Bɔ-Koe-Iyipiti 12:15 - ALLALA KUMƐ

¹⁵ Mari ko tun, “San-bo-san, wo ni to biredi-yɛlɛbɛlɛ dɔnna tele wɔrɔnfila kɔrɔ. Wo ni isiti labɔ wola bɔnnu na a tele fɔlɛ ma. Ka a bɔ tele fɔlɛ wo ma ha ka ke a tele wɔrɔnfila nyɔgɛ ma, min ba biredi-yɛlɛnɛ dɔn, wo tigi si bɔ Isirɛla mɔgɛnu kurun tɔ.

Bɔ-Koe-Iyipiti 12:15 ပူးပေါင်းရင်းမြစ်များ

Ko-Dabirɛnu 17:14

Ni kei min ma yigi, wo si wo gben wo kurun tɔ bawo wo ara nta lanyiri tinya.”

2 Ko-Kɔrɔta-Karan 30:21

Tele wɔrɔnfila dɛgɛdɛgɛ, mɔgɛ minnu nadɛnta Yerusalɛm soe burɔ, wonu ya Biredi-Yɛlɛbɛlɛ-Dɔn-Ladɛn kɛ sewɛ la. Tele-wo-tele, Lifayinu anubɛ saraka-masɔlɛnu ya Mari tanto anu sɛbɛ-kuna-wɛ la.

Ɛsira 6:22

Tele wɔrɔnfila dɛgɛdɛgɛ, anu bi Biredi-Yɛlɛbɛlɛ-Dɔn-Ladɛn kun na sewɛ rɔ. Anu bi sewɛ rɔ bawo Mari le ya a ma, mansɛ min bi Asiriya nyamanɛ kun na, anuna hinɛ donta wo rɔ. Mansɛ wo tora anu madɛnbɛna Isirɛlata Alla Bato-Bɔn sɔ-koe rɔ.

Bɔ-Koe-Iyipiti 12:8

Anu si soge wonu mintan ka anubɛ yanba-kun-kunanɛ donu dɔn anubɛ biredi-yɛlɛbɛlɛ suyi wo nyɛrɛ rɔ.

Bɔ-Koe-Iyipiti 13:3

Musa ya a fɔ mɔgɛnu ye ko, “Wo bɔra yɔɔnyɛ rɔ Iyipiti nyamanɛ rɔ tele min ma, wo ni wo hɛnkili to tele wo nyɛrɛ ko. Wo ni wo ma kamasɔrɔn Mari ya wo labɔ Iyipiti nyamanɛ rɔ a kɔɛn-sɛnbɛmɛ la wo wulɔn tele rɔ. Wo kana biredi-yɛlɛnɛ fenfen dɔn tele wo ma.

Bɔ-Koe-Iyipiti 23:15

“Wo ni Biredi-Yɛlɛbɛlɛ-Dɔn-Ladɛn kɛ. Wo ni to biredi-yɛlɛbɛlɛ dɔnna tele wɔrɔnfila kɔrɔ wo wati-latɛgɛnɛ rɔ Abibu karɛ la iko n ya a fɔ wo ye nya min. Wo si ladɛn wo kɛ karɛ wo ma kamasɔrɔn wo bɔra Iyipiti nyamanɛ rɔ karɛ wo le la. “Wo ni Dɔn-Fen-Kun-Fɔlɛ-Ladɛn fanan kɛ, sɛnita-fen fɔlɔtɛ tɛgɛ-wati. Wo wa ban wola ki-fannu kerila wati min, wo ni Lele-Sɔɛ-Ladɛn kɛ. “Mɔgɔ-wo-mɔgɔ bolo lakolɔn kana na ladɛn kɛnu kuma.

Bɔ-Koe-Iyipiti 30:33

Ni min ya tuli wo nyɔgɔn ladan wo, ni min ya a kɛ mɔgɔ-gbɛrɛkɛ ma saraka-masɔla ma min na wo, wo ni wo gben wo kurun tɔ.”

Bɔ-Koe-Iyipiti 30:38

Ni mɔgɔ-wo-mɔgɔ ya isɛnti sufa kɛ ladan a nyɛrɛ ye ka a nyɛrɛ diya wo la, wo ni wo gben wo kurun tɔ.”

Bɔ-Koe-Iyipiti 31:14

wo ni Sulen-Tele wo gbiliya bawo tele-sɛnimɛ le min sɛninyanɛ wo ye. Ni min ya a tui ka tɔn wo tinya ka wɔlɛ kɛ tele wo ma, wo ni wo tigi gben wo kurun tɔ. Wo tigi ni faga yati!

Bɔ-Koe-Iyipiti 34:18

“Wo ni Biredi-Yɛlɛbɛlɛ-Dɔn-Ladɛn kɛ. Wo ni to biredi-yɛlɛbɛlɛ dɔnna tele wɔrɔnfila kɔrɔ a wati-latɛgɛnɛ rɔ Abibu karɛ la iko n ya a fɔ wo ye nya min. Wo si ladɛn wo kɛ karɛ wo ma kamasɔrɔn wo bɔra Iyipiti nyamanɛ rɔ karɛ wo le la.

