Bɔ-Koe-Iyipiti 12:37 - ALLALA KUMƐ

³⁷ Isirɛla mɔgɛ minnu bɔra tagamana Ramɛsisi soe burɔ ka ta ke Sukɔti soe ma, wonu yatɛ bɛnta mɔgɔ waga kɛmɛ wɔrɔ (600,000) ma kɔnɔ anu ma musinu anubɛ dennɛnu dan.

Bɔ-Koe-Iyipiti 12:37 ပူးပေါင်းရင်းမြစ်များ

Ko-Dabirɛnu 12:2

N si i sibole lasiyaya ka wonu bɔnsɔn fanan nasiyaya. N si nta duwɛ layigi i kuma ka i ma tɔgɔ-tigi-wɛ anubɛ duwa-tigi la.

Ko-Dabirɛnu 15:5

Mari ya a fɔ Burama ye tun ko, “Bɔ luyi ma. I ni lolenu mafɛlɛn san-kole ma. Anu siya nya min, i bɔnsɔn ye siyayala wo nya na le.”

Ko-Dabirɛnu 46:3

Alla ko, “Alla le nde la, i fata Alla, kɔni. I kana kilan ka ta Iyipiti nyamanɛ rɔ kamasɔrɔn n si i bɔnsɔn lasiyaya nyɔ.

Ko-Dabirɛnu 47:11

Yusufu ya sigi-tina-hakikɛ di a fa anubɛ ala denbayɛnu ma Kosɛn sigisɔn rɔ, Ramɛsisi soe dafɛ Iyipiti nyamanɛ rɔ iko mansɛ ya a fɔ nya min.

Bɔ-Koe-Iyipiti 1:11

Woletɔ Iyipiti kɛnu ya wɔli-kunyɛnu sigi anu kuma. Wonu ya wɔlɛ lagbɛlɛya anu kuma ka anu tɔrɔ. Isirɛla mɔgɛnu ya so-kura fila sɔ Iyipiti mansɛ wo ye, Pitɔm soe anubɛ Ramɛsisi soe ka wonu ma ata fen-namara-soenu na.

Bɔ-Koe-Iyipiti 10:9

Musa ya a fɔ ko, “Isirɛla mɔgɛ bɛɛsi le tala, kina wo, denni wo, anubɛ mala kolo-fannu, ma damasi le tala mata Mari Alla bato tinɛ ka ladiyɛ kɛ ale ye.”

Bɔ-Koe-Iyipiti 13:20

Anu bɔra kan tinɛ do rɔ min tɔgɛ Sukɔti ka ta anu daga makɛ wulɛ da kɔrɔ.

Bɔ-Koe-Iyipiti 38:26

Kei minnu siyi ara tenbi san tan-ni-kɔnɔntɔ la, wo kelen-kelennamɛ-bɛɛsi nara wodi-gbɛ minnu na, wo kelen-kelen gbiliyɛ manɛ iko wodi-mɛlɛn kelanna gbiliyɛ ye nya min. Anu ya wo mɔlɔn tɛgɛ a kilɛ fɛ iko a di Mari ye nya min. Kei min bɛɛsi nara wodi-gbɛ kɛnu na, anu ya anu tɔgɛ sɛbɛ. Kei wonu bɛɛsi lakofunɛ yatɛ bɛnta mɔgɔ waga kɛmɛ wɔrɔ, mɔgɔ waga sawa, mɔgɔ kɛmɛ loli ani bi-loli (603,550) ma.

Yilan-Yilan Koe 1:2

Mari ya a fɔ Musa ye ko, “Wobɛ Aruna ni keinu dan ka a dabira anuna bɔnsɔnnu ma ha ka ke anuna kebilɛnu ma. Kei minnu si ke kɛlɛ kɛla ka a dabira anu san mogan ma ha ka tenbi wo la, wo ni wo bɛɛ tɔgɛ sɛbɛ.

Yilan-Yilan Koe 11:21

Musa ya a fɔ Mari ye ko, “E, Mari, ile le ko i si mɔgɔ waga kɛmɛ wɔrɛ kɛnu de-nyini ha karɛ kelen kɔrɔ, wa?

Yilan-Yilan Koe 2:32

Isirɛla bɔnsɔn anubɛ anuna kebilɛ bɛɛ lakofunɛ bɛnta mɔgɔ waga kɛmɛ wɔrɔ, mɔgɔ waga sawa, mɔgɔ kɛmɛ loli ani mɔgɔ bi-loli (603,550) ma.

Yilan-Yilan Koe 26:51

Mɔgɛ wo mumɛ bɛɛsi lakofunɛ bɛnta mɔgɔ waga kɛmɛ wɔrɔ mɔgɔ waga kelen, mɔgɔ kɛmɛ wɔrɔnfila anubɛ mɔgɔ bi-sawa (601,730) ma.

Yilan-Yilan Koe 33:3

Isirɛla mɔgɛnu bi Iyipiti tumɛ min, Mari ya Iyipiti den-kei fɔlɔtɛ mumɛ bɛɛsi faga ka a yira Iyipiti mɔgɛnu na ko fanka ye Isirɛla mɔgɛnuta Alla bolo ka tenbi Iyipiti kɛnuta bɛsɛnu na. Saya-melika tenbira Iyipiti nyamanɛ rɔ lunyɛ min, wo wulun sɔgɔma, Kanan-Koe kanɛ a la, Isirɛla mɔgɛnu bɔra Ramɛsisi soe burɔ. Iyipiti mɔgɛnu bi anuna dannu togonna tumɛ min, Isirɛla mɔgɛnu bɔra nyɔ-mɔgɛ bɛɛ yala, anuna san, karɛ fɔlɛ tele tan-ni-loli ma.

Yilan-Yilan Koe 33:5

Isirɛla mɔgɛnu ya Ramɛsisi boloka ka ta anu daga makɛ Sukɔti soe burɔ.