Ɛsita 9:15 - ALLALA KUMƐ

¹⁵ Karɛ wo tele tan-ni-nanɛ ma Yahudiyanu ya anu kundɛn ka mɔgɔ kɛmɛ sawa faga Susa soe burɔ wulɔn-tele rɔ. Kɔnɔ Yahudiyanu ya a ma iko anu ya a fɔlɔtɛ ma nya min. Anu ma anu bolo-fan fenfen bi.

Ɛsita 9:15 ပူးပေါင်းရင်းမြစ်များ

Ɛsita 8:11

Min sɛbɛnɛ kɛdi wonu tɔ, ko mansɛ ara sɔn ko Yahudiya bɛɛ ni anu tabɛn ka anu nyɛrɛ kumafunfan. Ni sibolo-gbɛrɛkɛ wulita Yahudiyanu kan ma nyamanɛ kɛ kan-bo-kan, a mara Yahudiya-musuma la wo, a mara a keima la wo, a mara a denni na wo, anu ni sibole wonu kɛlɛ ha ka anu ban fegba! Anu ba ban anu nɔla, anu ni wonu bolo-fan damasi bi.

Ɛsita 9:12

Wo kɔma, mansɛ ya a fɔ Ɛsita ye ko, “Susa soe kɛ burɔ, Yahudiyanu bara mɔgɔ kɛmɛ loli faga. Hemanna dan mɔgɔ tan bi anu tɛma. Kama, kuma le nyamani-tonke doinu ma wo rɔ?” Mansɛ ya Ɛsita manyinika ko, “I ye nyinina nfen ma n bolo gbɛ? A fɔ n ye. I si a sɔrɔn.”

Ɛsita 9:13

Ɛsita ko, “N tigi, ni i si sɔn, Yahudiyanu bara min nyɔgɔn ma bi Susa soe burɔ, anu ni wo nyɔgɔn ma sina fanan. A ma, anu ni Hemanna dan mɔgɔ tan wonu dun kan tinɛ wo la a ya min nadan.”

Ɛsita 9:14

Mansɛ ya a fɔ ala mɔgɛnu ye ko anu ni a ma iko Ɛsita ya a fɔ nya min. Anu ya a mayon Susa soe burɔ. Wo kɔma, anu ya mɔgɔ tan wonu furi dun, mɔgɛ bɛɛ si anu tagbɛ kan min.

Ɛsita 9:16

Yahudiya minnu basannɛ anuna nyamanɛ wo la, wonu tora anu yogenu fagala alako anu ni anu nyɛrɛ niyi kumafunfan. Karɛ wo tele tan-ni-sawɛ ma, anu ya anu yoge mɔgɔ waga bi-wɔrɔnfila ani mɔgɔ waga loli (75,000) faga kɔnɔ anu ma anu bolo-fan fenfen bi. A tele tan-ni-nani nyɔgɛ ma, anu ya anu sulen ka wo ma anu nyɛrɛta ladiya-tele la.

Ɛsita 9:2

Yahudiyanu ya anu tabɛn Mansa Sakasila nyamani-soe wonu tɔ anu yogenu kan ma, minnu bi bagala anu ma, kɔni. Sibolo-gbɛrɛkɛ ma sisi anu na tun bawo anu bara kilan anu na.

1 Tɛsalonaika 5:22

Min yogo, wo ni wo tanka ko-su wo bɛɛ ma.

Hiburunu 13:5

Wo ni wo matanka wodi-keni-koe ma. Min bi wo bolo, wo ni wo wasa bawo Alla ara a fɔ ko a ti ma to ka ma boloka ni!