Tɔn-Fɔɛ-Fila-Nyɔgɛ 9:9 - ALLALA KUMƐ

⁹ Wobɛ Mari sarata min na, wo sɛbɛnɛ kuru-walannu ma. N tara kɔnkɛ kuma kuru-walan wonu bi tinɛ ka su bi-nani ani tele bi-nani le bɔ nyɔ. N ma fenfen dɔn hali ka n min.

Tɔn-Fɔɛ-Fila-Nyɔgɛ 9:9 ပူးပေါင်းရင်းမြစ်များ

1 Mansɛnu 19:8

Nɛbi Ilaya ya a lasɔ tun ka fen dɔn. Wo le ya a ma, a ya sɛnbɛ sɔrɔn. Su bi-nani tele bi-nani, a ye tagamana ka ta Allata kɔnkɛ kuma, Sinayi, kɔni.

2 Mansɛnu 6:22

Nɛbi Ilaisa ko, “I kana anu faga. Minnu bara anu niyi latenbi i ma, mɔgɔ ti wo faga. I si min ma, i ni anu de-nyini ka anu nasɛgi anu tigi ma.”

Bɔ-Koe-Iyipiti 24:12

Mari ya a fɔ Musa ye ko, “Na n bara ka mɛ n fɛ kɔnkɛ kun tɛma yan. N si kuru-walan fila don i bolo nna tɔnnu sɛbɛnɛ minnu ma alako i ni mɔgɛnu karan wonu na.”

Bɔ-Koe-Iyipiti 24:15

Anu bi yɛlɛla tumɛ min, anu ya a yen, kɔnkɛ kumɛ wo bɛɛ manɛ banda-finyɛ la.

Bɔ-Koe-Iyipiti 31:18

Mari ban kɛ fɔla Musa ye Sinayi kɔnkɛ kuma, Mari ya kuru-walan fila don a bolo ale nyɛrɛ ya ala tɔnnu sɛbɛ minnu ma a kɔɛn la.

Bɔ-Koe-Iyipiti 32:1

Mɔgɛnu ya a yen tumɛ min ko Musa ara mɛ Sinayi kɔnkɛ kuma, anu ya anu kundɛn Aruna dafɛ. Anu ya a fɔ a ye ko, “Musa min nara ma la ka bɔ Iyipiti nyamanɛ rɔ, ma ma a lɔn min bara ma a la. I lasɔ ma fɛ ka bɛsɛ do ladan ma ye min si sɔ ma yarɔ.”

Bɔ-Koe-Iyipiti 34:28

Musa tora Mari fɛ nyɔ su bi-nani, tele bi-nani. A ma fen dɔn. A ma yi min. Alla ya tɔn wonu sɛbɛ kuru-walan wonu ma, Tɔn Tan, kɔni.

Matiyu 4:2

Yisa ya tele bi-nani, su bi-nani bɔ tumɛ min a ma fen dɔn, kɔnkɛ ya a bira.

Kalesiya 4:24

Koe kɛnu manɛ misalɛ la. Allata tamasere sarama-kan le musu filɛ wonu na Alla sarata minnu ma anubɛ ala mɔgɛnu tɛma. Alla ya sarama-kan min kiri Sinayi kɔnkɛ kuma, Hega le nyɛrɛ ye sarama-kan wo misalɛ la. Wola dan bɛɛ sɔrɔnnɛ yɔɔnyɛ le tɔ.

Tɔn-Fɔɛ-Fila-Nyɔgɛ 8:3

A ya a yira wo la ko wo makoe ye ale la woletɔ a ya wo lakɔnkɔ. Wo kɔma, a ya biredi-su do di wo ma hali wo benbanu ma min dɔn nun. A ya wo ma alako wo kana wo to dɔntɛ dɔrɔn ma, fɔ ale Allata kumɛ, wo ni ma wola dɔn-fan la.

Tɔn-Fɔɛ-Fila-Nyɔgɛ 9:11

“Tele bi-nani anubɛ su bi-nanɛ dafara tumɛ min, Mari ya wonu denu denu don n bolo nyɔ.

Tɔn-Fɔɛ-Fila-Nyɔgɛ 9:15

“N ya n tintan ka yigi kɔnkɛ kɔrɔ kuru-walan filɛ ye n bolo tɔ tɔn sɛbɛnɛ minnu ma. Ta-mɛlan ye malanna kɔnkɛ kuma bilibili n kɔma-kilɛ la.

Tɔn-Fɔɛ-Fila-Nyɔgɛ 9:18

“Yisi-tinyɛ le ya a ma, n ya n maburun dugi ma ka Mari madiya su bi-nani tele bi-nani kɔrɔ. N ma fen dɔn hali ka n min bawo wola hakɛ ya a ma, Mari fonde bɔra wo kuma.

Hiburunu 9:4

Isɛnti mintan tinɛ min nadannɛ sɛnɛ la, anubɛ tɔn-kenkirɛ siginɛ nyɔ burɔ. Sɛnɛ nɔrɔnnɛ kenkirɛ wo bɛɛ ma. Dɔn-fan min tɔgɛ “Allata biredi,” wo ye sɛnɛ-dagɛ rɔ. Sɛnɛ-dagɛ wo ye kenkirɛ wo burɔ anubɛ Arunata sewuri min ya a matii anubɛ kuru-walan filɛ sarama-kan sɛbɛnɛ minnu ma.