Tɔn-Fɔɛ-Fila-Nyɔgɛ 9:27 - ALLALA KUMƐ

²⁷ I miri ita wɔli-kɛlɛnu ma, Iburayima anubɛ Isiyaka anubɛ Yakoba. I yandi, Mari, i kana i bila anuna murutiyɛ anubɛ anuna wunduyogoyɛ fɛ. Anu hakɛ makoto.

Tɔn-Fɔɛ-Fila-Nyɔgɛ 9:27 ပူးပေါင်းရင်းမြစ်များ

Ko-Dabirɛnu 19:29

Soe minnu bi ba-lɛɛ rɔ Lɔti ye kan min, Alla ye wonu halakila tumɛ min, a ya a miri Iburayima ma ka Lɔti kisi.

Yaburi 130:3

Ni i ye mɔgɛ bɛɛta hakɛ sɛbɛla le nun, yon si a bɔ ila yilikiyi kɔrɔ?

Yaburi 78:8

Anu denu ti lanayabɛlitayɛ kɛ iko anu benbanu, murutinu anubɛ kuma-birabɛlɛ wonu, kɔni. Lanayɛ min bi anu bolo Alla wara la, wo dɔgɔ, ado anu telenni ma a ye.

Bɔ-Koe-Iyipiti 13:5

Mari ya lanyiri kiri wo benbanu ye ko mɔgɛ kɛnu siginɛ kan min, Hɛtinu wo, Amoranu wo, Hefanu wo, anubɛ Yebusinu, a ko a si Kenan nyamanɛ bɛɛ di wo ma. Nyamani-hakikɛ le anuna nyamanɛ wo la. Mari wa wo ladon nyɔ tumɛ min, wo si to ladɛn kɛ sufa kɛla Abibu karɛ kɛ la.

Bɔ-Koe-Iyipiti 3:16

“Ta, i ni Isirɛla mɔgɔ-banu nadɛn ka a fɔ anu ye ko anu benbanuta Mari Alla, Iburayimata Alla, anubɛ Isiyakata Alla, anubɛ Yakobata Alla, wo le nara i wara ta-mɛlan rɔ. N bara a fɔ i ye ko min bɛɛsi ye mala anu na Iyipiti, ko n bara wo bɛɛ lɔn.

Bɔ-Koe-Iyipiti 3:6

A ko tun, “I benba Iburayima wo, i benba Isiyaka wo, anubɛ i benba Yakoba wo, anuta Alla le nde la.” Musa ya a yakɔrɛ yamatogon kamasɔrɔn a kilanta ka Alla ragbɛ.

Bɔ-Koe-Iyipiti 32:13

I miri ila wɔli-kɛlɛnu ma, Iburayima wo, Isiyaka wo, anubɛ Yakoba. I ma lanyiri kiri anu ye nun ko i si anu bɔnsɔn siyaya iko sanma-lolenu? I ma lanyiri kiri anu ye nun ko i si lanyiri-nyamanɛ wo di anu ma ka nyamanɛ wo ma anu halalɛ la?”

Hɛnkilimaya-Kumɛnu 21:12

Alla min natelennɛ, wo kolan ye karagbɛlɛla bon-burɛ la, ado a si anu kasara pɔ!

Yɛrɛmaya 14:21

Ka a tɛgɛ i nyɛrɛ ma, i kana ma kɔn. Gbiliyɛ min bi ila mansaya-waganɛ rɔ, i kana wo gborondo. I ni i fonde lamiri ita sarama-kan ma ma tɛma. I kana na i waralɛ tinya.

Yɛrɛmaya 50:20

Wo wulɔn-tele wa ke, mɔgɔ ti hakɛ-wo-hakɛ taran Isirɛla nyamanɛ rɔ. Karagbɛlɛyɛ fanan ti taran Yuda nyamanɛ rɔ. Wo ye mala le bawo Mari ko a ara minnu niyi lakanan, a ara wonu makoto. Mari kan le kɛ la.

Saraka-Masɔlɛnuta Tɔnnu 26:42

Ni anu ya wo ma, n si n miri nta lanyiri ma n ya min kiri Iburayima, anubɛ Isiyaka anubɛ Yakoba ye. N si nta lanyiri kɛ ma a kurɛ la wo kegeyɛnu ye ka wola nyamanɛ lasɛgi anu ma tun.

Saraka-Masɔlɛnuta Tɔnnu 26:45

N ya lanyiri kɛ kiri wo ye, wole min bɔra Iyipiti ka nta fanka yira duninya la wati wo. N ya wo damasi ma alako nde ni ma wota Alla la. N si wo lanyiri kiri wo kegeyɛnu ye ka a ma a kurɛ la tun.”

Tɔn-Fɔɛ-Fila-Nyɔgɛ 9:26

N ya a fɔ ko, ‘E, Mari, Sɛnbɛ-Bɛɛ-Tigi, n bi i matarala. I yandi, i kana ita mɔgɛ kɛnu faga. I ya anu nabɔ yɔɔnyɛ rɔ Iyipiti nyamanɛ rɔ ita fanka-makawanɛ le la.

Tɔn-Fɔɛ-Fila-Nyɔgɛ 9:28

Mari, ni i ma wo ma, Iyipiti mɔgɛnu si a fɔ ko i ma ke tala ita mɔgɛ kɛnu na lanyiri-nyamanɛ wo rɔ. Wonu si to a fɔla ko bawo ata mɔgɛ wonu ma diya a ye, woletɔ a tara anu na anu faga-koe la wulɛ rɔ.

1 Samuwɛli 25:25

I kana i tole masɔ kun-takolɔn wo la. Ale mani de iko a tɔgɛ wo ye nya min bawo a tɔgɛ wo kɔrɛ le, ‘Kun-takolɔn.’ Ila wɔli-kɛlɛ wonu bi nala a wara tumɛ min, wo ya a taran, nde sa nyɔ nun.