Ɛsita 3:15 - ALLALA KUMƐ

¹⁵ Kɛ fɔɛ mansɛ fanan bolo, kilayɛnu fanan ya sarakanɛ wo nyɛnsɛn Susa so-karantan burɔ. Anu ya mɔgɛ bɛɛ lalɔn Yahudiyanu nato-koe ma. Kumɛ kɛ ya Susa soe yabasan tumɛ min, wo ya a taran, Mansa Sakasi anubɛ ala kandɛ Heman siginɛ, anu bi fen-minyɛ kun na.

Ɛsita 3:15 ပူးပေါင်းရင်းမြစ်များ

Ko-Dabirɛnu 37:25

Anu bi fen dɔnla tumɛ min, Sumanyila kegeyɛ minnu siginɛ Midiyan nyamanɛ rɔ, anu ya wonu yen nala wula-yan la ka bɔ Kaliyadi nyamanɛ rɔ. Anu nara kɛnɛ anubɛ se-tuli anubɛ isɛnti dunɛnu na. Wonu kirinɛ anuna nyomɛnu kɔ tɛma. Anu bi tala Iyipiti nyamanɛ rɔ.

1 Mansɛnu 14:27

A ya silɛɛnu nadan kɛlɛ-dan matanka-fannu na ka wonu ma sɛnɛ kɛlɛ-den matanka-fan wonu nyɔgɛ la. A ya wonu don a makandannɛnu bolo minnu sɔnɛ bolɔn wo dɛ la.

Ɛsita 1:10

Ladiyɛ wo tele wɔrɔnfila nyɔgɛ ma, dolo-minyɛ ya mansɛ lasewa. A ya a fɛ-birala tɛgan mɔgɔ wɔrɔnfila kele, Mɛhuman wo, Bisita wo, Habɔna wo, Bigita wo, Abagita wo, Sitari wo, anubɛ Karakasi.

Ɛsita 4:16

“Yahudiya min bɛɛ ye Susa soe kɛ burɔ, i ni wonu kundɛn kan-tina-kelen. Wo ni sunyɛ don ka Alla matara n ye tele sawa su sawa kɔrɔ. Malebɛ nna bonna-wɔli-kɛla-musinu si sunyɛ don ka matarali kɛ fanan. Wo kɔma, n si ta mansɛ taran hali n ya tɔn tinya. Ni n kunyɛ tora-a-rɔ, ale le wo la.”

Ɛsita 8:15

Mɔdekɛyai bɔmatoe mansɛla bɔn la ala mansaya-duruki min bi a kan na, a gbɛmɛ anubɛ a bilolamɛ le. Kura-hakika-finyɛ min tɔgɛ linɛn wo fanan bilanɛ a kan na. Susa so-karantan-mɔgɛ bɛɛsi ya a labɛn sewa-belebele-wɛ la.

Yaburi 37:7

I muin. I ni Mari makɔni. Hɔnya kana i bira bawo mɔgɛ donu bara-koe ye tala yarɔ. I kana hɔn bawo ko-yogoma-kɛ ara diya ko-yogoma-kɛlɛnu na.

Hɛnkilimaya-Kumɛnu 1:16

bawo ko-yogoma-kɛ di anu ye. Tuma-wo-tuma, anu denu yili ye mɔgɔ-faga-koe le ko.

Hɛnkilimaya-Kumɛnu 29:2

Ni mɔgɔ-latelennɛ ya tɔgɛ sɔrɔn, mɔgɛ bɛɛ si sewa. Kɔnɔ ni karagbɛlɛ ya tɔgɛ sɔrɔn, mɔgɛ bɛɛ si to kurunna tɔrɔyɛ bolo.

Hɛnkilimaya-Kumɛnu 31:4

“Nna den, a ma kin, mansɛnu ni baan min, ado baan-min-sɔgɛ kana anu bira.

Hɛnkilimaya-Kumɛnu 4:16

Ko-yogoma-kɛlɛnu ti anu sa fɔ anu ba ko-yogomɛ ma. Anu ti ke kinɔgɔla ni anu ma ko-yogomɛ ladan.

Hoseya 7:5

Mansɛ wa wuli ladiyɛ kɛla tumɛ min, wo le si a ma, mansɛ anubɛ ala mɔgɔ-banu ni anu min kɔlikɔli!

Emɔsi 6:6

Wo ye wola gbɛɛ-barɛnu sɔla wo kun na ka wola tulu-hakikɛnu susa wo ma tuma-wo-tuma. Wo ye wo diyana-koe wo damasi mala kɔnɔ wola ko sa Isirɛla kasara koe rɔ.

Yɔni 16:20

N bi tonyɛ fɔla wo ye, wo si gbele-gbelen ka di kɔnɔ dɛnkɛninyabɛlɛnu si sewa. Wo yisi si tinya kɔnɔ wola yisi-tinyɛ la si ban sewɛ ma.

Lankɛnimayɛ 11:10

Duninya-mɔgɛ bɛɛ si sewa nɛbi filɛ wonu faga-koe la. Anu si nyagalen ka anu nyɔgɔn sanba bawo nɛbi filɛ wonu ya tɔrɔya-ba lana duninya-mɔgɛ bɛɛ kuma.