Ɛsita 9:25 - ALLALA KUMƐ

²⁵ Wo kɔma, Ɛsita tara mansɛ taran. A ya sereya do sɛbɛ. Heman ya gbɛrɛ min nasigi Yahudiyanu ye, anubɛ ala dannu birara wo le la ka anu dun mɔgɔ dun tinɛ wo la, a nyɛrɛ ya min nadan ala bɔn dafɛ.

Ɛsita 9:25 ပူးပေါင်းရင်းမြစ်များ

1 Mansɛnu 8:32

E, Mari, i ni i wɔlɔ matɔlɔ san-kole rɔ ka ko sufa wo kiti tɛgɛ. I ni mɔgɔ-yilikinɛ tɔrɔ iko ala hakɛ ye nya min ka tonya-tigi wo yo sa iko ata yoe ye nya min.

Ɛsita 3:6

Wo rɔ, a ban a lɔnna ko Yahudiya le, a ya a latɛgɛ a yisi rɔ ko, “N sa Mɔdekɛyai kelen nanyinina tun.” A ya a kɔnkɔn Yahudiya dama lato-koe ma Pasiya nyamani-tonke bɛɛ rɔ.

Ɛsita 7:10

Nba, anu ya Heman dun ala mɔgɔ dun tinɛ wo la, a ya min nadan Mɔdekɛyai tɔgɔ rɔ nun. Wo ban, Mansɛ yisi nara to kimɛla.

Ɛsita 7:4

bawo anu bara ban mabɛ nna mɔgɛnu kunyɛ donna bolo tɔ ka ma sugi lato. Ni a tonɛ yɔɔnyɛ gbansan le ma dɔrɔn, n ti wo fɔ i ye nun kɔnɔ anu bi nala ma ban tinɛ le kɛ la fegba!”

Ɛsita 7:5

Mansa Sakasi ya Ɛsita manyinika ko, “Yon bara sisi ko sufa kɛ la? Wo tigi ye mintɔ?”

Yaburi 140:8

Mari, karagbɛlɛnu bi min nyinina, i kana wo di anu ma. I ni a ma, anuna yanfɛ ni to anu tɔ tode!

Yaburi 140:9

I kana sɔn, n yogenu ni nɔ-ko sɔrɔn n ma. Anu bi n tagbɛran min kɛla, a ma, wo ni sɛgi anu denu kɔgɔ rɔ.

Yaburi 141:10

I ni a ma, karagbɛlɛnu ni bui anu halala-denka-sinnɛ rɔ, ado yanba kana yalan nde ma.

Yaburi 7:16

Anu bi tɔrɔyɛ min saganna anu ta-nyɔgɛnu tɔgɔ rɔ, wo ye sigila anu nyɛrɛ le ma. Anuta karagbɛlɛyɛ wo ye yigila anu denu denu kun-kole ma.

Yaburi 7:17

N si baraka bira ile Mari ye ka a tɛgɛ ila telenbagayɛla ko ma. Ile Mari min bi fan bɛɛ kun na, n bi matɔgɔ-bɛti bɔla ile ye.

Yaburi 94:23

I si anuna karagbɛlɛyɛ lasɛgi anu kɔgɔ rɔ. I si anu kasara ka a tɛgɛ anu hakɛla ko ma. Ile mata Mari Alla si anu nato dogbe!

Hɛnkilimaya-Kumɛnu 26:27

Ni mɔgɛ ya denkɛ tɛgɛ a ta-nyɔgɛ ye, wo tigi ti bui wo rɔ fɔ ale. Ni i ya kuri min nakuru-kurun i bɔla ko la, wo ye bɛnna ile le la.

Hɛnkilimaya-Kumɛnu 5:22

Ko-yogomɛ si ma gbɛrɛ la ko-yogoma-kɛlɛ ye, ado a si bira a halala gbɛrɛ-lasiginɛ wo la, yɔ!

Aiseya 22:25

Ado nfan, wo wa ma, kɔlɔma min gbangbannɛ bon-kɔgɔ rɔ gben, wo si to magala ka bui dugu ma. Min bɛɛ dunnɛ a la, wo bɛɛ wara-koe si ka-a-la.” Mari kan le kɛ la.

Hɔbadaya 1:15

Sibolenu kiti-sa-koe ara gbɛrɛn ale Mari bolo. Wole Idɔm mɔgɛnu bara min ma, a ko anu si na wo nyɔgɔn sigi wole fanan na, yɔ! Wo ya min nyɔgɔn ma, a ko a ye wo le nyɔgɔn mala wo la.

Matiyu 21:44

Min ba bui kuri kɛ kuma, wo kolenu ta si kerikeri, ado ni kuri kɛ buira min ma fanan, a si wo ramɔsɔkɔn.”]

1 Samuwɛli 25:39

Dawuda ya a lamɔɛn tumɛ min ko Nebali ara faga, a ko, “Mari ni tanto! Nebali kɛ le ya n mɔɛn, ado i wara n tayili sara a la. Mari ara a ma, n ma ko-yogoma ma. Mari ara Nebali tɔrɔ ala wunduyogoyɛla ko la.” Dawuda ya a sara Abigɛli wara a furu-koe rɔ.