Tɔn-Fɔɛ-Fila-Nyɔgɛ 9:7 - ALLALA KUMƐ

⁷ “Wo kana nyina min ya a to, wota Mari Alla fonde bɔra wole Isirɛla mɔgɛnu kan ma Sinayi kɔnkɛ kɔrɔ. Kebi wo bɔra Iyipiti nyamanɛ rɔ tele min ma ha ka a sigi wo ke wati ma yan, wo murutiyanɛ Mari ma tolon!

Tɔn-Fɔɛ-Fila-Nyɔgɛ 9:7 ပူးပေါင်းရင်းမြစ်များ

Bɔ-Koe-Iyipiti 14:10

Mansɛ anubɛ ala kɛlɛ-dannu gbɛrɛnta anu ma tumɛ min, Isirɛla mɔgɛnu ya anu yɛ lata ka anu yen nala wula-yan la. Anu kumakɔra kilan bolo ha anu ya anu kan nabɔ Mari ma.

Bɔ-Koe-Iyipiti 14:11

Anu ya a fɔ Musa ye ko, “Nfen ya a ma, i nara ma la yan alako ma ni faga wulɛ kɛ rɔ yan? Kaburu-so sa ma bolo Iyipiti nyamanɛ rɔ, wa? I wara ma bɔ Iyipiti nyamanɛ rɔ nfenna ka koe kɛ ma ma la?

Bɔ-Koe-Iyipiti 16:2

Isirɛla mɔgɛ bɛɛ ya gbunya-kumɛ fɔ Musa anubɛ Aruna ma wulɛ wo rɔ

Bɔ-Koe-Iyipiti 17:2

Woletɔ mɔgɛnu nyɛɛra Musa ma ko, “Yi di ma ma.” Musa ya a fɔ anu ye ko, “Wo ye tɛgɛla Mari rɔ ka a kɔrɔbɔ nfenna ko la? Wo ye nyɛɛla nde ma kama worɔ?”

Bɔ-Koe-Iyipiti 23:21

Wo ni wo tolo masɔ melika wo la ka a kuman-kan bira. Wo kana murutiya a ma. Ni wo ya wo ma, a ti wo makoto muk, bawo a ye tala nde le gbɛ rɔ.

Aiseya 48:8

A ko ale nyɛrɛ ya a lɔn ko a ti ke lala wole la. A ko wo dama manɛ mɔgɔ-murutiyanɛnu na a yala. Wo le ya a to, wo ma ko-kurɛ kɛnu namɔɛn nun.

Yɛrɛmaya 11:10

Ado nfan, a ko wo benbanu ya hakɛ minnu kɛ, wole fanan bi wonu denu gbɛ latugunna. Wo benbanu ya anu ban anu tole masɔla a la. Anu bilara bɛsɛnu fɛ ka wonu kɔ. A ko Isirɛla mɔgɛnu anubɛ Yuda mɔgɛnu bara sarama-kan tinya wo benbanu anubɛ Alla ya min kiri anu nyɔgɔn tɛma.

Yɛrɛmaya 32:30

Ka a bi Isirɛla mɔgɛnu anubɛ Yuda mɔgɛnu bakuri ma, a ko anu ma fenfen ma fɔ ka a ladiminya.

Yɛrɛmaya 44:9

Wo benbanu wo, Yuda mansɛnu anubɛ anuna musinu wo, wolebɛ wola musinu wo, wo ara nyina wola karagbɛlɛya-koenu ko, wa? Wo taranta minnu kun na Yerusalɛm anubɛ Yuda soe nyamanɛ toe rɔ, wo ara nyina wonu ko, wa?

Isikiyɛli 20:13

Kɔnɔ hali n ke anu na wulɛ wo rɔ, anu ya n bɔrɔbɔ. Anu ya anu ban nna sereyanu birala ka anu kan-kɔ sɔ nna tɔnnu na, ado ni min ya wonu bira, wo tigi si siyimayɛ sɔrɔn. Anu ya Sulen-Tele lafɛya pɔ! Woletɔ n tabɛnnɛ nun ka nna diminyɛ mumɛ yira anu na wulɛ wo rɔ nyɔ alako anu wara-koe ni ka-a-la.

Isikiyɛli 20:43

Anu bara anu nyɛrɛ latinya min bɛɛ ma kisimiriya-ko-ladannu tɔ, anu hɛnkili si to wonu ko wati wo le tɔ. Anu si nyima anu nyɛrɛ rɔ ka a tɛgɛ anuna ko-yogomɛnu ma.

