Ɛsita 8:15 - ALLALA KUMƐ

¹⁵ Mɔdekɛyai bɔmatoe mansɛla bɔn la ala mansaya-duruki min bi a kan na, a gbɛmɛ anubɛ a bilolamɛ le. Kura-hakika-finyɛ min tɔgɛ linɛn wo fanan bilanɛ a kan na. Susa so-karantan-mɔgɛ bɛɛsi ya a labɛn sewa-belebele-wɛ la.

Ɛsita 8:15 ပူးပေါင်းရင်းမြစ်များ

Ko-Dabirɛnu 41:42

Ale mansɛla mandan ye ala dɛɛn-kɔlɔnɛ min ma, a ya wo bɔ a bole la ka a don Yusufu bole la. A ya fɛrɛya-bɔ-hakikɛnu di a ma ka sɛnɛ-yɔlɔkɛ don a kan na.

Ɛsita 1:6

A ya yesekara-gbɛ anubɛ yesekara-finyɛ bi ka wo ma kurɛ la ka lu-kɔndɛ wo rabɛn wonu na. Anu ya kurɛ wonu tɛ-kiri tala yili-kolo-pɔrɔkɔsɛnu na. Wodi-gbɛ-dɛɛn minnu sɔnɛ sɛnbɛrɛn-kɔnnu na tala, anu ya yili-kole wonu kiri tala wonu na. Sɛnbɛrɛn-kɔn wonu nadannɛ kuru-gbɛlɛ denu denu na. Sigi-fen-yan minnu nadannɛ sɛnɛ anubɛ wodi-gbɛ la, wonu siginɛ tala lu-kɔndɛ wo rɔ. Lu-kɔndɛ wo gbɛlɛkannɛ kuru-gbɛlɛ subolo-siyamɛ bɛɛ la.

Ɛsita 10:2

A ya koe min bɛɛsi ladan anubɛ a ya Mɔdekɛyaila sɔ tinɛ mayɛlɛ nya min, wo bɛɛ sɛbɛra Pasiya anubɛ Midiya mansaya-buku rɔ.

Ɛsita 3:15

Kɛ fɔɛ mansɛ fanan bolo, kilayɛnu fanan ya sarakanɛ wo nyɛnsɛn Susa so-karantan burɔ. Anu ya mɔgɛ bɛɛ lalɔn Yahudiyanu nato-koe ma. Kumɛ kɛ ya Susa soe yabasan tumɛ min, wo ya a taran, Mansa Sakasi anubɛ ala kandɛ Heman siginɛ, anu bi fen-minyɛ kun na.

Ɛsita 5:1

Anuna sun-don-tele sawɛ da-fara lunyɛ min, Ɛsita ya a layɛlɛ ala musu-mansaya-mirannu tɔ. A tara a sɔ kata burɔ bolon-don-dɛ la mansɛ si a ragbɛ kan min. Wo ya a taran, ala kei Mansa Sakasi siginɛ ala mansaya-waganɛ rɔ bolɔn burɔ. A yɛ lamununnɛ bolon-don-dɛ wo la.

Ɛsita 5:11

A ya a nyɛrɛ matɔgɔ wonu ya la. Nɔnfuli min nyɔgɔn yirika ye a bolo wo, den-kei min nyɔgɔn ye a bolo wo, mansɛ ara ala sɔ tinɛ mayɛlɛ nya min wo, a tenbira mansɛla mɔgɔ-ba doinu na nya min wo, a ya a yonkan kɛ damasi la.

Ɛsita 6:11

Nba, Heman tara mansɛla duruku-ba anubɛ soee bi. A ya duruku-ba don Mɔdekɛyai kan na. A ya Mɔdekɛyai sigi soee la. Ale Heman sɔra a yarɔ ka ta a la soe tɛma. A ye tala a fɔla ko, “Ni a bɛnta, mansɛ ni min gbiliya-belebele-wɛ kɛ, a si a ma a ye ka le.”

Ɛsita 8:14

A fɔɛ mansɛ bolo, “Wo ta gbɛ,” so-laburilɛnu yɛlɛta mansɛla so-buri-kɛla-wɛ wonu na tiriyante wo rɔ ka ta kɛdi wonu to tinɛnu tɔ. Anu ya kɛdi wo do fanan karan Susa so-karantan burɔ.

Hɛnkilimaya-Kumɛnu 11:10

Ni mɔgɔ-telennɛ fɛ-koe ye tala yarɔ soe burɔ, so-burɔ-mɔgɛ bɛɛ si sewa. Kɔnɔ ni mɔgɔ-yoge fagara soe burɔ, mɔgɛnu si sewa ka tolɔn kɛ a rɔ.

Hɛnkilimaya-Kumɛnu 28:12

Ni mɔgɔ-nyimɛ ya sɛnbɛ sɔrɔn, mɔgɛ bɛɛ si sewa. Kɔnɔ ni wunduyoge ya sɛnbɛ sɔrɔn, mɔgɛ bɛɛ si anu dogon a kɔrɔ.

Hɛnkilimaya-Kumɛnu 29:2

Ni mɔgɔ-latelennɛ ya tɔgɛ sɔrɔn, mɔgɛ bɛɛ si sewa. Kɔnɔ ni karagbɛlɛ ya tɔgɛ sɔrɔn, mɔgɛ bɛɛ si to kurunna tɔrɔyɛ bolo.

Matiyu 11:8

Nba, wo tara nfen yen-koe la worɔ? Kei min fɛrɛya bɔnɛ kura-nyimɛ la, wa? Ade! Mɔgɛ fɛrɛya bɔnɛ sufa, wonu bi mansɛnuna bolɔn burɔ!

Matiyu 6:29

Kɔnɔ n bi a fɔla wo ye ko, hali Silamɛni min mara bana la nun, a makiri-nya ma ke kɔn-fere kɛ kelen tɔ.

Luka 16:19

“Nɔnfulu-tigi do ye nyɔ nun min fɛrɛya bɔnɛ kura-da-gbɛlɛnu na. Tele-wo-tele, a si to dɔn-fen-nyimɛ dɔnna.