔgɔ-banu bara la. Wo ara ma faga-kilɛ yira anu na.”

Bɔ-Koe-Iyipiti 6:9

Musa ya Mari kuman-kan wo latenbi Isirɛla mɔgɛnu ma kɔnɔ mɔgɛ wonu ma anu tole masɔ Marita kumɛ wo la Musa bolo kamasɔrɔn anu niyi ragbɛrɛnnɛ anu ma yɔɔnyɛ bolo.

Hoseya 4:17

Wole Isirɛla mɔgɛnu bara wo nyɛrɛ to bɛsi-kɔ-koe ma. Mɔgɛnu kana bila wo fɛ.

Yona 4:3

Nba Mari, a ma, n ni faga kaka. N furi fisa n kɛndɛ ko.”

Yona 4:8

Sun-tele-kɔgɛ, Alla ya fɔn-kalamɛ lana ka bɔ tele-bɔɛ. A tora doni, Yona ni kirɔn-a-la tele-wuyan bolo. A duwara le gbɛ ni a si faga. A ko, “N furi fisa n kɛndɛ ko.”

Maraka 1:24

A ko, “Yisa, Nasarɛti kɛ, i ye nyinina nfen ma ma bolo? I wara na ma halaki-koe la, wa? Ma ya ile lɔn. Allata mɔgɔ-sɛnimɛ le ile la!”

Maraka 5:7

Yisa ya a fɔ nyinɛ wo ye ko, “Nyina-yogomɛ, bɔ kei kɛ fɛ!” A gbele-gbelenta a kulu-mayɛlɛnɛ la ko, “Alla min bi Fan Bɛɛ Kun Na, wola dan Yisa, i ye nyinina nfen ma n bolo? I keli ko i ti n tɔrɔ!”