Bɔ-Koe-Iyipiti 34:25

“Wo tenbi kolo-fen-sarakɛ dila nde ma tumɛ min, wo kana anubɛ biredi di nde ma nya-kun-kelen isiti ye min tɔ. Wo kana saraka-sogo-toe to ha sɔgɔma Kanan-Ko-Ladiyɛ kuma.

Saraka-Masɔlɛnuta Tɔnnu 17:10

Isirɛla mɔgɛ wo, sundan wo, ni a ya soge anubɛ a yele dɔn, Mari si diminya wo tigi ma. Mari ti a miri wo mɔgɛ ma ko atɛ le wo mɔgɔ sufa la

Saraka-Masɔlɛnuta Tɔnnu 17:14

bawo nima-fan bɛɛ niyi ye a yele rɔ. Mari ya a fɔ Isirɛla mɔgɛnu anubɛ sundannu ye ko anu kana soge anubɛ a yele dɔn. Ni min ya wo ma, anu kana anu miri tun ko Allatɛ le mɔgɛ wo la.

Malakayi 2:12

Minnu bi kɛ sufa mala, alamɛ Mari ya wonu bɔ wo kurun tɔ, ado ni mala nyamanita-mɔgɛnu nara min na Mari Sɛnbɛ-Bɛɛ-Tigi ye, anuta mumɛ kana taran tun saraka-bɔ-koe rɔ.

Yilan-Yilan Koe 28:17

A tele tan-ni-loli nyɔgɛ, wo si tele wɔrɔnfilɛ ladɛn dabira. Tele wo mumɛ kɔrɔ, wo kana biredi-wo-biredi dɔn fɔ biredi-yɛlɛbɛlɛ isiti sa min tɔ.

Yilan-Yilan Koe 9:13

Ni mɔgɔ-wo-mɔgɔ ma sɔn ka kofu wo ma, ado wo ni a taran, mɔgɛ wo sɛninyanɛ iko tɔn ya a fɔ nya min, wo ni a taran fanan, a ma ta wula-yan na kɔnɔ a ma sɔn ka kofu wo ma Kanan-Ko-Ladiyɛ kɛ rɔ, wo ni mɔgɛ wo gben wo kurun tɔ. Wo tigi si tɔrɔya ata hakɛla ko la bawo a ma na ata sarakɛ la a wati-latɛgɛnɛ rɔ nde, Mari ye.

Matiyu 16:12

Wo kɔma, ala karan-dannu bara a nya-yen de gbɛ ko a sa kumala biredi-yɛlɛ-fan wara-koe la, fɔ anu ni a ma anu fɛrɛma Farisi anubɛ Sadusinuna karanla ko la.

Luka 12:1

Mɔgɔ waga siyaman nadɛnta anu nyɔgɔn fɛ ha anu tora anu nyɔgɔn matenna. Yisa kumara ala karan-dannu fɔlɔn ye ko, “Wo ni a ma wo fɛrɛma Farisinuna biredi-yɛlɛ-fanla ko la. N bi min ma, wo le, anuna kolandiyɛ la.

Luka 2:43

Ladiyɛ banta tumɛ min, anu bara wuli tala anu barɛ kɔnɔ Yisa tora Yerusalɛm. Kɔnɔ a sɔrɔnnɛnu ma wo lɔn.

Kɛwɔlɛnu 12:3

ado Hɛrodi ya a yen tumɛ min ko Yahudiyanu diyana-koe le wo la, a ma dan wo ma. A ya Pita fanan bira. (Wo kɛra Biredi-Yɛlɛbɛlɛ-Dɔn-Ladɛn wati rɔ.)

Kalesiya 5:12

A sɔgɛ ye n na, minnu bi wo kɔndɔfilila, wonu kana dan kemininya-koe ma dɔrɔn. Anu ni anu nyɛrɛ ma tɛgannu na feu!

Tɔn-Fɔɛ-Fila-Nyɔgɛ 16:3

Wo si anubɛ biredi dɔn isiti sa min tɔ. Wo si to biredi wo dɔnna tele wɔrɔnfila kɔrɔ iko wo burimatoe ya a ma nya min wo tumɛ wo ye bɔla Iyipiti nyamanɛ rɔ. Wo si biredi kɛ kele tɔrɔya-biredi. Wo tenbi a dɔnna, wo si wo miri wo tele ma wo bɔra tɔrɔyɛ rɔ lunyɛ min.

Tɔn-Fɔɛ-Fila-Nyɔgɛ 16:5

“Kɔnɔ wo kana Kanan-Ko-Sarakɛ wonu faga kan-bo-kan fɔ kan-tina-kelan wo rɔ min yabɔnɛ Mari bolo. Wo si kolo-fan wonu faga tele-kolo-wulan wati ma iko wo ya a ma Iyipiti nya min wo bɔra nyɔ tele min ma.

Tɔn-Fɔɛ-Fila-Nyɔgɛ 16:8

Wo si to biredi-yɛlɛbɛlɛ wo dɔnna tele wɔrɔ kɔrɔ. A tele wɔrɔnfila nyɔgɛ wo ma, wo si wola wɔlɛnu boloka ka wo kundɛn Mari Alla bato tinɛ.”