Bɔ-Koe-Iyipiti 12:31 - ALLALA KUMƐ

³¹ Mansɛ ya kilayɛnu nata Musa anubɛ Aruna ma suyi wo nyɛrɛ rɔ. Ale mansɛ ko, “Wo wuli ka bɔ nna mɔgɛnu tɛma, wobɛ wola mɔgɛnu, ka ta Mari bato iko wo ara a fɔ nya min.

Bɔ-Koe-Iyipiti 12:31 ပူးပေါင်းရင်းမြစ်များ

Yaburi 105:38

Iyipiti kɛnu kilannɛ anu na nun, ado anuna tɛ wo diyara anu ye.

Bɔ-Koe-Iyipiti 10:29

Musa ya a yabi ko, “Ale le wo la. Male mɔgɔ filɛ ya-den filɛ la ti bɛn tun.”

Bɔ-Koe-Iyipiti 10:9

Musa ya a fɔ ko, “Isirɛla mɔgɛ bɛɛsi le tala, kina wo, denni wo, anubɛ mala kolo-fannu, ma damasi le tala mata Mari Alla bato tinɛ ka ladiyɛ kɛ ale ye.”

Bɔ-Koe-Iyipiti 11:1

Wo ya a taran, Mari ara a fɔ Musa ye ko, “A ara to kasara kelen n bi min sigila ale mansɛ anubɛ ala mɔgɛnu ma tun. Wo kɔma, a si wo boloka. Wo ni wo bɔ yan, ado nfan, a wa wo boloka tumɛ min, a si wo gben feufeu!

Bɔ-Koe-Iyipiti 11:8

Ila mɔgɔ-banu si na n bara. Anu si anu sa n kɔrɔ n madiya tinɛ alako mabɛ nna mɔgɛnu ni ta. Wo kɔma, ma si ta.” Musa kɔrɔtɔnɛ bɔra mansɛ yakɔrɔ.

Bɔ-Koe-Iyipiti 12:39

Anu tenbi anuna kila-fandɛnu tela kan min, anu si anuna dɛgɛ wonu mintan nyɔ isiti sa min tɔ. Anu burimatoe bɔra Iyipiti nyamanɛ rɔ min kɛ, woletɔ anu ma fɛrɛ sɔrɔn ka isiti kɛ anuna dɛgɛ lamunnɛ wo rɔ hali ka dɔn-fen-gbɛrɛkɛ rabɛn anu nyɛrɛ ye.

Bɔ-Koe-Iyipiti 6:1

Mari ya a fɔ Musa ye ko, “N si na min ma ale mansɛ la, i si wo yen i nyɛrɛ yɛ la kaka. Nta sɛnbɛ si a ma, a ni wo boloka, ado a si wo gben ka wo labɔ ata nyamanɛ rɔ.”

Bɔ-Koe-Iyipiti 8:25

Mansɛ ya Musa anubɛ Aruna kele, a ko, “Wo ni sarakɛ bɔ wola Alla ye yan nyamanɛ kɛ rɔ.”

Bɔ-Koe-Iyipiti 8:8

Mansɛ ya Musa anubɛ Aruna kele. A ko, “Wo ni wota Mari madiya ko a ni turukɔɔkɔ kɛnu bɔ ma tɛma. N si ata mɔgɛnu boloka worɔ ko anu ni ta sarakɛnu bɔ wola Mari ye.”

1 Samuwɛli 6:6

Nfenna wo ye wo yisi gbɛlɛyala iko Iyipiti kɛnu anubɛ anuna mansɛ ya a ma nya min fɔlɔ nun? Iko wo ya a lɔn nya min, Alla ya anu bolo labira ha Isirɛla mɔgɛnu ya anu sɔrɔn anu na.