Tɔn-Fɔɛ-Fila-Nyɔgɛ 9:26 - ALLALA KUMƐ

²⁶ N ya a fɔ ko, ‘E, Mari, Sɛnbɛ-Bɛɛ-Tigi, n bi i matarala. I yandi, i kana ita mɔgɛ kɛnu faga. I ya anu nabɔ yɔɔnyɛ rɔ Iyipiti nyamanɛ rɔ ita fanka-makawanɛ le la.

Tɔn-Fɔɛ-Fila-Nyɔgɛ 9:26 ပူးပေါင်းရင်းမြစ်များ

2 Samuwɛli 7:23

Isirɛla mɔgɛnu fanan nyɔgɔn sa! I wara ma kunyɛ labɔ yɔɔnyɛ rɔ ka male ma ile halalɛ la. E, Mari, i ya kabana-koe minnu kɛ ma benbanu ye, wo ya a ma le, ile tɔgɔ tara pɔn, ka ke duninya tɔnkɔn nani bɛɛ rɔ. Ila mɔgɛnu taranta tala yarɔ nya min, i tara anu yogenu gbenna anu yarɔ wo nya na le anubɛ wonuna bɛsɛnu. Ita mɔgɛ le male la, i ya minnu kunyɛ bɔ gbaran rɔ Iyipiti kɛnu bolo, kɔni.

1 Mansɛnu 8:51

bawo ita mɔgɛ le kɛnu na i nara minnu na ka bɔ Iyipiti, anuta sulubondɔn, kɔni.

1 Mansɛnu 8:53

I ya Isirɛla mɔgɛnu yabɔ duninya-mɔgɛnu tɛma ka anu ma itɛ la iko i ya a fɔ Nɛbi Musa ye nya min wo tumɛ i ye anu nabɔla Iyipiti nyamanɛ rɔ.”

Nihɛmaya 1:10

“Mari, i yandi, ita wɔli-kɛlɛ anubɛ ita mɔgɛ le anu na. I ya anu kunyɛ bɔ gbaran rɔ ita sɛnbɛ-makawanɛ la.

Yaburi 106:23

A fɔɛ Alla bolo ko a ye ala mɔgɛnu kasarala, ata wɔli-kɛla-yabɔnɛ Musa ya a sɔ Allata mɔgɛ wonuna ko la gben! A ya anu kanan Allata fondo-bɔɛ ma.

Yaburi 107:2

Wole min bɛɛ ara kisi, wo ni to kumɛ kɛnu fɔla Mari matɔgɔ tinɛ tun tun! Ale le ya wo lakanan wo yogenu ma

Yaburi 28:9

E, Mari, ila mɔgɛnu nakisi. I ni ita duwɛ layigi anu kuma. I ni ma anu makandannɛ la iko saga-kandanna-nyimɛ si sagɛnu makandan nya min. I ni to anu fɛ-birala tɛban!

Yaburi 57:1

E, Alla, kinikini n ma bawo ile si n matanka. N bi i kanban kɔrɔ n matanka-koe la ha nna nyagbɛ kɛ ni bɔ n kuma.

Yaburi 77:15

I ya ila mɔgɛnu kisi ila sɛnbɛ-wɛ la, Yakoba anubɛ Yusufu kegeyɛnu, kɔni.

Yaburi 78:35

Anu ya anu miri a ma tun ko anuna kanannɛ le ale Alla la. Anu ya anu miri ko Alla Sɛnbɛ-Bɛɛ-Tigi le wara na anu dɛnbɛ.

Yaburi 99:6

Musa anubɛ Aruna taranta saraka-masɔ-wɔlɛ kɛla Mari ye. Samuwɛli fanan si Mari madiya nun. Anu ya anu kan nabɔ Mari ma, ado a ya a labira.

Bɔ-Koe-Iyipiti 15:13

I ya male min kunka, i si ta ma yarɔ ita keninteya-banbɛlɛ la ka sɔ ma yarɔ ita sɛnbɛ la ha ma si ke nyamanɛ wo rɔ i ye i mayigila kan min.

Bɔ-Koe-Iyipiti 33:13

Nba, ni n bara-koe ara i hɛnɛ, i yandi, a ma, i ni i miriyanu yira n na alako n ni i lɔn. Wo le si a ma, n ni i tanɛ lɔn ka to i diyana-koenu kɛla. I ni a lɔn yati, ko ita mɔgɔ-yabɔnɛ le sibole kɛnu na.”

Bɔ-Koe-Iyipiti 34:9

A ko, “E, Mari, ni n di i ye, i yandi, i ni ta ma tɛma kamasɔrɔn ila mɔgɛ kɛnu tengberenta. I ni mala yogoyɛ anubɛ mala hakɛ makoto ka ma ma i halalɛ la.”

Aiseya 44:23

Wole san-kolenu, wo ni wo dɛ sa-a-rɔ sewɛ bolo! Denka-rayan-bɛnu ni anu dɛ sa-a-rɔ! Wole kɔnkɛnu, wole gbɔngbɔn-makilannɛ, wo ni wo dɛ sa-a-rɔ sewɛ bolo! Mari ya male ata Isirɛla mɔgɛnu kisi tumɛ min, a ya ata kabana-koe mayira.

Aiseya 63:19

Mɔgɛ donu bi nyɔ, i ma minnu mara wɛ tele-kelen-bɛrɛni! I tɔgɔ ma sa wonu kuma lun-kelen lun-tala, ado male ara ma le gbɛ iko mɔgɛ wonu.

Yɛrɛmaya 14:21

Ka a tɛgɛ i nyɛrɛ ma, i kana ma kɔn. Gbiliyɛ min bi ila mansaya-waganɛ rɔ, i kana wo gborondo. I ni i fonde lamiri ita sarama-kan ma ma tɛma. I kana na i waralɛ tinya.

