Bɔ-Koe-Iyipiti 12:32 - ALLALA KUMƐ

³² Wo ni wola kolo-fannu fanan bi iko wo ara a fɔ nya min. Wo kana nyina ka duwa nde ye.”

Bɔ-Koe-Iyipiti 12:32 ပူးပေါင်းရင်းမြစ်များ

Ko-Dabirɛnu 15:14

Kɔnɔ nde si sibolo-gbɛrɛ wonu tɔrɔ minnu bi anu nawɔlila. Wo kɔma, n si a ma, i bɔnsɔn wonu ni bɔ nɔnfulu-siyaman na anu bolo nyamanɛ wo rɔ.

Ko-Dabirɛnu 27:34

Isɔ ya a fa kuman-kan kɛ lamɔɛn tumɛ min, a dira biribiri! A ya a fɔ a fa ye ko, “E, n fa, i yandi, duwa nde fanan ye.”

Ko-Dabirɛnu 27:38

Isɔ tora a fa madiyala ko, “N fa, i yandi, ni duwa kelen bi i bolo, wo di n ma. E, n fa, duwa nde fanan ye.” Isɔ dira.

Ɛsira 6:10

Wo ni anu madɛnbɛ alako anu ni ke sarakɛnu bɔla San-Kole-Alla ye minnu si a hɛnɛ. Wo kɔma, anu si Alla matara alako mabɛ nna den-keinu ni simayɛ sɔrɔn.

Bɔ-Koe-Iyipiti 10:26

Kɔnɔ a gbuyɛ, fɔ malela kolo-fannu ba ta ma fɛ. Hali maleta kolo-fen kelan, ma ti wo to ma kɔma kilɛ la kamasɔrɔn ma si donu bi wonu tɔ ka anu ma sarakɛnu na mata Mari Alla ye. Ma ma a lɔn ni ma si minnu ma sarakɛ la kɛnu tɔ ma Mari ye ha ma ni ke nyɔ tumɛ min.”

Bɔ-Koe-Iyipiti 10:9

Musa ya a fɔ ko, “Isirɛla mɔgɛ bɛɛsi le tala, kina wo, denni wo, anubɛ mala kolo-fannu, ma damasi le tala mata Mari Alla bato tinɛ ka ladiyɛ kɛ ale ye.”

Bɔ-Koe-Iyipiti 8:28

Mansɛ ko, “N si wo boloka alako wo ni sarakɛ bɔ wota Mari Alla ye wulɛ rɔ kɔnɔ wo kana ta wula-yan la. Nba, wo ni madiyali kɛ n ye.”

Bɔ-Koe-Iyipiti 9:28

Wo ni Mari madiya kamasɔrɔn san-sɛran anubɛ banda-kole kɛ ara a lamoya ma kuma. N si wo boloka. Wo ti to yan tɔ tun.”