Bɔ-Koe-Iyipiti 12:27 - ALLALA KUMƐ

²⁷ wo ni a fɔ anu ye wo rɔ ko, ‘Wo tumɛ ma ye Iyipiti nyamanɛ rɔ, Mari ya Iyipiti kɛnu halaki kɔnɔ a ya male lakanan nyamanɛ wo rɔ. Woletɔ ma ye Kanan-Ko-Ladiyɛ kɛ kɛla san-bo-san ka sarakɛ bɔ mata Mari Alla ye.’ ” Mɔgɛnu ya anu madu dugi ma ka madiyali kɛ.

Bɔ-Koe-Iyipiti 12:27 ပူးပေါင်းရင်းမြစ်များ

1 Ko-Kɔrɔta-Karan 29:20

Wo kɔma, Mansa Dawuda ya a fɔ mɔgɛnu ye ko, “Wo ni wota Mari Alla tanto.” Mɔgɔ damasi ya anu benbanuta Mari Alla tanto. Anu ya anu madu ka Mari anubɛ anuna mansɛ gbiliya.

2 Ko-Kɔrɔta-Karan 20:18

Mansa Yɛhosafati ya a maburun dugi ma. Wo kɔma, ala mɔgɛ bɛɛ ya anu maburun dugi ma Mari bato tinɛ.

2 Ko-Kɔrɔta-Karan 29:30

Mansa Hɛsakaya anubɛ ala mɔgɔ-banu ya a fɔ Lifayinu ye ko anu ni Mari-tanto-bɛtinu bɔ Mansa Dawuda anubɛ Nɛbi Esafi ara minnu sɛbɛ nun. Woletɔ mɔgɛ bɛɛ ya sigi sa sewɛ la.

Nihɛmaya 8:6

Ɛsira ko, “Mari tanto, Alla-makawanɛ, kɔni.” Mɔgɛ bɛɛ ya a bole layɛlɛ san ma. Anu ko, “Yo!” Wo kɔma, anu dama ya anu maburun dugi ma ka Alla bato.

Yaburi 44:1

E, Alla, i ya kabana-koe minnu ma fɔlɔfɔlɔ ma benbanuta wati rɔ, ma ya wo lamɔɛn ma nyɛrɛ tole la. Anu bara wonu takaran ma ye.

Yaburi 78:5

Alla ya tɔnnu anubɛ sereyanu di Isirɛla mɔgɛnu ma, Yakoba kegeyɛnu, kɔni. A ya a fɔ ma benbanu ye ko anu ni ala sereya kɛnu takaran anuna dannu ye

Bɔ-Koe-Iyipiti 10:2

N bara ko-gbɛlɛmɛ minnu nana Iyipiti mɔgɛnu kuma ka anu kumakɔ nya min, wole si to wo fɔla wola dannu anubɛ wo mamanɛnu ye. Woletɔ wo damasi ni a lɔn ko Mari le nde la.”

Bɔ-Koe-Iyipiti 12:23

Mari si tenbi Iyipiti nyamanɛ rɔ Iyipiti kɛnuna den-kei-sarɛnu halaki koe la suyi wo rɔ. Ni a ya yele yen bɔn minnu dɛ tɔnkɔn filɛ ma anubɛ a kumɛ, Mari si tenbi bɔn wonu kun na. A ti sɔn ko niyi-bilɛ ni ke bɔn wonu na.

Bɔ-Koe-Iyipiti 12:28

Musa banta kɛ fɔla nya min wo, Isirɛla mɔgɛnu ya a dabira ka a ma iko Mari ya a fɔ Musa anubɛ Aruna ye nya min.

Bɔ-Koe-Iyipiti 13:14

“Tumado ni wola den-keinu ya ladɛn kɛ kɔrɛ manyinika wo la tumɛ min, wo si a fɔ anu ye ko, ‘Mari ya ma labɔ yɔɔnyɛ rɔ Iyipiti nyamanɛ rɔ ata sɛnbɛ la wati kɛ le tɔ.

Bɔ-Koe-Iyipiti 13:8

Wo ni a rakaran wola den-keinu ye wulɔn ko, ‘Ma ye Kanan-Ko-Ladiyɛ kɛ kɛla ka a tɛgɛ Mari ya min kɛ ma ye, wo tumɛ ma ye bɔla Iyipiti nyamanɛ rɔ.’

Bɔ-Koe-Iyipiti 34:25

“Wo tenbi kolo-fen-sarakɛ dila nde ma tumɛ min, wo kana anubɛ biredi di nde ma nya-kun-kelen isiti ye min tɔ. Wo kana saraka-sogo-toe to ha sɔgɔma Kanan-Ko-Ladiyɛ kuma.

Bɔ-Koe-Iyipiti 34:8

A ma mɛ, Musa ya a madu dugi ma ka Mari bato.

Bɔ-Koe-Iyipiti 4:31

Wonu fanan lara a la. Anu ya a lɔn min kɛ ko Mari ara a kolan lamunun anu na ka a lɔn anu bi tɔrɔyɛ min tɔ, anu ya anu madu dugi ma ka madiyali kɛ.

1 Kɔrɛnti 5:7

Wo ni ko-yogoma-kɛlɛ wo gben wo tɛma. Wo si ma iko biredi-yɛlɛ-fan sa dɛgɛ min tɔ wo rɔ, ado ni hakɛ sifa sa wo tɛma, wole ara ban mala iko yɛlɛ-fen sa dɛgɛ min tɔ. Kirasiti ara ban mala sarakɛ la nun. Mata saga-dan le ale la mata Kanan-Ko-Ladiyɛ rɔ.

Tɔn-Fɔɛ-Fila-Nyɔgɛ 16:2

San-bo-san, Abibu karɛ kɛ la, wo si ta kan-tina-kelan wo rɔ min yabɔnɛ Mari bolo. Wo si wola kolo-fannu kan natɛgɛ nyɔ ka wo ma wola Kanan-Ko-Ladiyɛ dɔn-fen-sarakɛnu na.

Tɔn-Fɔɛ-Fila-Nyɔgɛ 16:5

“Kɔnɔ wo kana Kanan-Ko-Sarakɛ wonu faga kan-bo-kan fɔ kan-tina-kelan wo rɔ min yabɔnɛ Mari bolo. Wo si kolo-fan wonu faga tele-kolo-wulan wati ma iko wo ya a ma Iyipiti nya min wo bɔra nyɔ tele min ma.