Bɔ-Koe-Iyipiti 12:33 - ALLALA KUMƐ

³³ Iyipiti keinu gbaranta Isirɛla mɔgɛnu na alako anu ni bɔ Iyipiti nyamanɛ rɔ tiriya bawo anu ko, “Ni kɛnu ma bɔ yan, ma bɛɛ si faga.”

Bɔ-Koe-Iyipiti 12:33 ပူးပေါင်းရင်းမြစ်များ

Ko-Dabirɛnu 20:3

Kɔnɔ suyi do rɔ, Alla ya a fɔ ale mansɛ ye kiyo rɔ ko, “Ile si na faga. I wara mɔgɔna-musi bi.”

Yaburi 105:38

Iyipiti kɛnu kilannɛ anu na nun, ado anuna tɛ wo diyara anu ye.

Bɔ-Koe-Iyipiti 10:7

Mansɛla mɔgɔ-banu ya a fɔ ale mansɛ ye ko, “Kei kɛ si a fara gbɛrɛ lasigila ma ye tumɛ mintan? A fisa, i ni mɔgɛ kɛnu boloka alako anu ni ta anuta Mari Alla bato tinɛ. Ile ma a lɔn fɔlɔn ko Iyipiti nyamanɛ ara ban tinyana?”

Bɔ-Koe-Iyipiti 11:1

Wo ya a taran, Mari ara a fɔ Musa ye ko, “A ara to kasara kelen n bi min sigila ale mansɛ anubɛ ala mɔgɛnu ma tun. Wo kɔma, a si wo boloka. Wo ni wo bɔ yan, ado nfan, a wa wo boloka tumɛ min, a si wo gben feufeu!

Bɔ-Koe-Iyipiti 12:39

Anu tenbi anuna kila-fandɛnu tela kan min, anu si anuna dɛgɛ wonu mintan nyɔ isiti sa min tɔ. Anu burimatoe bɔra Iyipiti nyamanɛ rɔ min kɛ, woletɔ anu ma fɛrɛ sɔrɔn ka isiti kɛ anuna dɛgɛ lamunnɛ wo rɔ hali ka dɔn-fen-gbɛrɛkɛ rabɛn anu nyɛrɛ ye.

Bɔ-Koe-Iyipiti 6:1

Mari ya a fɔ Musa ye ko, “N si na min ma ale mansɛ la, i si wo yen i nyɛrɛ yɛ la kaka. Nta sɛnbɛ si a ma, a ni wo boloka, ado a si wo gben ka wo labɔ ata nyamanɛ rɔ.”

Aiseya 52:12

Wo wa bɔ kɛ rɔ, hali wo ma bɔ tiriya! Hali wo ma buri kɛ rɔ. Wota Mari Alla si sɔ wo yarɔ ka wo kumafunfan kan bɛɛ rɔ.

Daniyɛli 3:22

Bawo mansɛ ara a ma, anu bara tɛ ladɛn belebele kɛ, nba kɛlɛ-dan minnu ya kemini-mɔgɔ sawɛ kɛnu nafili tɛ rɔ, ta-wuyan ya wonu faga.