Tɔn-Fɔɛ-Fila-Nyɔgɛ 9:28 - ALLALA KUMƐ

²⁸ Mari, ni i ma wo ma, Iyipiti mɔgɛnu si a fɔ ko i ma ke tala ita mɔgɛ kɛnu na lanyiri-nyamanɛ wo rɔ. Wonu si to a fɔla ko bawo ata mɔgɛ wonu ma diya a ye, woletɔ a tara anu na anu faga-koe la wulɛ rɔ.

Tɔn-Fɔɛ-Fila-Nyɔgɛ 9:28 ပူးပေါင်းရင်းမြစ်များ

Bɔ-Koe-Iyipiti 32:12

Ni i ya wo ma, Iyipiti kɛnu si a fɔ ko i ya mɔgɛ kɛnu nabɔ nyɔ alako i ni anu ban dugu-kole kuma. I yandi, i fonde yɛlɛma ka kinikini anu ma. I ye nala ko-yogomɛ min mala anu na, i yandi, i kana wo ma anu na.

Isikiyɛli 20:9

Kɔnɔ n ya a bira n tɔ. Ni n ya wo ma nun, wo si ma nyɛrɛ-lafɛyɛ la n bolo sibolo-gbɛrɛnu yala bawo n bara ban a lagbɛla anu ye nun ko n si anu nabɔ Iyipiti.

Yilan-Yilan Koe 14:16

anu si a fɔ ko i wara ila mɔgɛ bɛɛ faga wulɛ rɔ bawo i ti ke tala anu na lanyiri-nyamanɛ rɔ.

Tɔn-Fɔɛ-Fila-Nyɔgɛ 1:27

Wo fanu tora gbunya-kumɛnu fɔla anu nyɔgɔn tɛma ka a fɔ ko, ‘Ma ma di Alla ye bawo a ya ma labɔ Iyipiti nyamanɛ rɔ alako ka ma ladon Amoranu bole tɔ ka ma faga.

Tɔn-Fɔɛ-Fila-Nyɔgɛ 32:27

Kɔnɔ a ma di Mari ye wo yogenu ni anu wasi wo la ko anu denu-denu ya wo nɔ bawo ale Mari nyɛrɛ-nyɛrɛ gbɛ le wo la.

Tɔn-Fɔɛ-Fila-Nyɔgɛ 9:27

I miri ita wɔli-kɛlɛnu ma, Iburayima anubɛ Isiyaka anubɛ Yakoba. I yandi, Mari, i kana i bila anuna murutiyɛ anubɛ anuna wunduyogoyɛ fɛ. Anu hakɛ makoto.

Yasowa 7:9

Ni Kenan mɔgɛ kɛnu ya koe kɛ lamɔɛn tumɛ min, anu si na ka ma bira ka ma ban feu! Wo ti ma i tɔgɔ-tinya-koe la, wa?”