Ɛfɛsa 5:23 - ALLALA KUMƐ

²³ Wo ni wo ma bawo sɛnbɛ ye kei bolo ala musi kuma iko sɛnbɛ ye Kirasiti bolo ata mɔgɛnu kuma nya min, ado Kirasiti nyɛrɛ le ata mɔgɛnuna kisilɛ la, a nyɛrɛ bagbuyi, kɔni.

Ɛfɛsa 5:23 ပူးပေါင်းရင်းမြစ်များ

Kɛwɔlɛnu 20:28

Wo ni ma saga-fɛ-biralɛnu na ka Allata mɔgɛnu fɛ-bira. Wo ni wo yili to wo nyɛrɛ ko anubɛ wo kurɔn ko Allata Ni-Sɛnimɛ ara min bɛɛ don wo bolo, ado a ya wonu ma atɛ la ala danta sayɛ fɛ.

1 Kɔrɛnti 6:13

Dogbɛrɛ si a fɔ ko, “Buyi ye dɔn-fanla ko la. Dɔn-fan fanan ye buyila ko la.” Tonyɛ le kɔnɔ wo filɛ bɛɛ si ban Alla bolo. Kɔnɔ fɛrɛ-bɔnkɛ ma dan yɛlɛnyɛla ko la fɔ ka wɔli Mari ye, ado Mari le ye ko-nyinyala fɛrɛ-bɔnkɛ ma.

Ɛfɛsa 4:15

A fisa, ma ni to tonyɛ fɔla ma nyɔgɔn ye keninteyɛ rɔ alako ma ni ma iko Kirasiti min bi ma kunyɛ la.

Ɛfɛsa 5:24

Woletɔ iko chɔchi-mɔgɛnu sɔnnayanɛ Kirasiti ye nya min, wole musinu ni sɔnnaya wola keinu ye wo nya na le koe bɛɛ rɔ.

Kɔlɔsi 1:18

Chɔchi kunyɛ le Kirasiti la, a bagbuyi, kɔni. Ale le fɔlɔn wulita furinu tɛma. Wo mara le alako a ni sɔ-tina fɔlɔtɛ sɔrɔn koe bɛɛ rɔ,

1 Tɛsalonaika 1:10

Wo ye Allala den Yisa makɔnɔna ko a ni bɔ Arinyɛni tɔ. Alla le ya Yisa kelan wo lawuli ka bɔ furinu tɛma. Allatalata fondo-bɔɛ min bi nala, ale Yisa le ye ma kisila wo ma.

Lankɛnimayɛ 19:7

Ma ni sewa ka nyagalen. Ma ni ata gbiliyɛ tanto bawo saga-danta kɔnyɔ-masɔ-wati ara ke. Ala kɔɛn-kurɛ ara a nyɛrɛ rabɛn ala ko la.

Lankɛnimayɛ 5:9

Anu ya bɛti-kurɛ do bɔ. Anu ko, “I si ke ka gbolo-lamininɛ wo bi ka li-kɛɛn wonu bɔ a ma bawo anu bara i faga nun. I ya mɔgɛnu san Alla ye ila sayɛ fɛ ka bɔ bɔnsɔn bɛɛ rɔ anubɛ mɔgɛ bɛɛ rɔ anubɛ sibole bɛɛ rɔ iko anu kan faranɛ nya min.