Bɔ-Koe-Iyipiti 12:23 - ALLALA KUMƐ

²³ Mari si tenbi Iyipiti nyamanɛ rɔ Iyipiti kɛnuna den-kei-sarɛnu halaki koe la suyi wo rɔ. Ni a ya yele yen bɔn minnu dɛ tɔnkɔn filɛ ma anubɛ a kumɛ, Mari si tenbi bɔn wonu kun na. A ti sɔn ko niyi-bilɛ ni ke bɔn wonu na.

Bɔ-Koe-Iyipiti 12:23 ပူးပေါင်းရင်းမြစ်များ

2 Samuwɛli 24:16

Marita niyi-bɔ-melika gbɛrɛnnɛ Yerusalɛm soe ma tumɛ min, Mari kinikinita Isirɛla mɔgɛnu ma ka a miriya yɛlɛma. A ya tɔn sigi anu kasarɛ la. A ya a fɔ ala melika wo ye ko, “A to ka. Minnu bara faga kɛ la, wo ara a bɔ!” Wo ya a taran, niyi-bɔ-melika wo ara ke Arɔnala gbere-kole ma. Yɛbusi mɔgɛ le ale Arɔna la.

Yobu 14:13

Alako nun, i ya n dogon lakira tonke do rɔ nun. N ni to dogonni nyɔ ha ita diminyɛ ni ban. Wo kɔma, i ni wati do rabɛn n ye, i si i fonde lamiri n ma min ma.

Bɔ-Koe-Iyipiti 11:4

Yanni Musa ni bɔ mansɛ dafɛ, a ya a fɔnɛ to ale mansɛ ye ko, “Mari ko suyi tɛma a si na ka Iyipiti nyamanɛ ratagama.

Bɔ-Koe-Iyipiti 12:7

Anu si kolo-fan wonu dɔn bɔn minnu na, anu ni kolo-fan wonu yele do bi ka a susa bonda-dɛ tɔnkɔn filɛ ma anubɛ dɛ kumɛ.

Aiseya 26:20

E, nta mɔgɛnu, wo don wola bɔnnu na ka don-dɛ balan wo nyɛrɛ ma wati-kundu-ni kɔrɔ. Wo ni wo dogon sogbe, ha Allata fondo-bɔɛ ni ban.

Aiseya 37:36

Marita melika yigira Asiriyanuna dagɛ rɔ. A ya mɔgɔ waga kɛmɛ kelen mɔgɔ waga bi-segin ani mɔgɔ waga loli faga Asiriyanu tɔ (185,000). Bandɛ kanɛ, wonu furi taranta nyɔ.

Isikiyɛli 9:4

“Yerusalɛm soe mumɛ ratagama. Ni i ya min yisi-tɔrɔnɛ yen a ma soe kɛ burɔ ko-yogomɛnuna ko la, i ni tamasere sa wo tigi telɛ ma.”

Isikiyɛli 9:6

A kɛmɔgɔ wo, a kemini wo, a sunkurun-mɛsɛ wo, a denba wo, a den wo, wo ni anu bɛɛsi faga tɛrr! Kɔnɔ ni wo ya tamasere yen min telɛ ma, yanba kana yalan wo ma de! Wo ye a dabirala Bato-Bon-luyi ma yan de!” Anu ya a dabira mɔgɔ-ba mogan-ni-lolinu denu ma minnu bi luyi ma.

1 Kɔrɛnti 10:10

Ma kana kɔrɔtɔ iko wo donu ya a ma nya min, ha niyi-bɔ-melika ya anu kasara.

Hiburunu 11:28

Dɛnkɛninyɛ le fɛ, a ya Kanan-Ko-Ladiyɛ dabira mɔgɛnu tɛma ka yele purupuru bonda-dɛnu ma alako niyi-tɛgɛ-melika kana Isirɛla mɔgɛnuna sarɛnu faga.

Hiburunu 12:24

Sarama-kan-kurɛ ara kiri Yisa yele min fɛ, wo ara ke wo fanan ma, ado a yele-purupurunɛ tenbira Ebɛli yele la.

Lankɛnimayɛ 7:3

Melika wo ko, “Wo kana dugu-kole tinya anubɛ kɔgɔ-yi anubɛ kɔlɔmanu fɔlɔn. Fɔ ma ni mandan sigi mata Allata wɔli-kɛlɛnu telɛnu na.”

Lankɛnimayɛ 9:4

A ya a fɔ anu ye ko bin wo, kɔlɔma wo, ki-fen wo, anu kana wo tɔrɔ fɔ mɔgɛnu dɔrɔn, Allata mandan sa minnu telɛ ma, kɔni.