Bɔ-Koe-Iyipiti 13:2 - ALLALA KUMƐ

² “A fɔ Isirɛla mɔgɛnu ye ko anu ni anuna den-kei-sarɛ bɛɛ dantɛgɛ nde, Mari ma. Ni musu-wo-musu ya den-kei-sarɛ sɔrɔn, ntɛ le dan wo la, hali a mara anuna kolo-fannuta den fɔlɔtɛ la, a keimɛ, kɔni.”

Bɔ-Koe-Iyipiti 13:2 ပူးပေါင်းရင်းမြစ်များ

Nihɛmaya 10:36

Min ba den-kei fɔlɛ sɔrɔn, wo si ta a la saraka-masɔlɛ wara Bato-Bɔn la min si a dantɛgɛ Alla ma iko a sɛbɛnɛ tɔn-buku rɔ nya min. Hali mala ninkinu anubɛ baanu anubɛ sagɛnu, ma si na wonu den-fɔlɔta-keimɛnu na Bato-Bɔn la ka wonu dantɛgɛ mata Alla ma.

Nihɛmaya 10:37

Ma si na mala dɔn-fen kun-fɔlɛ dɛgɛ-munkenu na saraka-masɔlɛnu bara. Wo kɔma, ma si ta minni-fen-sarakɛnu anubɛ tuli anubɛ kɔn-gbɔ-su bɛɛ la saraka-masɔlɛnu bara. Ma si mala yakanu bi mala togodɛnu na ka ta anu to Lifayinu ma minnu si yaka makele mala sɛnɛnu tɔ.

Bɔ-Koe-Iyipiti 13:1

Mari ya a fɔ Musa ye ko,

Bɔ-Koe-Iyipiti 22:28

“Wo kana nde, Alla rasɛ anubɛ ka wola kun-tiginu danka.

Bɔ-Koe-Iyipiti 23:19

“San-bo-san, wo ni ta wola dɔn-fen-kun-fɔlɔ-hakikɛnu na nde, Mari Alla bato tinɛ. “Saga-den wo, baa-den wo, wo kana wonu do-wo-do te anu na kin-yi la.

Bɔ-Koe-Iyipiti 4:22

I ni a fɔ mansɛ ye ko ale Mari ko, ‘Ata den-kei fɔlɔtɛ le Isirɛla mɔgɛnu na.’

Isikiyɛli 16:20

Min sanɛ wo kuma, i ya dunmusi anubɛ den-kei minnu sɔrɔn n ye, i ya wonu ma kɔ-fan la ila bɛsɛ wonu ye. Ha bi, ile yisi ma sa yɛlɛnya-koe rɔ, wa?

Isikiyɛli 16:21

I ya dan wonu faga ka anu ma sarakɛ la ila bɛsɛ wonu ye.

Saraka-Masɔlɛnuta Tɔnnu 27:26

“Mari ko mala kolo-fannu bi den fɔlɔtɛ minnu sɔrɔnna, a mara ninki-dan la wo, a mara saga-dan la wo, hali a mara baa-dan le la, mɔgɔ kana a yɛ sɔ wonu na. Maritɛ le wonu na. Woletɔ mɔgɔ-wo-mɔgɔ kana lanyiri kiri kɛnu di-koe la Mari ma.

Yilan-Yilan Koe 18:15

“Wo si den-kei fɔlɔtɛ minnu di nde, Mari ma, a mara mɔgɔ la wo, a mara kolo-fen dan keima la wo, anu bi min dila nde, Mari ma, wo bɛɛ si to wole ye. Kɔnɔ fɔ wole fanan ni sɔn ko den-sɔrɔnnɛ wonu ni anuna dannu kunka wodi la. A mara kolo-fen wo kolo-fen na min ma bɛn ka ma sarakɛ la, wo ni sɔn wonu tiginu ni wonu fanan kunka wodi la.

Yilan-Yilan Koe 3:12

“N bara Lifayi bɔnsɔn ma ntɛ la. N ya Iyipiti den-kei fɔlɔtɛ bɛɛ faga tumɛ min, n ya Isirɛla den-kei fɔlɔtɛ bɛɛ bi ka wonu ma ntɛ la anubɛ kolo-fen den fɔlɔtɛnu. Kɔnɔ kaka, n bara Lifayi bɔnsɔn sigi Isirɛla den fɔlɔtɛ wonu gbɛ rɔ ka anu ma ntɛ la. Nde le Mari la. Sɛnbɛ ye nde bolo ka wo bɛɛ kɛ.”

Luka 2:23

Kɛ le sɛbɛnɛ Mari Allala tɔn rɔ ko, “Den-kei-sarɛ bɛɛ ni dantɛgɛ Mari Alla ma alako anu ni ma Allatɛ la.”

Tɔn-Fɔɛ-Fila-Nyɔgɛ 15:19

“Wo ni wola kolo-fannuna den-fɔlɔta-keimɛnu namara anu dan na Mari Alla ye. Wo kana ninki wonu ma sara-ninkinu na. Wo kana sagɛ wonu fɛrɛma-siyi tɛgɛ anubɛ ka tɔnɛ nyini a siyi wo rɔ.

Hiburunu 12:23

Wo ara na bɛn Allata den-fɔlɔtɛnuna ladiyɛ ma. Wonu damasi tɔgɛ sɛbɛnɛ Arinyɛni tɔ. Alla siginɛ soe wo le burɔ, mɔgɛ bɛɛ Kitilɛ, kɔni. Mɔgɔ-nyimɛ minnu kanbalinɛ Alla yala, wonu bi a fɛ nyɔ.