Ɛsita 9:13 - ALLALA KUMƐ

¹³ Ɛsita ko, “N tigi, ni i si sɔn, Yahudiyanu bara min nyɔgɔn ma bi Susa soe burɔ, anu ni wo nyɔgɔn ma sina fanan. A ma, anu ni Hemanna dan mɔgɔ tan wonu dun kan tinɛ wo la a ya min nadan.”

Ɛsita 9:13 ပူးပေါင်းရင်းမြစ်များ

2 Samuwɛli 21:6

Woletɔ wo ni kei mɔgɔ wɔrɔnfila bira, a kegeyɛnu, kɔni, ka wonu don ma bolo. Ma si anu faga ka anu dun kɔlɔma ma Kibiya soe burɔ Mari yala. Mari ya ale Sɔli min yabɔ ka a ma mansɛ la, a sɔrɔn-soe le Kibiya soe wo la.” Mansa Dawuda ko, “N si anu don wo bolo iko wo ara a fɔ nya min.”

2 Samuwɛli 21:9

Mansɛ ya mɔgɔ wɔrɔnfilɛ wonu don Kibiyon kɛnu bolo. Anu ya wonu faga ka wonu dun kɔlɔma ma Mari yala kɔnkɛ kuma. Mɔgɔ wɔrɔnfilɛ wonu damasi fagara nya kun kelen. Kɛ mara fui-fen-kun-fɔlɔ-tɛgɛ-wati le tɔ.

Ɛsita 8:11

Min sɛbɛnɛ kɛdi wonu tɔ, ko mansɛ ara sɔn ko Yahudiya bɛɛ ni anu tabɛn ka anu nyɛrɛ kumafunfan. Ni sibolo-gbɛrɛkɛ wulita Yahudiyanu kan ma nyamanɛ kɛ kan-bo-kan, a mara Yahudiya-musuma la wo, a mara a keima la wo, a mara a denni na wo, anu ni sibole wonu kɛlɛ ha ka anu ban fegba! Anu ba ban anu nɔla, anu ni wonu bolo-fan damasi bi.

Ɛsita 9:14

Mansɛ ya a fɔ ala mɔgɛnu ye ko anu ni a ma iko Ɛsita ya a fɔ nya min. Anu ya a mayon Susa soe burɔ. Wo kɔma, anu ya mɔgɔ tan wonu furi dun, mɔgɛ bɛɛ si anu tagbɛ kan min.

Ɛsita 9:15

Karɛ wo tele tan-ni-nanɛ ma Yahudiyanu ya anu kundɛn ka mɔgɔ kɛmɛ sawa faga Susa soe burɔ wulɔn-tele rɔ. Kɔnɔ Yahudiyanu ya a ma iko anu ya a fɔlɔtɛ ma nya min. Anu ma anu bolo-fan fenfen bi.

Kalesiya 3:13

Nba, Kirasiti sɔnta mala dankɛ bila min kɛ, a ya ma hɔrɔya mala dankɛ wo ma min sɛbɛnɛ tɔn-kitabu rɔ. A sɛbɛnɛ Allala kitabu rɔ ko, “Mɔgɔ-wo-mɔgɔ furi dunnɛ kɔlɔma la, wo tigi ye Marita dankɛ kɔrɔ”

Tɔn-Fɔɛ-Fila-Nyɔgɛ 21:23

anu kana a furi-dunnɛ to nyɔ ha subagɛ ma. Fɔ anu ni wo togon wo tele nyɛrɛ rɔ, woletɔ Mari Allata dankɛ ti wola nyamanɛ bira. Mɔgɔ-wo-mɔgɔ furi dunnɛ kɔlɔma la, wo tigi ye Marita dankɛ kɔrɔ.”