Bɔ-Koe-Iyipiti 12:48 - ALLALA KUMƐ

⁴⁸ “Sundan min siginɛ wo tɛma, ni a sɔgɛ ye a la ka kofu wo ma Kanan-Ko-Ladiyɛ kɛ tinɛ, fɔ wo tigi ni keinu nakemininya minnu bi ala bɔn la. Wo kɔma, wo si sundan wo bira iko wo na-kelen-nyɔgɛ. Kei min ma kemininya, wo kana a dɔn.

Bɔ-Koe-Iyipiti 12:48 ပူးပေါင်းရင်းမြစ်များ

Ko-Dabirɛnu 17:11

Wo bɔnsɔnnu bi dan minnu sɔrɔnna wo tɛma, min sɔrɔn wa tele segin bɔ, wo ni wonu nakemininya. Hali yɔɔn minnu sɔrɔnta ila bɔn la anubɛ i ya minnu san sibolo-gbɛrɛnu ma, wonu fanan ni yigi. Anu ni kemininya ka ma lanyiri wo tamasere la min bi mabɛ ile tɛma.

Bɔ-Koe-Iyipiti 12:19

Wo kana isiti-wo-isiti lamara wola bɔnnu na tele wɔrɔnfilɛ wo kɔrɔ. Ni min ya wo dɔn, wo ni wo tigi bɔ wo kurun tɔ, a mara sundan na wo, a mara duguran na wo.

Bɔ-Koe-Iyipiti 12:43

Mari ya a fɔ Musa anubɛ Aruna ye ko Kanan-Ko-Ladiyɛ tɔn le kɛnu na. “Sibolo-gbɛrɛkɛ-mɔgɛ minnu basannɛ wo la, wonu do-wo-do kana Kanan-Ko-Ladiyɛ dɔn-fan wonu dɔn.

Isikiyɛli 14:7

“Isirɛla mɔgɛ fenfen, ni wo ma, sibolo-gbɛrɛ minnu bi anu tɛma, ni anu ya anu kan-kɔ sɔ nde la ka bɛsɛnu kɔ, wo kɔma, a ni sɛgi nta nɛbi do manyinikala n sako-lɔn-koe rɔ, nde, Mari si wo tigi yabi boloko-yogomɛ-kɛ!

Isikiyɛli 44:9

“Nde, Isirɛla Tigi Mari ara a gbɛ ko sibolo-gbɛrɛ wo sibolo-gbɛrɛ ti a kunyɛ ladon nna Bato-Bɔn la tun, katarala kemininyabɛlɛ-tolo-gbere kɛnu ma. Hali minnu siginɛ wole Isirɛla mɔgɛnu tɛma, wonu ti don.”

Isikiyɛli 47:22

A ni ma wo halala-nyamanɛnu na tolon! Sibolo-gbɛrɛ minnu siginɛ wo tɛma, ado min bara dannu sɔrɔn wo tɛma nyɔ, wonu fanan ni anuta nyamanɛ sɔrɔn. Wo ni anu bira iko wo ye Isirɛla mɔgɛnu birala nya min. Wonubɛ Isirɛla mɔgɛnu ni korɔn lakɛ wo nyɔgɔn tɛma ka dugi ratala.

Saraka-Masɔlɛnuta Tɔnnu 19:34

Wo ni anu bira iko wo ye wo nyɔgɔn birala nya min. Wo ni anu keni iko wo nyɛrɛ. Wo ni a lɔn yati, ko wole fanan bi sundanyɛ la Iyipiti nyamanɛ rɔ nun. Nde, wota Mari Alla ya kɛ le fɔ wo ye.

Yilan-Yilan Koe 9:14

“Ni sundan ye wo tɛma Isirɛla mɔgɔ ma min na, a sɔgɛ ye wo tigi la ka kofu wo ma wola ladɛn rɔ, sundan wo fanan si tɔn wo bira iko wole fanan. Dan-nafarɛ mumɛ sa dugurannu anubɛ sundannu tɛma Kanan-Ko-Ladiyɛ tɔn kɛla ko la.”

Kalesiya 3:28

Woletɔ dan-nafara mumɛ sa Yahudiyanu anubɛ sibolo-gbɛrɛnu tɛma worɔ. Hɔrɛ anubɛ yɔɔn wo, keinubɛ musinu wo, wo dama ara ma fen kelen na Yisa Kirasiti rɔ.

Kɔlɔsi 3:11

Yahudiya wo, Yahudiya ma minnu na wo, kemininya wo, kemininyabɛli wo, mɔgɔ-gbɛrɛkɛ wo, ko-lɔnbɛli wo, hɔrɔ wo, yɔɔn wo, dan-nafarɛ sa wo fenfen tɔ ni-kurɛ kɛ rɔ. Kirasiti tenbira koe kɛ bɛɛsi la, ado ale siginɛ wo bɛɛ yisi rɔ!