Isikiyɛli 20:8

Kɔnɔ anu bara n bɔrɔbɔ ka anu tengberenya. Anu ma sɔn anuna bɛsɛnu nafilila a rɔ. Anu ma anu bole bɔ Iyipiti kɛnuna bɛsɛnu tɔ. Anu bi Iyipiti wati min, n tabɛnnɛ ka nna diminyɛ mumɛ yira anu na nun.

Isikiyɛli 36:31

Anu hɛnkili si to anuna ko-yogomɛnu anubɛ anu sɔn-yogomɛnu ko. Anu ba anu miri wonu ma, anu si nyima anu nyɛrɛ rɔ.

Yilan-Yilan Koe 11:4

Sundan donu taranta Isirɛla mɔgɛnu tɛma. Mɛyɛ ara anu tabɔ. Wo ara anubɛ Isirɛla mɔgɛ donu bira kosɛbɛ! Anu ya a fɔ ko, “Alako tun, ma ni soge do sɔrɔn.

Yilan-Yilan Koe 14:22

nba, anu do-wo-do ti don Kenan nyamanɛ rɔ. Anu damasi ya nna ta-waan wo yen serr! Anu ya kabana-ko-siyaman yen n ya min ma Iyipiti anubɛ n ya min ma wula-da-rakolɔn rɔ. Anu ya a yen, n ya n munyu anu kɔrɔ iko siyaman. Hali wo, anu ma sɔn ka nta kumɛ bira.

Yilan-Yilan Koe 17:10

Mari ya a fɔ Musa ye tun ko, “Arunata sewuri wo bi ka a lasɛgi a gbɛ rɔ kenkirɛ kɔrɔ. I si a lamara nyɔ habadan! Isirɛla mɔgɛnu si to anu hɛnkili lamirila sewuri kɛ ma ko anu kana murutiyɛ lawuli tun! Ni anu ya murutiyɛ lawuli tumɛ min, anu dama si faga tɛrr!”

Yilan-Yilan Koe 21:5

anu donta gbunya-kuma-fɔɛ rɔ Musa anubɛ Mari ma ko, “Nfen ya a to, wole nara male la ka bɔ Iyipiti nyamanɛ rɔ ka na ma la wula-da-rakolɔn kɛ rɔ yan. Dɔnta anubɛ min-kɛ-yi sa yan fɔ Allata biredi kɛ, ma si to min dɔnna tuma-wo-tuma, fen-fufafuyi kɛ!”

Yilan-Yilan Koe 25:2

Mohabu musi wonu ya anu kele ka ta anuta saraka-bɔ-tolon rɔ, anu si anuna bɛsɛnu kɔ kan min. Anu kera nyɔ tumɛ min, Isirɛla mɔgɛnu ya anuna saraka-soge wonu dɔn anu fɛ nyɔ

1 Kɔrɛnti 15:9

Kilayɛ bɛɛ tenbira nde la. A ma bɛn defan ka n kele ko kilayɛ bawo n ya a lagbɛlɛya Allala chɔchi kuma.

Ɛfɛsa 2:11

Sibolo-gbɛrɛnu denu bi wonu na, Yahudiyanu ma de! Yahudiya minnu si kemininya ka a yira ko Allatɛ le anu denu na, wonu bi a fɔla wole ma ko, “Alla-lɔnbɛlɛ-bilakorenu.” (Ado nfan, kemininyɛ wo ye mala hadama-den-bole le la.)

Tɔn-Fɔɛ-Fila-Nyɔgɛ 31:27

N ya anuna tolo-gbereyɛ anubɛ anuna murutiyɛ nya-lɔn. Anu bara murutiya Mari ma nde nyɛrɛ yala. N ba faga tumɛ min, anu si murutiya ka tenbi a fɔlɔtɛ fanan na.

Tɔn-Fɔɛ-Fila-Nyɔgɛ 8:2

Wo ni wo miri de Mari sɔra wo yarɔ wula-da-rakolɔn kɛ rɔ san bi-nanɛ kɔrɔ. Mari ya yakɔrɔ-mamɔɛ lana wo kuma ka wo mafɛlɛn ka a lɔn ni wo ye nya min, ni wo si ala tɔnnu bira le.

Tɔn-Fɔɛ-Fila-Nyɔgɛ 9:24

Ka a dabira wo wati ma n bolo ha ka a sigi kaka la, wo ye murutiyɛ le kun na tun.

Tɔn-Fɔɛ-Fila-Nyɔgɛ 9:4

“Wota Mari Alla wa ban fanka dila wo ma tumɛ min ka mɔgɛ kɛnu faga, wo kana wo miri bawo wo sɔn kin, woletɔ a ya nyamanɛ wo di wo ma. Kɔnɔ a sa wo nya. A ya nyamanɛ wo di wo ma bawo Kenan mɔgɛnu wunduyogo.