Bɔ-Koe-Iyipiti 12:26 - ALLALA KUMƐ

²⁶ Ni wola dannu ya ladɛn kɛ kɔrɛ manyinika wo la,

Bɔ-Koe-Iyipiti 12:26 ပူးပေါင်းရင်းမြစ်များ

Yaburi 145:4

Denbɛnu si ila ko-makawanɛ rakaran anuna dannu ye. Anu si ila wɔli-nyimɛ faranfasi anuna dannu ye.

Yaburi 44:1

E, Alla, i ya kabana-koe minnu ma fɔlɔfɔlɔ ma benbanuta wati rɔ, ma ya wo lamɔɛn ma nyɛrɛ tole la. Anu bara wonu takaran ma ye.

Bɔ-Koe-Iyipiti 10:2

N bara ko-gbɛlɛmɛ minnu nana Iyipiti mɔgɛnu kuma ka anu kumakɔ nya min, wole si to wo fɔla wola dannu anubɛ wo mamanɛnu ye. Woletɔ wo damasi ni a lɔn ko Mari le nde la.”

Bɔ-Koe-Iyipiti 12:25

Mari ya lanyiri kiri wo ye nyamanɛ minna ko la, wo wa ke nyɔ tumɛ min, wo ni ladɛn kɛ dabira ka a ma tɔn la wo bolo nyɔ.

Bɔ-Koe-Iyipiti 13:22

Tele-wo-tele, banda-fin-gbɛ kɛ ye mɔgɛnu fɛ. Su-wo-su, ta-mɛlan ye anu fɛ.

Aiseya 38:19

Nilamɛnu denu bi i tantola iko n bi i tantola nya min kɛ la. Mɔgɛnu bi ila telenbagayɛ wara-koe fɔla anuna dannu ye.

Ɛfɛsa 6:4

Wole denbɛnu, wo kana wola dannu manyini fɔ ka anu makolo dɛnkɛninyɛ makololi-nya la.

Tɔn-Fɔɛ-Fila-Nyɔgɛ 11:19

Wo taranta kan-bo-kan, wo tenbi luyi ma wo, wo tenbi bɔn na wo, wo tenbi wɔlila anubɛ wo tenbi wo sulenna, wo ni to wola dannu makolola karan kɛ la. Wo ni to anu karanna wola dannu ye tuma-wo-tuma.

Tɔn-Fɔɛ-Fila-Nyɔgɛ 32:7

“Wo ni wo miri ko-tenbini-kɔrɛnu ma. Wo ni wo fanu manyinika min mara wo wati rɔ. Wo ni kɛmɔgɛnu manyinika. Anu ni fɔlɔfɔlɔ-koenu takaran wo ye.

Tɔn-Fɔɛ-Fila-Nyɔgɛ 6:20

“Ni a taranta, wola dannu ya wo manyinika lunyɛ do ko, ‘Nfen ya a to, mata Mari Alla ya tɔn kɛnu di ma ma ko ma ni anu bira?’

Tɔn-Fɔɛ-Fila-Nyɔgɛ 6:7

Wo taranta kan-bo-kan, wo ni to wola dannu makolola karan kɛ la. Wo tenbi luyi ma wo, wo tenbi bɔn na wo, wo tenbi wɔlila wo, wo tenbi wo sulenna wo, wo ni to a karanna wola dannu ye tuma-wo-tuma.