Bɔ-Koe-Iyipiti 13:17 - ALLALA KUMƐ

¹⁷ Nba, ale mansɛ ya Isirɛla mɔgɛnu boloka tumɛ min, Alla ma sɔn anu ni bɔ Filisitinuna kilɛ fɛ. Hali Filisitinuna kilɛ fɛ-wuru, Alla ma sɔn anu ni bɔ nyɔ kilɛ la alako ni kɛlɛ wulita tumɛ min, anu kana na anu nasɛgi Iyipiti nyamanɛ rɔ.

Bɔ-Koe-Iyipiti 13:17 ပူးပေါင်းရင်းမြစ်များ

1 Mansɛnu 8:47

Kɔnɔ tɔ-a-la, ni anu ya anu yisi yɛlɛma nyɔ, anu ni tubi worɔ ka a fɔ ko anu bara bila ile Alla la,

Nihɛmaya 9:17

Anu ma sɔn anu tole sigila ita kumɛ kɔrɔ. I wara kabana-koe min bɛɛ ma anu ye nun kɔrɔma la, anu nyinara wonu ko salon! Anu bilara anu kun-telenmɛ fɛ ka anuna kun-tigi yabɔ min si anu kunyɛ don yɔɔnyɛ rɔ tun iko anu taranta nya min Iyipiti. Kɔnɔ kinikini-mansɛ le ile la. Anu di i ye, ado i si ko-nyimɛ kɛ anu ye. I fonde ti bɔ anu kuma yona. Ila kinikinɛ kolo anu bara la, ado i ma anu boloka mumɛ!

Bɔ-Koe-Iyipiti 14:10

Mansɛ anubɛ ala kɛlɛ-dannu gbɛrɛnta anu ma tumɛ min, Isirɛla mɔgɛnu ya anu yɛ lata ka anu yen nala wula-yan la. Anu kumakɔra kilan bolo ha anu ya anu kan nabɔ Mari ma.

Kɛwɔlɛnu 15:38

kɔnɔ Pɔli yala, a ma bɛn wo ni ta anu fɛ bawo a ma ke ala wɔli labanna nun. A sɛgira nun ka anu boloka Pamfiliya nyamanɛ rɔ.

Kɛwɔlɛnu 7:39

“Kɔnɔ ma benbanu ma sɔn ala kumɛ birala. Anu ya anu ban a la. Iyipiti sɛgi-sɔgɛ ya anu bira.

Tɔn-Fɔɛ-Fila-Nyɔgɛ 17:16

Wo ye mansɛ min yabɔla ka a sigi wo kuma, a fɔlɔtɛ, a kana a raya ka soeenu nadɛn siyaman ata kɛlɛ-dannu ye. A kana mɔgɛnu nata so san tinɛ Iyipiti bawo Mari ya a fɔ ko Isirɛla mɔgɛnu kana sɛgi nyɔ tun mumɛ!

Tɔn-Fɔɛ-Fila-Nyɔgɛ 20:8

“Kɛlɛ-kurugbɛ si nyinikalɛ sa tun ko, ‘Mɔgɛ do ye wo tɛma yan tɔ, kilandɔgɔtore min na? Ni wo tigi ye wo tɛma, a ni ta a warɛ. Ni wo tigi tara wo fɛ kɛlɛ rɔ, a si a ma, a ta-nyɔgɛnu ni kilan.’

Tɔn-Fɔɛ-Fila-Nyɔgɛ 28:68

Hali wota Mari ya a fɔ ko wo ti sɛgi Iyipiti tun kɔnɔ wola ko-yogomɛ si a ma, Mari ni wo lasɛgi Iyipiti tun yi-kuma-kulɔn rɔ. Wo wa ke nyɔ tumɛ min, wo si wo nyɛrɛ mayira wo yogenu ma alako wo ni ma yɔɔnnu na anu kɔrɔ kɔnɔ anu ti sɔn wo la.”

Hiburunu 11:27

Dɛnkɛninyɛ le fɛ, Musa bɔɛ Iyipiti, a ma kilan mansɛla diminyɛla ko la. A tora tala yarɔ bawo Alla min ti yen, a ya a yɛ sɔ wo le la.

Kɛlɛ-Kurugbɛnu 7:3

A fɔ ila kɛlɛ-dannu ye ko ni minnu kilandɔgɔ anu tɛma, wonu ni sɛgi anu kɔma. Kɔnɔ minnu ti kilan, wonu ni to sigini Kaliyadi kɔnkɛ dafɛ yan.” Mɔgɔ waga mogan-ni-fila (22,000) tɛgɛra anu na purunsan! Wonu sɛgira anu kɔma. Fɔ mɔgɔ waga tan (10,000) pe, wo le tora nyɔ.