Ɛsita 8:14 - ALLALA KUMƐ

¹⁴ A fɔɛ mansɛ bolo, “Wo ta gbɛ,” so-laburilɛnu yɛlɛta mansɛla so-buri-kɛla-wɛ wonu na tiriyante wo rɔ ka ta kɛdi wonu to tinɛnu tɔ. Anu ya kɛdi wo do fanan karan Susa so-karantan burɔ.

Ɛsita 8:14 ပူးပေါင်းရင်းမြစ်များ

1 Mansɛnu 4:28

Mɔgɔ-ba wonu tora nala fui-fan donu anubɛ a fɔrɔnnu na mansɛla soee wonu ye fanan.

2 Ko-Kɔrɔta-Karan 30:6

Kilayɛ wonu tara Yuda nyamanɛ anubɛ Yerusalɛm soe rɔ iko mansɛ anubɛ ala mɔgɔ-banu ya a fɔ nya min. Min sɛbɛnɛ kɛdi wo rɔ, a ko, “Wole Isirɛla mɔgɛ toe minnu tora wo niyi la Asiriyanuna kɛlɛ rɔ, wo ni wo ya-lamunun ma benbanu Iburayima anubɛ Isiyaka anubɛ Yakobata Mari Alla la. Ni wo ya wo ma, ale fanan si a ya-lamunun wo la.

Nihɛmaya 1:1

Hakalayala den Nihɛmaya ya kumɛ minnu sɛbɛ, wo le kɛnu na. Pasiya Mansa Atasakasila mansayɛ san mogan ma, wo karɛ min tɔgɛ Kisilɛfi, wo ya a taran, nde, Nihɛmaya ye Susa so-karantan burɔ Pasiya nyamanɛ rɔ nun.

Ɛsita 2:3

I ni mɔgɔ-ba donu yabɔ ila nyamanɛ kan tinɛ bɛɛ rɔ alako wonu ni anu yɛ lakalan ka na sunkurɔn wonu dantɛgɛ ila musu-makandanna Hɛgayi ma Susa soe kɛ burɔ. Hɛgayi min bi ila musinu makandanna, wo ni to sunkurɔn kɛnu fɛ-birala alako anuna kinyɛ si bɔ gbɛ rɔ nya min.

Ɛsita 3:13

Ala kilayɛnu ya kɛdi wonu bi ka ta anu to mɔgɔ-banu ma nyamanɛ wo tonke bɛɛ rɔ. Min sanɛ kɛdi wo rɔ ko, “San kɛ, a karɛ tan-ni-fila nyɔgɛ min tɔgɛ Adari, wo tele tan-ni-sawɛ ma, Yahudiya bɛɛ si faga wulɔn-tele ma. A denni wo, a kina wo, a musu wo, a kei wo, a bɛɛ si faga. Wo kana kinikini anu ma. Wo ni anu dama faga tɛrr, wulɔn-tele rɔ ka anu bolo-fannu bi.”

Ɛsita 3:14

Anu ya kɛdi wonu karan mɔgɛ bɛɛ ye alako mɔgɛ bɛɛ ni a rabɛn wulɔn-telela ko la.

Ɛsita 3:15

Kɛ fɔɛ mansɛ fanan bolo, kilayɛnu fanan ya sarakanɛ wo nyɛnsɛn Susa so-karantan burɔ. Anu ya mɔgɛ bɛɛ lalɔn Yahudiyanu nato-koe ma. Kumɛ kɛ ya Susa soe yabasan tumɛ min, wo ya a taran, Mansa Sakasi anubɛ ala kandɛ Heman siginɛ, anu bi fen-minyɛ kun na.

Ɛsita 8:13

Anu si na sereya wo mayon mɔgɛ bɛɛ ye nyamanɛ tonke wo bɛɛ rɔ. Anu si na wo ma alako a tumɛ wa ke, Yahudiya bɛɛ ni anu tabɛn kɛlɛ-kɛ-koe la.

Ɛsita 8:15

Mɔdekɛyai bɔmatoe mansɛla bɔn la ala mansaya-duruki min bi a kan na, a gbɛmɛ anubɛ a bilolamɛ le. Kura-hakika-finyɛ min tɔgɛ linɛn wo fanan bilanɛ a kan na. Susa so-karantan-mɔgɛ bɛɛsi ya a labɛn sewa-belebele-wɛ la.

Makawandili Kumɛnu 9:10

Mɔgɛ ye ko-wo-ko kun na, i sɛbɛ don wo le ma bawo i kɛ-nya wo, i miriya wo, ila hɛnkilimaya wo, ila ko-lɔn wo, wo bɛɛla ban le lakira la, ado i kunyɛ telennɛ nyɔ le la.

Daniyɛli 8:2

Nna ko-rayen kɛ rɔ, n tara tɛrɛna n nyɛrɛ la Susa soe burɔ tarɛ mininɛ min ma Ilam nyamanɛ rɔ. N bi yi-nɛ do dafɛ min tɔgɛ Wulai.

1 Samuwɛli 21:8

Dawuda ya Ahimɛlɛki manyinika, a ko, “Faan anubɛ tanba sa i bolo yan? I ni n sinka kelen na. Nde ma na fen na bawo mansɛ ya n sɔ kilaya-rakalamɛ le la.”