Bɔ-Koe-Iyipiti 1:10 - ALLALA KUMƐ

¹⁰ Ma ni hɛnkili nyini mɔgɛ kɛnu bara-koe ma alako yarɔ, anu kana siyaya ka fanka sɔrɔn ma kuma ka sa ma yogenu kuma ma kɛlɛ tinɛ.”

Bɔ-Koe-Iyipiti 1:10 ပူးပေါင်းရင်းမြစ်များ

Yobu 5:13

A si a ma, karagbɛlɛnu ni bira anu nyɛrɛta yili-lasiginɛ la. Minnu si anu nyɛrɛ ma hɛnkilimɛ la, Alla si wonuna ko-rabɛn yɛlɛma fufafuyi la.

Yaburi 10:2

Karagbɛlɛnu wasira dɔgɔma-ma-de! Anu bi bolo-kolɔnnu napɛrɛnna. Alamɛ anu birara anu nyɛrɛta yili-lasiginɛnu na.

Yaburi 105:25

A ya a ma, Iyipiti kɛnu ya ala mɔgɛnu kɔn ka yanfɛ sigi anu na.

Hɛnkilimaya-Kumɛnu 1:11

Ni anu ya a fɔ i ye ko, “Na, ma ni ta baga mɔgɛ do ma ka a faga alako ma ni ma nyɛrɛ ladiya. Ma si a kɛndɛ taran kɔnɔ ma bɔmatoe si a suyi to nyɔ.” I kana sɔn wo ma.

Hɛnkilimaya-Kumɛnu 16:25

Mɔgɛ ye a mirila ko ala kilɛ kin ale nyɛrɛ yala kɔnɔ tɔ-a-la, wo si ma a bolo saya-kilɛ la.

Hɛnkilimaya-Kumɛnu 21:30

Ni Mari ye min kan ma, hali hɛnkili ye wo tigi bolo, a ya ko lɔn, wonu ti ko nyinya a ma.

Yilan-Yilan Koe 22:6

A sɔgɛ ye n na, i ni na ka mɔgɛ kɛnu danka n ye. Ni i ya wo ma, tumado ma si mɔgɛ kɛnu nɔ ka anu gben. N ya a lɔn ko ni ile ya mɔgɛ minnu danka, wonu si taran dankɛ kɔrɔ. Ni i duwara minnu ye, duwɛ si to yigila wonu kuma.”

Kɛwɔlɛnu 23:12

Wo banda kɛ, Yahudiya donu ya anu nadɛn ka ko-rabɛn-kɛ. Anu ya anu dato ko anu ti fen dɔn ka anu min, ni anu ma Pɔli faga fɔlɔn.

Kɛwɔlɛnu 7:19

Wo ya halliyɛ kɛ mala mɔgɛnu na ka ma benbanu bira boloko-yogomɛ-kɛ. A ya anu fɔrɔsɛ ko anu ni anuna dannu nakɛ a rɔ alako anu ni faga,

1 Samuwɛli 29:4

Kɔnɔ hali wo, Filisitinuna kɛlɛ-kurugbɛnu diminyara Mansa Akisi ma. Anu ya a fɔ a ye ko, “A lasɛgi a kɔma a wara-soe burɔ, i wara kan tinɛ min yira a la. I kana sɔn, a ni kofu ma ma kɛlɛ rɔ. Tumado a ye a ya-lamununna male la ka ma lato. Bawo ni ale ya ma faga, wo si a ma, a ni diya ala kun-tigi ye tun.