Ɛsita 2:13 - ALLALA KUMƐ

¹³ Anu tenbi tala sunkurɔn wo to tinɛ mansɛ ma, makiri-fan minnu di ale musi wo ye, a si wonu bi.

Ɛsita 2:13 ပူးပေါင်းရင်းမြစ်များ

Ɛsita 2:11

Tele-wo-tele, mansɛla musinu bi kan min, Mɔdekɛyai si na nyɔ matagama alako a ni a lɔn a dɔgɛ wo wara-koe ye nya min.

Ɛsita 2:12

Yanni anu ni ta sunkurun-wo-sunkurun la mansɛ yakɔrɔ, anu si to sunkurɔn wo mabɛnna san kelen kɔrɔ iko anuna namunyɛ ye nya min. San wo kɔrɔ, karɛ wɔrɔ, anu bi a mamunna mira-tuli la. A nyɔgɔn karɛ wɔrɔ fanan, anu bi a mamunna bɔlɔsam tuli la. Minta wati wa ban, anu ni ta wo to mansɛ ma.

Ɛsita 2:14

Sunkurɔn wo si ta mansɛ warɛ wurɛ la. Sɔgɔma gbɛ, a ni ta bon-gbɛrɛkɛ la musu doinu kurun tɔ. Kei min bi musi wonu makandanna, wo tɔgɛ le Sayasikasi. Tɛgan le ale bɛrɛn na. Musu-wo-musu bɔra mansɛ warɛ, wo ti sɛgi nyɔ tun fɔ min ba diya mansɛ ye, a ye wo le kelela a tɔgɛ la.