Yɛrɛmaya 15:1

Wo kɔma, Mari ya a fɔ nde, Yɛrɛmaya ye ko hali Nɛbi Musa anubɛ Samuwɛli ya madiyali-kɛ wole, Yuda mɔgɛnu ye, a ko a ti kinikini wo ma. A ko wole ni wo masɛgi a la fasi! Wo ni wo mata pon!

Nimisa Koe 2:20

E, Mari, i kolan lata mɔgɛ kɛnu ma. Ha bi, i wara yon tɔrɔ iko kɛnu? I ma a yen, musinu bi anu diyana-dannu soge dɔnna? Ma yogenu bi saraka-masɔlɛnu anubɛ nɛbinu fagala ita Bato-Bɔn la.

Maika 6:4

Ale le ya wo labɔ yɔɔnyɛ rɔ Iyipiti nyamanɛ rɔ ka na wo la yan. Ale le ya Musa sɔ wo yarɔ anubɛ Aruna anubɛ Miriyam.

Tɔn-Fɔɛ-Fila-Nyɔgɛ 13:5

Ni wɔlɔyi anubɛ kiyo-kɔrɔ-takarannɛ do ya wo labila kɛwuyɛ do la alako wo ni murutiya Alla ma, wo si wo tigi faga. Wota Mari le ya wo kunka ka wo labɔ Iyipiti nyamanɛ rɔ. Maritɛ le wole la gbɛ! Mɔgɔ-sufa wo yogo. A sɔgɛ ye mɔgɔ-sufa wo la ka wo labɔ Allata kilɛ fɛ. Wo si a faga alako ka ko-yogoma-sufa wonu nabɔ wo tɛma.

Tɔn-Fɔɛ-Fila-Nyɔgɛ 21:8

Mari, i yandi, i ya male Isirɛla mɔgɛ minnu nabɔ Iyipiti nyamanɛ rɔ, i ni ma makoto. Mɔgɛ min bara faga kɛ la, ma ma nɔndɔn yen min na ma wara la, i kana ma bira wo yili la.’ Ni wo ya a ma iko Mari ya a fɔ nya min, wo ti yiliki sɔrɔn Mari bolo. Wo hakɛ yama si togon.”

Tɔn-Fɔɛ-Fila-Nyɔgɛ 32:9

Kɔnɔ a ya Yakoba bɔnsɔn-mɔgɛnu namara a nyɛrɛ ye.

Tɔn-Fɔɛ-Fila-Nyɔgɛ 7:8

Mari ya wo kunka ka wo bɔ yɔɔnyɛ rɔ Iyipiti mansɛ bolo bawo a ya wo keni, ado a sɔgɛ ye a la, a ya lanyiri min kiri wo benbanu ye, a si wo kanbali.

Tɔn-Fɔɛ-Fila-Nyɔgɛ 9:12

Wo kɔma, Mari ya a fɔ nde ye ko, ‘I buri yigila kɔnkɛ kɔrɔ tiriya bawo i nara mɔgɛ minnu na ka bɔ Iyipiti nyamanɛ rɔ, wonuna ko-yogoma-ladan ara a ma, anu bara anu nyɛrɛ kɔsɔ. N ma n tade lefan, n ya min fɔ anu ye, anu bara anu kan-kɔ sɔ wo la. Nba, i yɛ lata de! Anu bara bɛsɛ ladan anu nyɛrɛ ye.’

Tɔn-Fɔɛ-Fila-Nyɔgɛ 9:27

I miri ita wɔli-kɛlɛnu ma, Iburayima anubɛ Isiyaka anubɛ Yakoba. I yandi, Mari, i kana i bila anuna murutiyɛ anubɛ anuna wunduyogoyɛ fɛ. Anu hakɛ makoto.

Tɔn-Fɔɛ-Fila-Nyɔgɛ 9:29

Min sanɛ wo kuma, ita mɔgɔ-bɛrɛbɛrɛ le kɛnu na. Ile le tɔrɔta mɔgɛ kɛnu na ka anu nabɔ Iyipiti ita fanka-makawanɛ la.’ ”

Taita 2:14

Yisa ya a nyɛrɛ ni mala ko la alako ma ni tanka ko-yogomɛ-bɛɛ ma. A ya ma sɛninya alako ma ni ma ala mɔgɛnu na minnu bi nyinina ko-nyima-kɛ ma.

Hiburunu 9:12

Kirasiti donta Sɛnima-Sɛnima-Tinɛ rɔ iko kelen pe ka dan wo ma. A ma baa-yele anubɛ tura-yele bɔ sarakayɛ la. A ya a nyɛrɛ yele le bɔ ka kisi-koe sɔrɔn ma ye wo fɛ habadan!

Lankɛnimayɛ 5:9

Anu ya bɛti-kurɛ do bɔ. Anu ko, “I si ke ka gbolo-lamininɛ wo bi ka li-kɛɛn wonu bɔ a ma bawo anu bara i faga nun. I ya mɔgɛnu san Alla ye ila sayɛ fɛ ka bɔ bɔnsɔn bɛɛ rɔ anubɛ mɔgɛ bɛɛ rɔ anubɛ sibole bɛɛ rɔ iko anu kan faranɛ nya min.

1 Samuwɛli 7:9

Samuwɛli ya saga-dan faga ka a mumɛ ma saraka-mintantɛ la Mari ye. Wo kɔma, a ya Isirɛlata Mari Alla madiya anu dɛnbɛn-koe la, ado Mari ya ala madiyali-kan wo yabi.