Bɔ-Koe-Iyipiti 13:19 - ALLALA KUMƐ

¹⁹ Musa tara Yusufu kolenu na a bolo bawo yanni Yusufu ni faga tumɛ min, a ya a na-kelen-nyɔgɛnu nasɛ nun ko anuta Alla wa na anu kisi tinɛ tumɛ min, anu ni ta a kolenu na anu bolo.

Bɔ-Koe-Iyipiti 13:19 ပူးပေါင်းရင်းမြစ်များ

Ko-Dabirɛnu 48:21

Yakoba ya a fɔ a ye ko, “Yusufu, n fagamatoe le kɛ la kɔnɔ Alla si to i fɛ ka wo lasɛgi tun fɔ wo benba anubɛ wo fata nyamanɛ rɔ.

Bɔ-Koe-Iyipiti 4:31

Wonu fanan lara a la. Anu ya a lɔn min kɛ ko Mari ara a kolan lamunun anu na ka a lɔn anu bi tɔrɔyɛ min tɔ, anu ya anu madu dugi ma ka madiyali kɛ.

Luka 1:58

Mari ara ko-nyima-ba min kɛ a ye, a sigi-nyɔgɛnu anubɛ a na-kelen-nyɔgɛnu ya wo lamɔɛn ka sewa a fɛ.

Luka 7:16

Mɔgɛ bɛɛ kilanta bɛrɛkɛ! Anu ya Alla tanto ko, “Nɛbi-ba ara bɔ gbɛ rɔ ma tɛma! Alla ara na ala mɔgɛnu kisi tinɛ!”

Kɛwɔlɛnu 7:15

Woletɔ Yakoba tara anu sigi Iyipiti nyamanɛ rɔ. Ale anubɛ ma benbanu siyi banta nyɔ le.

Kɛwɔlɛnu 7:16

Mɔgɛ wonu tara anu furinu na ha Sɛkɛm soe burɔ. Anu ya anu togon kanbɛ wo rɔ Iburayima ya min san Hemorila dannu ma.

Hiburunu 11:22

Yusufu fanan fagamatoe, a ya Isirɛla mɔgɛnu bɔ-koe fɔ Iyipiti nyamanɛ rɔ dɛnkɛninyɛ le fɛ. Anu si min ma a fɛrɛ-bɔnkɛ la, a ya wo rakaran anu ye.

Yasowa 24:32

Isirɛla mɔgɛnu nara Yusufu kolenu na ka bɔ Iyipiti nyamanɛ rɔ. Anu ya a togon dugu-kundunɛ do rɔ Sɛkɛm soe burɔ Yusufu fa Yakoba ya min san wodi-gbɛ kɛmɛ la Hemorila dannu ma. Dugu-kundunɛ kɛ dira Yusufu bɔnsɔn-mɔgɛnu ma nun fɔlɔ.